10.1 Kunsiderazzjonijiet ġenerali

Dan it - titolu jkopri l - kombinazzjoni tas - sejbiet tal - valutazzjonijiet tal - elementi tal -SREP fil - valutazzjoni ġenerali tal - SREP. Huwa jindirizza wkoll l - applikazzjoni mill - awtoritajiet kompetenti ta’ miżuri superviżorji biex jindirizzaw nuqqasijiet identifikati permezz tal - valutazzjoni tal - elementi tal -SREP. L- awtoritajiet kompetenti jistgħu japplikaw miżuri superviżorji kif speċifikat fid - Direttiva (UE) 2019/2034 (l- Artikoli 38, 39, 40, 41 u 42) u l - liġi nazzjonali, u, meta applikabbli, il - miżuri ta’ intervent bikri kif speċifikat fl - Artikolu 27 tad - Direttiva 2014/59/UE, jew kwalunkwe kombinazzjoni ta’ dawn ta’ hawn fuq.

L- awtoritajiet kompetenti għandhom jeżerċitaw is - setgħat superviżorji tagħhom fuq il - bażi tal - insuffiċjenzi identifikati matul il - valutazzjonijiet tal - elementi SREP individwali u filwaqt li jqisu l - valutazzjoni ġenerali tal - SREP, inkluż il - punteġġ, b’kunsiderazzjoni ta’ dawn li ġejjin:

• a. il- materjalità tan - nuqqasijiet/vulnerabbiltajiet u l - impatt prudenzjali potenzjali tan - nuqqas ta’ indirizzar tal - kwistjoni (jiġifieri jekk huwiex neċessarju li l- kwistjoni tiġi indirizzata b’miżura speċifika);
• b. jekk il - miżuri humiex konsistenti mal - valutazzjoni globali tagħhom ta’ element SREP partikolari (u l - valutazzjoni kumplessiva SREP) jew proporzjonati magħha;
• c. jekk humiex meħtieġa miżuri superviżorji jew amministrattivi oħrajn biex jiġu indirizzati n - nuqqasijiet/il - vulnerabbiltajiet prudenzjali relatati mar - riskji tal -ML/TF fil - mandat superviżorju tagħhom wara li jkunu kkomunikaw mas - superviżuri tal - AML/CFT rilevanti;
• d. jekk l - insuffiċjenzi/il - vulnerabbiltajiet ġewx diġà indirizzati/koperti minn miżuri oħrajn;
• e. jekk miżuri oħrajn jistgħux jilħqu l - istess għan b’inqas impatt amministrattiv u finanzjarju fuq id - ditta tal - investiment;
• f. il- livell ottiku u t - tul tal - applikazzjoni tal - miżura biex jintlaħaq l - għan superviżorju; u
• g. il- possibbiltà li r - riskji u l - vulnerabbiltajiet identifikati jistgħu jiġu korrelatati jew msaħħa b’mod awtomatiku, jew it - tnejn, li jistħoqqilhom żieda fir - rigorożità tal - miżuri superviżorji.

106

Meta japplikaw miżuri superviżorji biex jindirizzaw insuffiċjenzi speċifiċi identifikati fil - valutazzjoni tal - elementi SREP, l - awtoritajiet kompetenti għandhom iqisu b’mod ġenerali r - rekwiżiti kwantitattivi tal - fondi proprji u ta’ likwidità li għandhom jiġu applikati abbażi tal - kriterji speċifikati fit -Ti toli 7 u 9.

Meta japplikaw miżuri superviżorji jew sanzjonijiet biex jindirizzaw in - nuqqasijiet prudenzjali relatati mar - riskju tal -ML/TF, l- awtoritajiet kompetenti għandhom jinvolvu ruħhom mas - superviżuri tal - AML/CFT sabiex in - nuqqasijiet/il - vulnerabbiltajiet sottostanti jiġu indirizzati b’mod adegwat mill - miżuri xierqa fi ħdan il - mandat rispettiv tas - superviżuri tal - AML/CFT u tal - awtoritajiet kompetenti mill - perspettivi rispettivi tagħhom.

L- awtoritajiet kompetenti jistgħu jieħdu miżuri superviżorji immedjati marbuta direttament mal - eżiti ta’ kwalunkwe attività superviżorja.