Assessment of declarations

Ba cheart go mbeadh san áireamh sa dearbhú spéise réamhfhostaíochta a dtagraítear dó in Airteagal 4a(7) de Threoir 2013/36/AE, atá le cur isteach ag comhaltaí foirne ionchasacha agus ag comhaltaí de chomhlacht rialachais an údaráis inniúil, faisnéis ar a laghad maidir le sealúchais na gcomhaltaí ionchasacha atá leagtha amach in Airteagal 4a(7) de Threoir 2013/36/AE, eisithe ag na hinstitiúidí atá faoi mhaoirseacht an údaráis inniúil nó a dtagraítear dóibh, agus na máthairghnóthais dhíreacha agus indíreacha, na fochuideachtaí nó na fiontair cleamhnaithe de chuid na n institiúidí sin, atá i seilbh an chomhalta lena mbaineann faoi láthair. Ní gá sealúchais a shonraítear in Airteagal 4a(3), pointe (a)(i) agus pointe (ii) de Threoir 2013/36/AE a dhearbhú. -

Féadfaidh údaráis inniúla a cheangal ar chomhaltaí foirne ionchasacha agus ar chomhaltaí dá gcomhlachtaí rialachais faisnéis a nochtadh maidir le coinbhleachtaí leasa eile, lena n áirítear róil le déanaí in institiúidí a bhfuiltear ag súil go mbeidh baint dhíreach acu leo chun críocha - maoirseachta nó cinnteoireachta, lena n áirítear máthairghnóthais dhíreacha nó indíreacha, fochuideachtaí nó fiontair chleamhnaithe na n institiúidí sin, nó eintitis a dhéanann - gníomhaíochtaí brústocaireachta agus abhcóideachta atá dírithe ar an údarás inniúil maidir le - hábhair a bhfuiltear ag súil go mbeidh siad freagrach astu.

Maidir leis na dearbhuithe leasa bliantúla dá dtagraítear in Airteagal 4a(7) de Threoir 2013/36/AE atá le cur isteach ag baill foirne agus comhaltaí chomhlacht rialachais an údaráis inniúil, ba cheart faisnéis faoi shealúchais na gcomhaltaí dá dtagraítear i mír 18 a áireamh iontu.

Féadfaidh údaráis inniúla a cheangal freisin go gcuirfear isteach an fhaisnéis a dtagraítear di i mír 19 mar chuid de na dearbhuithe leasa bliantúla.

Ba cheart do na húdaráis inniúla a áirithiú go ndearbhóidh comhaltaí foirne agus comhaltaí chomhlacht rialachais an údaráis inniúil aon fháil nó diúscairt ar na sealúchais dá dtagraítear i mír 18 a d’fhéadfadh tarlú idir dearbhuithe.

Féadfaidh údaráis inniúla a cheangal freisin ar a gcomhaltaí foirne agus ar chomhaltaí a gcomhlachta rialachais aon chás eile de choimhlint leasa iarbhír nó thuigthe a d’fhéadfadh teacht chun cinn idir dearbhuithe a dhearbhú go pras.