4.3 IRRBB á thomhas ag córas inmheánach institiúide

Ba cheart d'institiúidí córais tomhais inmheánacha (IMSanna) stuama a chur chun feidhme a chuireann san áireamh gach comhpháirt agus foinse de IRRBB atá ábhartha do shamhail ghnó na hinstitiúide.

Ba cheart d'institiúidí a neamhchosaint ar IRRBB a thomhas bunaithe ar athruithe poitéinsiúla ar luach eacnamaíoch agus bearta maidir le glanioncam úis mar aon le hathruithe ar mhargadhluach. Ba cheart d'institiúidí úsáid a bhaint as gnéithe comhlántacha bhearta IRRBB chun eolas a bhailiú maidir le castacht IRRBB thar thréimhsí ama gearrthéarmacha agus fadtéarmacha. Go háirithe, ba cheart d'institiúidí na nithe seo a leanas a thomhas agus faireachán a dhéanamh orthu (i) tionchar foriomlán na bpríomhthoimhdí samhaltaithe ar thomhas IRRBB faoi bhearta difriúla IRRBB agus (ii) IRRBB díorthach ráta úis a leabhair baincéireachta sa chás go bhfuil a leithéid ábhartha don tsamhail ghnó.

Sa chás nach bhfuil corrlaigh thráchtála agus comhpháirteanna raoin eile á gcur san áireamh sna bearta a bhaineann le luach eacnamaíoch, ba cheart d'institiúidí (i) úsáid a bhaint as modheolaíocht thrédhearcach chun an ráta úis saor ó riosca a shainaithint nuair a bhunaítear gach ionstraim; agus (ii) úsáid a bhaint as modheolaíocht a chuirtear i bhfeidhm go comhsheasmhach i ngach ionstraim atá íogair do ráta úis agus i ngach aonad gnó.

Nuair a bhíonn bearta maidir le glanioncam úis á ríomh chun neamhchosaintí ar IRRBB a mheas, ba cheart d'institiúidí corrlaigh thráchtála a chur san áireamh.

Ba cheart d'institiúidí breithniú a dhéanamh ar neamhchosaintí neamhthuillmheacha (glan ó sholáthairtí) mar ionstraimí atá íogair do ráta úis ina léirítear sreafaí airgid ionchais agus a n-uainiú.

Nuair a bhíonn a neamhchosaint ar IRRBB á tomhas, níor cheart d'institiúidí brath go hiomlán ar an ríomh agus ar thorthaí na dtástálacha asluiteacha maoirseachta a bhfuil cur síos déanta orthu i mír 5 d'Airteagal 98 de Threoir 2013/36/AE nó aon tástáil asluiteach bhreise atá forbartha ag an údarás inniúil, ach ba cheart dóibh a gcuid toimhdí agus modhanna ríofa féin a fhorbairt agus a úsáid. Ba cheart, áfach, na tástálacha asluiteacha maoirseachta a chomhtháthú go hiomlán sa chreat inmheánach do bhainistíocht IRRBB agus ba cheart iad a úsáid mar uirlisí comhlántacha chun neamhchosaint ar IRRBB a thomhas. 4.3.2 Modhanna chun IRRBB a thomhas

Níor cheart d'institiúidí brath ar bheart riosca aonair, seachas sin ba cheart dóibh úsáid a bhaint as an raon uirlisí agus samhlacha cainníochtúla a chomhfhreagraíonn dá neamhchosaint shonrach ar riosca. Chuige sin, ba cheart d'institiúidí breithniú a dhéanamh ar chur i bhfeidhm na modhanna atá liostaithe in Iarscríbhinn I ach níl siad teoranta dóibh sin a úsáid, d'fhonn a áirithiú go bhfuil gnéithe éagsúla de riosca an ráta úis á gcur san áireamh go cuí.

Ba cheart go dtuigfeadh an institiúid na srianta a bhaineann le gach uirlis agus samhail chainníochtúil a úsáidtear, agus ba cheart na srianta seo a chur san áireamh i bpróiseas bainistíochta riosca IRRBB. Nuair a bhíonn IRRBB á mheas, ba cheart d'institiúidí cuntas a dhéanamh de na rioscaí a d'fhéadfadh teacht chun cinn mar thoradh ar chur chuige cuntasaíochta idirbheart sa leabhar neamhthrádála.

Ba cheart d'institiúidí gach comhpháirt de IRRBB a shainaithint agus a thomhas. Chun comhpháirteanna difriúla IRRBB a thomhas, ba cheart d'institiúidí na cuir chuige atá sonraithe i dTábla 1 ar a laghad a bhreithniú.

Tábla 1: Sainaithint fo-chomhpháirteanna riosca an ráta úis sa leabhar neamhthrádála

Riosca bearna

b) Corporate planning assumptions for own equity capital for the purpose of IRRBB