5.1 Eisiaimh a cheadú roimh ré

I gcás go gcinnfidh an gnólacht infheistíochta i gcomhréir le CTR maidir le baill foirne shainaitheanta nach bhfuil tionchar ábhartha ag gníomhaíochtaí gairmiúla an bhaill foirne ar an ngnólacht infheistíochta nó ar na sócmhainní a bhainistíonn sé agus go ndéanann sé iarratas ar cheadú roimh ré, ba cheart go mbeadh feidhm ag an méid seo a leanas: EBA Public

• a. ba cheart don chomhlacht bainistíochta cinneadh a dhéanamh bunaithe ar an anailís arna déanamh laistigh den phróiseas sainaitheanta bliantúil, más fíor é nach bhfuil tionchar ábhartha ag na baill foirne ar phróifíl riosca an ghnólachta infheistíochta nó ar na sócmhainní a bhainistíonn sé agus an fheidhm mhaoirseachta a chur ar an eolas faoin gcinneadh a glacadh. Ba cheart don fheidhm mhaoirseachta nó don choiste luach saothair, i gcás go bhfuil sé curtha ar bun, athbhreithniú a dhéanamh ar na critéir agus ar an bpróiseas faoina nglactar na cinntí agus na díolúintí arna ndéanamh a cheadú;¹⁷
• b. ba cheart aon iarratas ar cheadú roimh ré a dhéanamh gan mhoill, ach laistigh de shé mhí i ndiaidh dheireadh na bliana airgeadais roimhe sin ar a dhéanaí. Ba cheart don údarás inniúil an t-iarratas a mheasúnú agus an t-iarratas a cheadú nó a dhiúltú, a mhéid is féidir, laistigh de thréimhse trí mhí i ndiaidh dó na doiciméid iomlána a fháil;
• c. i gcás gur dámhadh luach saothair iomlán EUR 1,000,000 nó níos mó ar an mball foirne sa bhliain airgeadais roimhe sin, ba cheart don údarás inniúil an tÚdarás Baincéireachta Eorpach a chur ar an eolas láithreach faoin iarratas a fuarthas agus a mheasúnú tosaigh a sholáthar. Arna iarraidh sin, ba cheart don údarás inniúil an fhaisnéis go léir a fuair an gnólacht infheistíochta a chur faoi bhráid an ÚBE láithreach. Déanfaidh an ÚBE idirchaidreamh leis an údarás inniúil lena áirithiú go ndeonófar eisiaimh dá leithéid ar bhealach comhsheasmhach sula ndéanfaidh an t-údarás inniúil an cinneadh maidir leis an iarratas a cheadú nó a dhiúltú.

¹⁷ Féach alt 103 maidir le díolúintí ón bpolasaí luach saothair a cheadú, le do thoil.

Níor cheart ceadú roimh ré maidir le heisiaimh foirne arna sainaithint i ndáil leis na critéir chainníochtúla a dheonú ach ar feadh tréimhse teoranta ama. Ba cheart iarratas ar cheadú roimh ré faoi CTR maidir le baill foirne shainaitheanta a dhéanamh gach bliain. Maidir leis na baill foirne a bhfuil cinneadh déanta ina leith maidir leis an iarratas den chéad uair, níor cheart go mbainfeadh an ceadú roimh ré ach leis an mbliain airgeadais inar iarradh an ceadú roimh ré agus leis an mbliain airgeadais ina dhiaidh sin. Maidir le baill foirne a bhfuil an t-eisiamh ceadaithe ina leith cheana don bhliain airgeadais leanúnach, níor cheart go mbainfeadh an ceadú roimh ré ach leis an mbliain airgeadais ina dhiaidh sin.

I gcás go ndéanfaí baill foirne shainaitheanta a eisiamh i bhfochuideachtaí nach bhfuil faoi réir Threoir (AE) 2019/2034 iad féin, is é údarás inniúil an mháthairghnólachta infheistíochta a bheidh ina údarás inniúil. Maidir le brainsí gnólachtaí infheistíochta ina bhfuil an cheannoifig lonnaithe i dtríú tír, is é an t-údarás inniúil an t-údarás inniúil atá freagrach as maoirseacht a dhéanamh ar ghnólachtaí infheistíochta sa Bhallstát ina bhfuil an brainse lonnaithe.

Ba cheart go gcuimseofaí in iarratais ar cheadú roimh ré gach ainm nó aitheantóir uathúil eile de chuid an bhaill foirne shainaitheanta ar cheart go mbeadh feidhm ag eisiamh ina leith, céatadán ranníocaíocht an aonaid ghnó le ceanglas cistí dílse iomlána an ghnólachta infheistíochta a bhfuil an ball foirne gníomhach ann agus an anailís ar thionchar na mball foirne ar phróifíl riosca an ghnólachta infheistíochta do gach ball foirne sainaitheanta. I gcás go bhfuil EBA Public

baill foirne shainaitheanta gníomhach san aonad gnó céanna agus go bhfuil an fheidhm chéanna acu, ba cheart measúnú comhpháirteach a dhéanamh.