Artikolu 29 Miri tal-użu mill-ġdid

1.   Mill-1 ta' Jannar 2030, l-operaturi ekonomiċi li jużaw l-imballaġġ għat-trasport, jew l-imballaġġ għall-bejgħ użat għat-trasport tal-prodotti, inkluż għall-prodotti distribwiti permezz tal-kummerċ elettroniku, fit-territorju tal-Unjoni, fil-forma ta' pallets, kaxxi tal-plastik li jintwew, kaxxi, trays, ċestuni tal-plastik, kontenituri intermedji għal kwantitajiet kbar, bramel, ċilindri u kaxxetti ta' kwalunkwe daqs jew materjal, inkluż formati flessibbli jew tgeżwir tal-pallets jew ċineg għall-istabbilizzazzjoni u l-protezzjoni tal-prodotti mqiegħda fuq il-pallets matul it-trasport, għandhom jiżguraw li mill-inqas 40 % ta' imballaġġ bħal dan b’kollox ikun imballaġġ li jista' jerġa' jintuża f'sistema għall-użu mill-ġdid.

Mill-1 ta' Jannar 2040, dawk l-operaturi ekonomiċi għandhom jagħmlu ħilithom biex jużaw mill-inqas 70 % tal-imballaġġ imsemmi fl-ewwel subparagrafu f'format riutilizzabbli f'sistema għall-użu mill-ġdid.

2.   Mill-1 ta' Jannar 2030, b'deroga mill-paragrafu 1 ta' dan l-Artikolu, l-operaturi ekonomiċi li jużaw imballaġġ għat-trasport jew imballaġġ għall-bejgħ użat għat-trasport tal-prodotti, fil-forom kif elenkati fil-paragrafu 1 ta' dan l-Artikolu, fit-territorju tal-Unjoni bejn siti differenti li fihom l-operatur iwettaq l-attività tiegħu, jew bejn kwalunkwe wieħed mis-siti li fihom l-operatur iwettaq l-attività tiegħu u s-siti ta' kwalunkwe intrapriża assoċjata jew intrapriża sieħba oħra, kif definit fl-Artikolu 3 tal-Anness tar-Rakkomandazzjoni 2003/361/KE kif applikabbli fil-11 ta’ Frar 2025, għandhom jiżguraw li tali imballaġġ ikun riutilizzabbli f'sistema għall-użu mill-ġdid.

3.   Mill-1 ta' Jannar 2030, b'deroga mill-paragrafu 1, l-operaturi ekonomiċi li jużaw l-imballaġġ għat-trasport jew l-imballaġġ għall-bejgħ użat għat-trasport tal-prodotti, inkluż għall-prodotti distribwiti permezz tal-kummerċ elettroniku, fil-forom kif elenkati fil-paragrafu 1, biex iwasslu l-prodotti lil operatur ekonomiku ieħor fl-istess Stat Membru għandhom jiżguraw li imballaġġ bħal dan ikun riutilizzabbli f'sistema għall-użu mill-ġdid.

4.   L-obbligi stabbiliti fil-paragrafi 1, 2 u 3 ma japplikawx għall-imballaġġ għat-trasport jew għall-imballaġġ għall-bejgħ:

5.   Mill-1 ta' Jannar 2030, l-operaturi ekonomiċi, li jużaw l-imballaġġ kollettiv fil-forma ta' kaxxi, eskluż il-kartun, użati barra mill-imballaġġ għall-bejgħ biex jiġbru ċertu għadd ta' prodotti biex joħolqu unità għaż-żamma tal-ħażniet jew tad-distribuzzjoni għandhom jiżguraw lili mill-inqas 10 % ta' tali imballaġġ ikun imballaġġ riutilizzabbli f'sistema għall-użu mill-ġdid.

Mill-1 ta' Jannar 2040, l-operaturi ekonomiċi għandhom jagħmlu ħilithom biex jużaw mill-inqas 25 % tal-imballaġġ imsemmi fl-ewwel subparagrafu f'format riutilizzabbli f'sistema għall-użu mill-ġdid.

6.   Mill-1 ta' Jannar 2030, id-distributuri finali li jqiegħdu għad-dispożizzjoni x-xorb alkoħoliku u mhux alkoħoliku fl-imballaġġ għall-bejgħ fit-territorju ta' Stat Membru lill-konsumaturi għandhom jiżguraw li mill-inqas 10 % ta' dawk il-prodotti jitqiegħdu għad-dispożizzjoni f'imballaġġ riutilizzabbli f'sistema għall-użu mill-ġdid.

Mill-1 ta' Jannar 2040, l-operaturi ekonomiċi għandhom jagħmlu ħilithom biex jitqiegħdu għad-dispożizzjoni mill-inqas 40 % tal-prodotti msemmija fl-ewwel subparagrafu f'imballaġġ riutilizzabbli f'sistema għall-użu mill-ġdid.

Id-distributuri finali għandhom jiżguraw li l-prodotti fl-imballaġġ immanifatturati bil-marka tad-ditta tagħhom jikkontribwixxu fuq bażi ġusta u proporzjonata lejn il-kisba tal-miri stabbiliti f’dan il-paragrafu.

7.   Il-miri stipulati fil-paragrafu 6 ma għandhomx japplikaw għal:

8.   Sat-12 ta’ Frar 2027, il-Kummissjoni, f'konsultazzjoni mal-Istati Membri, għandha tippubblika linji gwida dwar it-tipi ta' prodotti fil-kamp ta' applikazzjoni tal-paragrafi 6 u 7.

9.   Id-distributuri finali kif imsemmija fil-paragrafu 6 għandhom jieħdu lura, mingħajr ħlas, l-imballaġġ riutilizzabbli kollu tal-istess tip, forma u daqs bħall-imballaġġ li jkunu qiegħdu għad-dispożizzjoni fis-suq, f'dik is-sistema speċifika għall-użu mill-ġdid fil-punt tal-bejgħ, filwaqt li jiżguraw l-irkupru u r-ritorn ta' tali imballaġġ tul il-katina tad-distribuzzjoni kollha. Id-distributuri finali għandhom jiżguraw li l-utenti finali jkunu jistgħu jirritornaw l-imballaġġ fil-post fejn isir it-trasferiment fiżiku ta' dan l-imballaġġ jew fil-viċinanza immedjata tiegħu. Id-distributur finali għandu jirrimborża d-depożiti assoċjati kollha jew jinnotifika r-ritorn tal-imballaġġ skont ir-regoli ta' governanza tas-sistema speċifika għall-użu mill-ġdid, sabiex kwalunkwe depożitu assoċjat jiġi rimborżat, skont il-każ.

10.   Jekk, f'sena kalendarja partikolari, distributur finali jkollu żona tal-bejgħ ta' mhux aktar minn 100 m2, dak id-distributur finali għandu jkun eżentat mill-obbligu li jilħaq il-miri stabbiliti fil-paragrafu 6 f'dik is-sena kalendarja. Abbażi tal-kundizzjonijiet speċjali tad-distribuzzjoni finali u ta' xi setturi tal-manifattura, anki fil-livell nazzjonali, il-Kummissjoni għandha s-setgħa li tadotta atti delegati f'konformità mal-Artikolu 64 biex temenda l-limitu taż-żona tal-bejgħ.

11.   L-Istati Membri jistgħu jeżentaw lid-distributuri finali mill-obbligu li jilħqu l-miri stabbilti fil-paragrafi 6 jekk iż-żona tal-bejgħ tagħhom tkun tinsab fi gżira b'popolazzjoni ta' inqas minn 2 000 abitant.

L-Istati Membri jistgħu jeżentaw ukoll lid-distributuri finali mill-obbligu li jilħqu l-miri stabbiliti fil-paragrafu 6 jekk iż-żona tal-bejgħ tagħhom tkun tinsab f'muniċipalità b'densità tal-popolazzjoni ta' inqas minn 54 persuna/km2, madankollu, il-miri stabbiliti fil-paragrafu 6 għandhom japplikaw għad-distributuri finali b'żona tal-bejgħ f'ċentri tal-popolazzjoni b'aktar minn 5 000 abitant.

Jekk distributur finali li jkun ġie eżentat skont l-ewwel jew it-tieni subparagrafu jbigħ il-prodotti msemmija fil-paragrafu 6 f'imballaġġ riutilizzabbli, huwa għandu jirranġa biex jieħu lura tali imballaġġ f'konformità mal-paragrafu 9. Jekk id-distributur finali li jkun ġie eżentat skont l-ewwel jew it-tieni subparagrafu jkollu aktar minn żona tal-bejgħ waħda u waħda biss jew biss xi wħud minn dawk iż-żoni jkunu jinsabu fuq tali gżira jew f’tali muniċipalità, ix-xorb rilevanti mqiegħda għad-dispożizzjoni fit-territorju ta' Stat Membru f'tali żoni ta' bejgħ ma għandhomx jiġu kkalkulati għall-fini tal-ilħuq tal-miri stabbiliti fil-paragrafu 6.

12.   L-Istati Membri jistgħu jippermettu lid-distributuri finali biex jiffurmaw aggregazzjonijiet għall-fini li jissodisfaw l-obbligi tagħhom stabbiliti fil-paragrafu 6, dment li kull aggregazzjoni:

Il-kundizzjoni skont il-punt (b) ma tapplikax jekk id-distributuri finali joperaw taħt l-istess isem ta' ditta.

Meta Stat Membru jippermetti lid-distributuri finali jiffurmaw aggregazzjonijiet skont l-ewwel subparagrafu, kull aggregazzjoni għandha tipprovdi lill-awtorità kompetenti tal-Istat Membru mill-inqas l-informazzjoni li ġejja:

L-Istati Membri jistgħu jirrikjedu li tiġi pprovduta aktar informazzjoni kif meħtieġ għall-infurzar tal-obbligi skont il-paragrafu 6 flimkien ma' dan il-paragrafu.

Id-distributuri finali għandhom jiżguraw li l-arranġamenti ta' aggregazzjoni tagħhom jikkonformaw mal-Artikoli 101 u 102 TFUE. Mingħajr preġudizzju għall-applikabbiltà ġenerali tar-regoli ta' kompetizzjoni tal-Unjoni għal aggregazzjonijiet bħal dawn, il-membri kollha ta' aggregazzjoni għandhom b'mod partikolari jiżguraw li la l-kondiviżjoni tad-data u lanqas l-iskambju ta' informazzjoni, inkluż fir-rigward ta' data prospettiva dwar il-bejgħ, ma jseħħu fil-kuntest tal-arranġamenti tal-aggregazzjoni tagħhom, ħlief fir-rigward tal-informazzjoni msemmija fl-Artikolu 30(2) ta' dan ir-Regolament.

Sal-1 ta' Jannar 2028, il-Kummissjoni għandha tadotta atti delegati skont l-Artikolu 64 sabiex jissupplimentaw dan ir-Regolament billi jistabbilixxu u jispeċifikaw il-kundizzjonijiet dettaljati u r-rekwiżiti ta' rapportar li għandhom jiġu applikati għall-arranġamenti ta' aggregazzjoni msemmija f'dan il-paragrafu, b'kont meħud tat-tip u l-kwantità tal-imballaġġ li kull distributur finali jqiegħed fis-suq kull sena kalendarja u l-post fejn jinsabu d-distributuri finali.

13.   L-operaturi ekonomiċi għandhom ikunu eżentati mill-obbligu li jilħqu l-miri stabbiliti f'dan l-Artikolu għal sena kalendarja jekk, matul sena kalendarja, huma:

Abbażi tal-kundizzjonijiet speċjali tad-distribuzzjoni finali u ta' xi setturi tal-manifattura, inkluż fil-livell nazzjonali, il-Kummissjoni għandha s-setgħa li tadotta atti delegati f'konformità mal-Artikolu 64 biex temenda l-limitu stabbiliti fil-punt (a) ta' dan il-paragrafu.

14.   L-Istati Membri jistgħu jeżentaw lill-operaturi ekonomiċi għal perjodu ta' 5 snin mill-obbligi skont dan l-Artikolu bil-kundizzjonijiet li ġejjin:

Dak il-perjodu ta’ 5 snin jista’ jiġġedded mill-Istat Membru dment li jiġu ssodisfati l-kundizzjonijiet kollha.

15.   Soġġett għall-kundizzjonijiet stipulati fl-Artikolu 51, l-Istati Membri jistgħu jistabbilixxu miri għall-operaturi ekonomiċi li jaqbżu l-miri minimi stipulati fil-paragrafi 1, 2, 3, 5 u 6 ta' dan l-Artikolu sal-punt li tali miri ogħla jkunu neċessarji sabiex l-Istat Membru jilħaq waħda jew aktar mill-miri stabbiliti fl-Artikolu 43.

16.   Soġġett għall-kundizzjonijiet stipulati fl-Artikolu 51, l-Istati Membri jistgħu jistabbilixxu miri għall-operaturi ekonomiċi fir-rigward tax-xorb imqiegħed għad-dispożizzjoni f'imballaġġ għall-bejgħ li għalih ma japplikax il-paragrafu 6 ta' dan l-Artikolu, jekk dawk il-miri addizzjonali jkunu meħtieġa għall-Istat Membru biex jilħaq waħda jew aktar mill-miri stabbiliti fl-Artikolu 43.

17.   Il-miri stabbiliti fi jew skont dan l-Artikolu għandhom jiġu kkalkulati għall-perjodu ta' sena kalendarja.

18.   Sabiex jitqiesu l-aħħar data u żviluppi xjentifiċi u tekniċi, il-Kummissjoni għandha s-setgħa li tadotta atti delegati f'konformità mal-Artikolu 64, biex tissupplimenta dan ir-Regolament billi tistabbilixxi:

19.   Sal-1 ta' Jannar 2034, filwaqt li tqis l-evoluzzjoni tat-teknoloġija l-aktar avvanzata u l-esperjenza prattika miksuba mill-operaturi ekonomiċi u mill-Istati Membri, il-Kummissjoni għandha tippreżenta rapport li jirrevedi l-implimentazzjoni tal-miri għall-2030 stipulati f'dan l-Artikolu. F'dak ir-rapport, hija għandha tevalwa, inkluż mill-perspettiva tal-valutazzjoni taċ-ċiklu tal-ħajja tal-imballaġġ li jintuża darba biss u riutilizzabbli, dan li ġej:

Ir-rapport tal-Kummissjoni għandha tinkludi valutazzjoni tal-impatt fuq l-impjiegi. Fejn xieraq, mar-rapport għandu jkun hemm proposta leġiżlattiva li temenda dan l-Artikolu, speċjalment il-miri għall-2040. Sa Diċembru 2032, l-Istati Membri għandhom jipprovdu data lill-Kummissjoni dwar il-valutazzjoni tal-impatt fuq l-impjiegi relatata mal-implimentazzjoni tal-miri tal-użu mill-ġdid fit-territorji nazzjonali tagħhom. Qabel ma jippreżentaw id-data lill-Kummissjoni, l-Istati Membri għandhom jinfurmaw u jikkonsultaw lis-sħab soċjali nazzjonali li jirrappreżentaw lill-ħaddiema u lill-impjegaturi fis-setturi koperti mill-miri għall-użu mill-ġdid tal-imballaġġ.