6.4 Irtirar ta’ awtorizzazzjoni tal - istituzzjonijiet

F’każ li s - superviżur prudenzjali jiddeċiedi li jagħti bidu għal proċediment biex jirtira l - awtorizzazzjoni mogħtija lil istituzzjoni, esklussivament jew fost motivazzjonijiet oħra abbażi tar - responsabbiltà tagħha għal ksur serju tal - liġijiet applikabbli tal - AML/CFT f’konformità mas - setgħa tiegħu skont l - Artikolu 18 tad- Direttiva 2013/36/UE, is - superviżur prudenzjali għandu jinforma lis - superviżur rilevant i fil- qasam tal -AFM/CFT.

Fejn is - superviżuri fil - qasam tal - AML/CFT jidentifikaw ksur serju tal - liġijiet applikabbli tal - AML/CFT fir - rigward tal - istituzzjoni, huma għandhom jinfurmaw lis - superviżur prudenzjali mingħajr dewmien żejjed b’dan il - ksur serju u b id- deċiżjoni tagħhom u kwalunkwe kunsiderazzjoni addizzjonali rilevanti, inkluż jekk iqisux li l - istituzzjoni ma tixtieqx jew ma tistax tirrimedja għal dan il - ksur u sa liema punt in - nuqqasijiet jew ksur jistgħu jiġu indirizzati mill - miżuri disponibbli għa s- superviżur fil - qasam tal -AML/CFT.

Meta jinforma lis - superviżur prudenzjali dwar ksur serju, is - superviżur fil - qasam tal -AML/CFT għandu jipprovdi lis - superviżur prudenzjali l - informazzjoni u d - dettalji rilevanti kollha dwar il - ksur serju identifikat sabiex is - superviżur prudenzjali jkun jista’ jevalwa b’mod xieraq l - informazzjoni li rċieva u jwettaq il - valutazzjoni proprja tiegħu dwar jekk huwiex xieraq l - irtirar tal- awtorizzazzjoni.

Is- superviżur fil - qasam tal - AML/CFT għandu, mill - inqas, jinkludi informazzjoni dettaljata li tispjega għaliex il - ksur huwa serju, inkluż it - tip ta’ ksur, it - tul ta’ żmien li fih sar il - ksur, jekk il - ksur jippreżentax falliment sistemiku fi ħdan l - istituzzjoni, l - impatt tal - ksur fuq l - istituzzjoni u l - integrità tas - suq li fih topera, jekk ġietx ippjanata jew meħuda azzjoni ta’ rimedju, jekk ikun il - każ, mill - istituzzjoni biex tirrimedja għall - ksur u l - miżuri u s - sanzjonijiet superviżorji, jekk ikun il- każ, ippjanati jew imposti mis - superviżur fil - qasam tal -AML/CFT.

Wara n -notif ika ta’ ksur serju kif stabbilit fil - paragrafu 61 hawn fuq, is - superviżur fil - qasam tal - AML/CFT għandu jikkoopera safejn ikun neċessarju mas - superviżur prudenzjali u jipprovdi spjegazzjonijiet u informazzjoni addizzjonali fejn meħtieġ.

F’każ li s - superviżur prudenzjali jiddeċiedi li jirtira l - awtorizzazzjoni mogħtija lil istituzzjoni abbażi ta’ ksur serju tal - liġijiet applikabbli tal - AML/CFT f’konformità mas - setgħa tiegħu skont l - Artikolu 18 tad- Direttiva 2013/36/UE, is - superviżur prudenzjali għandu jinforma lis - superviżur rilevanti fil - qasam tal -AFM/CFT u l- unità tal - intelligence finanzjarja.