R APPORTAR U ŻAMMA TA ’ REKORDS

L- istituzzjonijiet ta’ kreditu u finanzjarji għandhom jistabbilixxu politiki u proċeduri sensittivi għar - riskju biex jiżguraw li l - approċċ tagħhom għall - applikazzjoni ta’ miżuri ta’ diliġenza dovuta tal- klijenti (CDD) ma jirriżultax fiċ - ċaħda bla bżonn tal - aċċess leġittimu tal - klijenti għas - servizzi finanzjarji. Biex jikkonformaw mal - obbligi tagħhom skont l -Artikolu 14(4) tad- Direttiva (UE) 2015/849, l- istituzzjonijiet ta’ kreditu u finanzjarji għandhom jistabbilixxu fil -politiki u l-proċeduri tagħhom il - kriterji li se jużaw biex jiddeterminaw kif se jiddeċiedu li relazzjoni ta’ negozju tista’ tiġi rrifjutata jew terminata jew li tranżazzjoni tista’ tiġi miċħuda. Bħala parti minn dan, huma għandhom jistabbilixxu fil -politiki, il- proċeduri u l - kontrolli tagħhom l - għażliet kollha għall - mitigazzjoni ta’ riskji ogħla ta’ ML/TF li jikkunsidraw li japplikaw qabel ma jiddeċiedu li jirrifjutaw klijent għal raġunijiet ta’ riskju ta’ ML/TF. Dawn l - għażliet għandhom tal - anqas jinkludu l- aġġustament tal - livell u l - intensità ta’ monitoraġġ u, fejn dan ikun permess skont il - liġi nazzjonali, l - applikazzjoni ta’ restrizzjonijiet immirati għal prodotti jew servizzi. Il -politiki u l-proċeduri tal - istituzzjonijiet għandhom jistabbilixxu b’mod ċar f’liema sitwazzjonijiet l - applikazzjoni ta’ dawn il- miżuri ta’ mitigazzjoni tista’ tkun xierqa.

Qabel ma jieħdu deċiżjoni li jirrifjutaw jew itemmu relazzjoni ta’ negozju, l - istituzzjonijiet ta’ kreditu u finanzjarji għandhom jissodisfaw lilhom infushom li jkunu qiesu u rrifjutaw il - miżuri ta’ mitigazzjoni possibbli kollha li jistgħu jiġu applikati b’mod raġonevoli fil - każ partikolari, filwaqt li jqisu r - riskju ta’ ML/TF assoċjat mar - relazzjoni ta’ negozju eżistenti jew prospettiva.