8.1 Liúntais

Féadfaidh comhpháirteanna éagsúla a bheith i luach saothair athraithe agus seasta gnólachtaí infheistíochta, lena n-áirítear íocaíochtaí nó sochair bhreise nó choimhdeacha. Ba cheart do ghnólachtaí infheistíochta anailís a dhéanamh ar liúntais¹⁸ agus iad a leithdháileadh ar chomhpháirt inathraithe nó ar chomhpháirt sheasta an luach saothair. Ba cheart go mbeadh an leithdháileadh bunaithe ar na critéir in alt 7.

¹⁸ Féadfaidh an lipéad a bheith difriúil ag brath ar an ngnólachta infheistíochta: ‘pá rólbhunaithe, liúntas foirne, liúntas róil inchoigeartaithe, liúntas pá sheasta’, etc.

Go sonrach, i gcás go meastar gur luach saothair seasta iad liúntais, ach go léiríonn siad aon cheann de na gnéithe seo a leanas, ba cheart don ghnólacht infheistíochta torthaí na measúnuithe a rinneadh faoi alt 7 a thaifeadadh go cuí: EBA Public

• a. ní íoctar iad ach le baill foirne shainaitheanta¹⁹ ;
• b. tá siad teoranta do chásanna ina sáródh an cóimheas idir comhpháirteanna inathraithe agus comhpháirteanna seasta an luach saothair an cóimheas a leagtar síos sa bheartas luach saothair seachas sin;
• c. tá na liúntais nasctha le táscairí a d’fhéadfaí a thuiscint mar sheachvótálaithe le haghaidh feidhmíochta. Sa chás sin ba cheart go mbeadh an gnólacht infheistíochta ábalta a léiriú nach bhfuil na táscairí sin nasctha le feidhmíocht an ghnólachta infheistíochta, e.g. trí anailís a dhéanamh ar an gcomhghaol leis na táscairí feidhmíochta a úsáidtear.

¹⁹ Níor cheart a mheas gur ionann ball foirne sainaitheanta agus ról nó feidhm.

I gcás go bhfuil na liúntais bunaithe ar ról, ar fheidhm nó ar fhreagracht eagraíochtúil na mball foirne, chun iad a mhapáil i gceart le comhpháirt sheasta an luach saothair, ba cheart dóibh na critéir atá leagtha amach i mír 128 a chomhlíonadh agus na sonraí uile seo a leanas á gcur san áireamh:

• a. tá an liúntas ceangailte le ról nó le freagracht eagraíochtúil agus dámhtar é fad is nach dtarlóidh aon athruithe ábhartha maidir le freagrachtaí agus údaráis an róil ionas go mbeadh ról difriúil nó freagracht eagraíochtúil dhifriúil eile ag an mball foirne;
• b. ní bhraitheann an méid ar thosca ar bith seachas ról áirithe a chomhlíonadh nó freagracht eagraíochtúil áirithe a bheith air nó uirthi agus na critéir i mír 14;
• c. bheadh aon bhall foirne eile a chomhlíonfadh an ról céanna nó a mbeadh an fhreagracht eagraíochtúil chéanna aige nó aici agus atá i staid inchomparáide i dteideal liúntas inchomparáide.

Ba cheart d’údaráis inniúla a áirithiú nach bealach nó modh iad liúntais lena n-éascaítear neamhchomhlíonadh gnólachtaí infheistíochta maidir le Treoir (AE) 2019/2034.