Forálacha ginearálta

Ba cheart d’institiúidí airgeadais na réimsí dá ngnó atá an-leochaileach nó neamhchosanta ar bhearta sriantacha agus ar dhul timpeall ar bhearta sriantacha a shainaithint agus a mheasúnú. Ar an mbonn sin, ba cheart dóibh beartais, nósanna imeachta agus rialuithe atá cothrom le dáta a chur i bhfeidhm, a chur chun feidhme agus a choinneáil ar bun chun a áirithiú gur féidir leo córais bhearta sriantacha a chomhlíonadh go héifeachtach.

Ba cheart na beartais, na nósanna imeachta agus na rialuithe sin a bheith éifeachtach agus comhréireach le méid, cineál agus castacht na hinstitiúide airgeadais, agus lena neamhchosaint ar bhearta sriantacha.