7.1 Breithniúcháin ghinearálta

Ba cheart d’údaráis inniúla cinneadh a dhéanamh trí mheasúnú caipitil SREP maidir le cibé acu an soláthraíonn nó nach soláthraíonn na cistí dílse atá á shealbhú ag an ngnólacht infheistíochta clúdach fónta rioscaí do chaipiteal a eascraíonn as gnóthaí rialaithe agus neamhrialaithe atá nó a bhféadfadh an gnólacht infheistíochta a bheith neamhchosanta orthu, nó a chruthaítear do ghnólachtaí eile, má mheastar go bhfuil a leithéid de rioscaí ábhartha don ghnólacht infheistíochta.

Ba cheart d'údaráis inniúla é seo a dhéanamh trí chinneadh a dhéanamh maidir le cistí dílse breise an ghnólachta infheistíochta agus méid na gcistí dílse a theastaíonn chun rioscaí agus gnéithe de rioscaí a bhfuil an gnólacht infheistíochta neamhchosanta orthu a chlúdach nó na rioscaí a chruthaítear do ghnólachtaí eile, nach bhfuil clúdaithe nó clúdaithe go leordhóthanach ag Cuid Tí agus Ceathair de Rialachán (AE) 2019/2033. Más gá, ba cheart d'údaráis inniúla cinneadh a dhéanamh maidir le ceanglas na gcistí dílse breise chun déileáil le heasnaimh i sásraí rialachais agus rialaithe an ghnólachta infheistíochta, samhlacha inmheánacha a úsáidtear chun críocha rialála, luacháil stuama an leabhair trádála nó chun déileáil le teip arís agus arís eile an ghnólachta infheistíochta leibhéal leordhóthanach treorach maidir le cistí dílse breise a sholáthar. Ba cheart don ghnólacht infheistíochta an ceanglas maidir le cistí dílse breise a chomhlíonadh i gcónaí.

D'fhonn déileáil leis na heasnaimh chaipitil a d'fhéadfadh a bheith ann, lena n-áirítear dálaí díobhálacha, ba cheart d'údaráis inniúla bearta maoirseachta oiriúnacha a dhéanamh, lena n-áirítear, más cuí, treoir maidir le cistí dílse breise a fhorbairt agus a roinnt (P2G), arb ionann é agus an méid caipitil a bhfuiltear ag súil a bheidh á shealbhú ag an ngnólacht infheistíochta d'fhonn a áirithiú nach mbíonn luaineachtaí geilleagracha timthriallacha mar bhonn leis an gceanglas maidir le cistí dílse nó cistí dílse breise a bheith á shárú nó cumas an ghnólachta infheistíochta clabhsúr agus deireadh a chur le gníomhaíochta go hordúil.

Nuair a bhíonn an ceanglas maidir le cistí dílse breise á shonrú agus, más cuí, P2G, ba cheart d'údaráis inniúla an méid seo a leanas a dhéanamh:

• a. aon bhearta maoirseachta a chuir an t-údarás inniúil i bhfeidhm nó atá beartaithe ag an údarás inniúil a chur i bhfeidhm i ndáil le gnólacht infheistíochta de réir Theideal 10 agus ag féachaint do mhír 291 - 293;
• b. an cinneadh ceanglas agus treoir maidir le cistí dílse breise a fhorchur a mhíniú go soiléir;
• c. ceanglas agus treoir maidir le cistí dílse breise ar bhealach comhsheasmhach chun comhsheasmhacht ghinearálta torthaí stuama ar fud gnólachtaí infheistíochta a áirithiú.

83

Ba cheart d'údaráis inniúla measúnú a dhéanamh ar leordhóthanach chistí dílse an ghnólachta infheistíochta agus tionchar na luaineachtaí geilleagracha timthriallacha air sin mar phríomhchinntitheach maidir le hinmharthanacht an ghnólachta infheistíochta. Ba chóir an cinneadh seo a mhíniú in achoimre agus a léiriú i scór atá bunaithe ar na critéir a sonraíodh ag deireadh an teidil seo.

Ba cheart d'údaráis inniúla cinneadh a dhéanamh i ndáil leis an gceanglas maidir le cistí dílse breise agus an ceanglas sin a shonrú agus, más cuí, P2G de réir na híos-samhla rannpháirtíochta a sonraíodh i dTeideal 2. Go háirithe, ba cheart go mbeadh an íosmhinicíocht lena gcinntear agus lena socraítear ceanglas breise dá leithéid, agus, más cuí, P2G, ag teacht le minicíocht an mheasúnaithe maidir le leordhóthanacht chaipitil faoi shamhail íos-rannpháirtíochta SREP.

Féadfaidh údaráis inniúla cinneadh a dhéanamh maidir leis an gceanglas maidir le cistí dílse breise do ghnólachtaí infheistíochta beaga agus idirnasctha, agus ba cheart critéir Airteagal 12 de Rialachán (AE) 2019/2033 a chomhlíonadh, sa chás go meastar gur cuí agus ar bhonn an cháis. Níl gnólachtaí infheistíochta beaga agus neamh-idirnasctha dá leithéid faoi réir aon P2G, de bhua Airteagal 41 de Threoir (AE) 2019/2034.