ANNESS XXX Tabelli u mudelli ta’ divulgazzjoni tal-approċċ standardizzat u intern għar-riskju tas-suq: Struzzjonijiet

Referenzi legali u struzzjonijiet

Numru tar-ringiela

Spjegazzjoni

(a)

Meta jiddikjaraw l-informazzjoni msemmija fil-punti (a) u (d) tal-Artikolu 435(1) CRR dwar l-objettivi u l-politiki ta’ ġestjoni tar-riskju sabiex jimmaniġġjaw ir-riskju tas-suq, l-istituzzjonijiet għandhom jinkludu:

(b)

Meta jiddikjaraw l-informazzjoni msemmija fil-punt (b) tal-Artikolu 435(1) CRR dwar l-istruttura u l-organizzazzjoni tal-funzjoni tal-ġestjoni tar-riskji tas-suq, l-istituzzjonijiet għandhom jinkludu:

(c)

Meta jiddikjaraw l-informazzjoni msemmija fil-punt (c) tal-Artikolu 435(1) CRR dwar il-kamp ta’ applikazzjoni u n-natura tas-sistemi ta’ divulgazzjoni u kejl tar-riskju tas-suq, l-istituzzjonijiet għandhom jipprovdu deskrizzjoni tal-kamp ta’ applikazzjoni u tan-natura tad-divulgazzjoni tar-riskju tas-suq u tas-sistemi ta’ kejl.

Referenzi legali u struzzjonijiet

Numru tar-ringiela

Spjegazzjoni

Prodotti diretti

1

Riskju tar-rata tal-imgħax (ġenerali u speċifiku)

Riskju ġenerali u speċifiku ta’ pożizzjonijiet fi strumenti ta’ dejn negozjati fil-portafoll tan-negozjar, f’konformità mal-Kapitolu 2 tat-Titolu IV tal-Parti Tlieta tas-CRR, eskluż ir-riskju speċifiku relatat mat-titolizzazzjoni, u li mhuwiex fakultattiv

2

Riskju ta’ ekwità (ġenerali u speċifiku)

Riskju ġenerali u speċifiku ta’ pożizzjonijiet f’ekwitajiet fil-portafoll tan-negozjar, f’konformità mal-Kapitolu 2 tat-Titolu IV tal-Parti Tlieta tas-CRR, esklużi strumenti fakultattivi

3

Riskju tal-kambju

Riskju ta’ pożizzjonijiet fil-kambju f’konformità mal-Kapitolu 3 tat-Titolu IV tal-Parti Tlieta tas-CRR, esklużi strumenti fakultattivi

4

Riskju tal-komoditajiet

Riskju ta’ pożizzjonijiet f’komoditajiet f’konformità mal-Kapitolu 4 tat-Titolu IV tal-Parti Tlieta tas-CRR, esklużi strumenti fakultattivi

Opzjonijiet

5

Approċċ simplifikat

Opzjonijiet jew warrants kif iddefiniti fl-Artikolu 329(3) tal-Kapitolu 2 tat-Titolu IV tal-Parti Tlieta tas-CRR li għalihom l-istituzzjonijiet jikkalkolaw ir-rekwiżiti ta’ fondi proprji relatati mar-riskju mhux delta billi jużaw l-approċċ simplifikat (1)

6

Approċċ delta plus

Opzjonijiet jew warrants fil-portafoll tan-negozjar kif definiti fl-Artikolu 329(3) tal-Kapitolu 2 tat-Titolu IV tal-Parti Tlieta tas-CRR li għalihom l-istituzzjonijiet jikkalkolaw ir-rekwiżiti ta’ fondi proprji relatati mar-riskju mhux delta billi jużaw l-approċċ delta plus (2).

7

Approċċ tax-xenarju

Opzjonijiet jew warrants fil-portafoll tan-negozjar kif definiti fl-Artikolu 329(3) tal-Kapitolu 2 tat-Titolu IV tal-Parti Tlieta tas-CRR li għalihom l-istituzzjonijiet jikkalkolaw ir-rekwiżiti ta’ fondi proprji relatati mar-riskju mhux delta billi jużaw l-approċċ tax-xenarju. (3).

8

Titolizzazzjoni (riskju speċifiku)

Riskju speċifiku ta’ pożizzjonijiet ta’ titolizzazzjoni fil-portafoll tan-negozjar f’konformità mal-Artikoli 337 u 338 tal-Kapitolu 2 tat-Titolu IV tal-Parti Tlieta tas-CRR.

9

Total

Somma tal-ammonti fir-ringieli minn 1 sa 8 ta’ dan il-mudell.

Ittra tal-kolonna

Spjegazzjoni

a

RWEAs

Divulgazzjoni tal-iskoperturi ponderati għar-riskju msemmija fil-punt (d) tal-Artikolu 438 CRR, ikkalkolata bħala l-valur fil-kolonna b immoltiplikat bi 12,5 f’konformità mal-punt (b) tal-Artikolu 92(4) CRR

Referenzi legali u struzzjonijiet

Numru tar-ringiela

Spjegazzjoni

EU (a)

Meta jiddikjaraw l-informazzjoni msemmija fil-punt (c) tal-Artikolu 455 CRR dwar il-firxa u l-metodoloġiji għall-konformità mar-rekwiżiti tal-Artikolu 104 CRR, l-istituzzjonijiet għandhom jinkludu:

EU (b)

Meta jiddikjaraw l-informazzjoni msemmija fil-punt (c) tal-Artikolu 455 CRR dwar il-firxa u l-metodoloġiji għall-konformità mar-rekwiżiti tal-Artikolu 105 CRR, l-istituzzjonijiet għandhom jinkludu:

(A)

L-istituzzjonijiet li jużaw mudelli tal-VaR u mudelli tal-SVaR, kif iddefiniti fl-Artikolu 365 CRR

(a)

Meta jiddikjaraw l-informazzjoni msemmija fil-punt (a)(i) tal-Artikolu 455 u fil-punt (b) tal-Artikolu 455 CRR, l-istituzzjonijiet għandhom jinkludu deskrizzjoni tal-attivitajiet u tar-riskji koperti mill-mudelli tal-VaR u tal-SVaR, li tispeċifika kif inhuma ddistribwiti f’portafolli/f’subportafolli li għalihom l-awtorità kompetenti tkun tat permess.

(b)

Meta jiddikjaraw kif imsemmi fil-punt (b) tal-Artikolu 455 CRR, l-istituzzjonijiet għandhom jinkludu:

Divulgazzjonijiet tal-informazzjoni msemmija fil-punt (a)(i) tal-Artikolu 455 CRR dwar il-karatteristiċi tal-mudell użat għandhom jinkludu:

(c)

Deskrizzjoni ġenerali tal-mudelli tal-VaR u tal-SVaR regolatorji

(d)

Diskussjoni tad-differenzi ewlenin, jekk ikun hemm, bejn il-mudelli użati għall-finijiet ta’ ġestjoni u l-mudell użat għal finijiet regolatorji (99% ta’ 10 ijiem) għall-mudelli tal-VaR u tal-SVaR

(e)

Għal mudelli tal-VaR:

(i)

Il-frekwenza tal-aġġornar tad-data;

(ii)

It-tul tal-perjodu tad-data li jintuża sabiex jiġi kkalibrat il-mudell. Deskrizzjoni tal-iskema ta’ ponderazzjoni li tintuża (jekk ikun hemm);

(iii)

Deskrizzjoni dwar kif l-istituzzjonijiet jiddeterminaw il-perjodu ta’ żamma ta’ 10 ijiem (pereżempju, jiskalaw il-VaR ta’ jum wieħed bl-għerq kwadrat ta’ 10, jew jimmudellaw direttament il-VaR ta’ 10 ijiem?);

(iv)

Deskrizzjoni tal-approċċ ta’ aggregazzjoni, li huwa l-metodu għall-aggregazzjoni tar-riskju speċifiku u ġenerali (jiġifieri l-istituzzjonijiet jikkalkolaw l-imposta speċifika bħala imposta awtonoma billi jużaw metodu differenti minn dak użat sabiex jikkalkolaw ir-riskju ġenerali jew l-istituzzjonijiet jużaw mudell wieħed li jiddiversifika r-riskju ġenerali u speċifiku?);

(v)

Approċċ ta’ valwazzjoni (rivalwazzjoni sħiħa jew użu ta’ approssimazzjonijiet);

(vi)

Jekk, meta jiġu ssimulati movimenti potenzjali f’fatturi ta’ riskju, jintużawx redditi assoluti jew relattivi (jew approċċ imħallat) (jiġifieri tibdil proporzjonali fil-prezzijiet jew fir-rati jew tibdil assolut fil-prezzijiet jew fir-rati).

(f)

Għall-mudelli tal-SVaR:

(i)

Deskrizzjoni dwar kif jiġi ddeterminat il-perjodu ta’ żamma ta’ 10 ijiem. Pereżempju, l-istituzzjoni tiskala l-VaR ta’ jum wieħed bl-għerq kwadrat ta’ 10, jew timmudella direttament il-VaR ta’ 10 ijiem? Jekk l-approċċ ikun l-istess bħal dak għall-mudelli tal-VaR, l-istituzzjonijiet jistgħu jikkonfermaw dan u jirreferu għad-divulgazzjoni (e)(iii) ta’ hawn fuq;

(ii)

Deskrizzjoni tal-perjodu ta’ stress magħżul mill-istituzzjoni u tar-raġuni wara din l-għażla;

(iii)

Deskrizzjoni tal-approċċ ta’ valwazzjoni (rivalwazzjoni sħiħa jew użu ta’ approssimazzjonijiet).

(g)

Meta jiddikjaraw l-informazzjoni msemmija fil-punt (a)(iii) tal-Artikolu 455 CRR, l-istituzzjonijiet għandhom jinkludu deskrizzjoni tal-ittestjar tal-istress applikat għall-parametri tal-immudellar konsistenti mal-informazzjoni ddikjarata skont (A)(a) aktar ’il fuq (xenarji ewlenin żviluppati sabiex jiġu koperti l-karatteristiċi tal-portafolli li għalihom japplikaw il-mudelli tal-VaR u tal-SVaR fil-livell tal-grupp).

(h)

Meta jiddikjaraw l-informazzjoni msemmija fil-punt (a)(iv) tal-Artikolu 455 CRR, l-istituzzjonijiet għandhom jiddikjaraw deskrizzjoni tal-approċċ użat għall-ittestjar b’lura/għall-validazzjoni tal-akkuratezza u tal-konsistenza interna tad-data u tal-parametri użati għall-mudelli interni u għall-proċessi ta’ mmudellar.

(B)

Istituzzjonijiet li jużaw mudelli interni sabiex ikejlu r-rekwiżiti ta’ fondi proprji għar-riskju inkrimentali ta’ inadempjenza u ta’ migrazzjoni (IRC) f’konformità mat-Taqsimiet 3 u 4 tal-Kapitolu 5 tat-Titolu IV tal-Parti Tlieta tas-CRR

(a)

Meta jiddikjaraw l-informazzjoni msemmija fil-punt (a)(ii) tal-Artikolu 455 u fil-punt (b) tal-Artikolu 455 CRR, l-istituzzjonijiet għandhom jinkludu deskrizzjoni tar-riskji koperti mill-mudelli tal-IRC, li tispeċifika kif inhuma ddistribwiti f’portafolli/f’subportafolli li għalihom l-awtorità kompetenti tkun tat permess.

(b)

L-informazzjoni msemmija fil-punt (b) tal-Artikolu 455 CRR għandha tinkludi deskrizzjoni tal-kamp ta’ applikazzjoni tal-mudell tal-IRC li għalih l-awtorità kompetenti tkun tat il-permess, u għandha tkun ikkomplementata b’informazzjoni dwar liema entitajiet fil-grupp jużaw dawn il-mudelli u kif il-mudelli jirrappreżentaw il-mudelli kollha użati fil-livell tal-grupp, inkluż il-perċentwal tar-rekwiżiti ta’ fondi proprji koperti mill-mudelli jew jekk jintużawx l-istess mudelli tal-IRC għall-entitajiet kollha bi skopertura għar-riskju tas-suq.

L-informazzjoni msemmija fil-punt (a)(ii) tal-Artikolu 455 CRR dwar il-karatteristiċi tal-mudelli tal-IRC użati għandha tinkludi:

(c)

Deskrizzjoni ġenerali tal-metodoloġija użata għall-mudelli interni għar-riskju inkrimentali ta’ inadempjenza u ta’ migrazzjoni, inklużi:

(i)

Informazzjoni dwar l-approċċ kumplessiv tal-immudellar (b’mod partikolari, l-użu ta’ mudelli bbażati fuq il-firxa jew mudelli bbażati fuq matriċi ta’ tranżizzjoni);

(ii)

Informazzjoni dwar il-kalibrar tal-matriċi ta’ tranżizzjoni;

(iii)

Informazzjoni dwar is-suppożizzjonijiet ta’ korrelazzjoni;

(d)

L-istituzzjonijiet għandhom jinkludu deskrizzjoni tal-approċċ użat sabiex jiddeterminaw l-perjodi ta’ likwidità;

(e)

L-istituzzjonijiet għandhom jinkludu deskrizzjoni tal-metodoloġija użata sabiex jiksbu valutazzjoni kapitali li tkun konsistenti mal-istandard ta’ solidità meħtieġ;

(f)

L-istituzzjonijiet għandhom jinkludu deskrizzjoni tal-approċċ użat fil-validazzjoni tal-mudelli.

(g)

L-informazzjoni msemmija fil-punt (a)(iii) tal-Artikolu 455 CRR għandha tinkludi deskrizzjoni tal-ittestjar tal-istress applikat għall-parametri tal-immudellar konsistenti mal-informazzjoni ddikjarata skont (B)(a) aktar ’il fuq (xenarji ewlenin żviluppati sabiex jiġu koperti l-karatteristiċi tal-portafolli li għalihom japplikaw il-mudelli tal-IRC fil-livell tal-grupp).

(h)

Linformazzjoni msemmija fil-punt (a)(iv) tal-Artikolu 455 CRR għandha tinkludi deskrizzjoni tal-approċċ użat għall-ittestjar b’lura/għall-validazzjoni tal-akkuratezza u tal-konsistenza interna tad-data u tal-parametri użati għall-mudelli interni u għall-proċessi ta’ mmudellar tal-IRC

(C)

Istituzzjonijiet li jużaw mudelli interni sabiex ikejlu r-rekwiżiti ta’ fondi proprji għall-portafoll tan-negozjar ta’ korrelazzjoni (kejl tar-riskju komprensiv) f’konformità mat-Taqsima 5 tal-Kapitolu 5 tat-Titolu IV tal-Parti Tlieta tas-CRR

(a)

Meta jiddikjaraw l-informazzjoni msemmija fil-punt (a)(ii) tal-Artikolu 455 u fil-punt (b) tal-Artikolu 455 CRR, l-istituzzjonijiet għandhom jinkludu deskrizzjoni tar-riskji koperti mill-mudelli tal-kejl tar-riskju komprensiv, li tispeċifika kif inhuma ddistribwiti f’portafolli/f’subportafolli li għalihom l-awtorità kompetenti tkun tat permess.

(b)

L-informazzjoni msemmija fil-punt (b) tal-Artikolu 455 CRR għandha tinkludi deskrizzjoni tal-kamp ta’ applikazzjoni tal-mudelli tal-kejl tar-riskju komprensiv li għalihom l-awtorità kompetenti tkun tat permess. Għandha tkun ikkomplementata minn informazzjoni dwar liema entitajiet fil-grupp jużaw dawn il-mudelli u kif il-mudelli jirrappreżentaw il-mudelli kollha użati fil-livell tal-grupp, inkluż il-perċentwal ta’ rekwiżiti ta’ fondi proprji koperti mill-mudelli jew jekk jintużawx l-istess mudelli tal-IRC għall-entitajiet kollha bi skopertura għar-riskju tas-suq.

L-informazzjoni msemmija fil-punt (a)(ii) tal-Artikolu 455 CRR dwar il-karatteristiċi tal-mudelli tal-kejl tar-riskju komprensiv użati għandha tinkludi:

(c)

Deskrizzjoni ġenerali tal-metodoloġija użata għan-negozjar ta’ korrelazzjoni, inklużi:

(i)

Informazzjoni dwar l-approċċ tal-immudellar kumplessiv (għażla tal-korrelazzjoni tal-mudell bejn l-inadempjenza/migrazzjonijiet u l-firxa: (i) proċessi stokastiċi separati iżda korrelatati li jwasslu għall-migrazzjoni/għall-inadempjenza u ċ-ċaqliq tal-firxa; (ii) it-tibdiliet fil-firxa li jwasslu għall-migrazzjoni/għall-inadempjenza; jew (iii) tibdiliet fil-firxa li jwasslu għall-inadempjenza/għall-migrazzjonijiet);

(ii)

Informazzjoni użata sabiex jiġu kkalibrati l-parametri tal-korrelazzjoni bażi: l-ipprezzar tal-LGD tas-segmenti (kostanti jew stokastiċi);

(iii)

Informazzjoni dwar l-għażla ta’ jekk jitħallewx jiqdiemu l-pożizzjonijiet (il-profitti u t-telf ibbażati fuq il-moviment simulat tas-suq fil-mudell ikkalkolati fuq il-bażi taż-żmien sal-iskadenza ta’ kull pożizzjoni fi tmiem l-orizzont kapitali ta’ sena jew bl-użu taż-żmien sal-iskadenza tagħhom fid-data tal-kalkolu);

(d)

L-istituzzjonijiet għandhom jinkludu deskrizzjoni tal-approċċ użat sabiex jiddeterminaw l-perjodi ta’ likwidità.

(e)

L-istituzzjonijiet għandhom jinkludu deskrizzjoni tal-metodoloġija użata sabiex jiksbu valutazzjoni kapitali li tkun konsistenti mal-istandard ta’ solidità meħtieġ.

(f)

L-istituzzjonijiet għandhom jinkludu deskrizzjoni tal-approċċ użat fil-validazzjoni tal-mudelli.

(g)

L-informazzjoni msemmija fil-punt (a)(iii) tal-Artikolu 455 CRR għandha tinkludi deskrizzjoni tal-ittestjar tal-istress applikat għall-parametri tal-immudellar (xenarji ewlenin żviluppati sabiex jiġu koperti l-karatteristiċi tal-portafolli li għalihom japplikaw il-mudelli tal-kejl tar-riskju komprensiv fil-livell tal-grupp).

(h)

Linformazzjoni msemmija fil-punt (a)(iv) tal-Artikolu 455 CRR għandha tinkludi deskrizzjoni tal-approċċ użat għall-ittestjar b’lura jew għall-validazzjoni tal-akkuratezza u tal-konsistenza interna tad-data u tal-parametri użati għall-mudelli interni u għall-proċessi ta’ mmudellar tal-kejl tar-riskju komprensiv.

(i)

L-istituzzjonijiet għandhom jikkomplementaw l-informazzjoni dikjarata rigward il-mudelli interni għar-riskju inkrimentali ta’ inadempjenza u ta’ migrazzjoni u għall-portafolli ta’ negozjar ta’ korrelazzjoni bl-informazzjoni msemmija fil-punt (f) tal-Artikolu 455 dwar il-perjodu medju ponderat ta’ likwidità għas-subportafolli, koerenti mad-deskrizzjoni pprovduta taħt ir-ringieli (B) (a) u (d) u (C) (a) u (d) tat-tabella EU MRB.

Referenzi legali u struzzjonijiet

Numru tar-ringiela

Spjegazzjoni

1

VaR (l-ogħla mill-valuri a u b)

a

VaR tal-jum preċedenti (VaRt-1)

Numru tal-valur fir-riskju tal-jum ta’ qabel (VaRt-1) ikkalkolat f’konformità mal-Artikolu 365(1) CRR

b

Fattur ta’ multiplikazzjoni (mc) x il-medja ta’ 60 jum ta’ xogħol preċedenti (VaRavg)

Medja tan-numri tal-valur f’riskju ta’ kuljum ikkalkolati f’konformità mal-Artikolu 365(1) CRR, f’kull wieħed mis-60 jum ta’ negozju preċedenti (VARavg) x immoltiplikat bil-fattur ta’ moltiplikazzjoni (mc) f’konformità mal-Artikolu 366 CRR

2

SVaR (l-ogħla mill-valuri a u b)

a

L-aħħar SVaR disponibbli (SVaRt-1))

L-aħħar numru tal-valur fir-riskju taħt stress disponibbli (sVaRt-1) ikkalkolat f’konformità mal-Artikolu 365(2) CRR

b

Fattur ta’ multiplikazzjoni (mc) x il-medja ta’ 60 jum ta’ xogħol preċedenti (sVaRavg)

Medja tan-numri tal-valur fir-riskju taħt stress ikkalkolata bil-mod u bil-frekwenza speċifikati fl-Artikolu 365(2) CRR matul is-sittin jum ta’ negozju preċedenti (sVaRavg), immoltiplikata bil-fattur ta’ moltiplikazzjoni (ms) f’konformità mal-Artikolu 366 CRR

3

IRC (l-ogħla mill-valuri a u b)

a

L-aktar kalkolu riċenti tal-IRC

L-aktar numru ta’ riskji riċenti għar-riskju inkrimentali ta’ inadempjenza u ta’ migrazzjoni kkalkolat f’konformità mat-Taqsima 3 tal-Kapitolu 5 tat-Titolu IV tal-Parti Tlieta tas-CRR

b

Il-medja tal-kejl tal-IRC fuq 12-il ġimgħa

Medja tan-numru ta’ riskji għar-riskju inkrimentali ta’ inadempjenza u ta’ migrazzjoni kkalkolat f’konformità mat-Taqsima 3 tal-Kapitolu 5 tat-Titolu IV tal-Parti Tlieta tas-CRR fuq it-12-il ġimgħa preċedenti

4

Kejl komprensiv tar-riskju (l-ogħla mill-valuri a, b u c)

a

L-aktar kejl tar-riskju riċenti mill-kalkolu tar-riskju komprensiv

L-aktar numru ta’ riskji riċenti għall-portafoll ta’ negozjar ta’ korrelazzjoni kkalkolat f’konformità mat-Taqsima 5 tal-Kapitolu 5 tat-Titolu IV tal-Parti Tlieta tas-CRR

b

Il-kalkolu medju ta’ 12-il ġimgħa tar-riskju komprensiv

Medja tan-numru ta’ riskji għall-portafoll ta’ negozjar ta’ korrelazzjoni kkalkolat f’konformità mat-Taqsima 5 tal-Kapitolu 5 tat-Titolu IV tal-Parti Tlieta tas-CRR fuq it-12-il ġimgħa preċedenti

c

Livell minimu tal-kalkolu tar-riskju komprensiv

8 % tar-rekwiżit ta’ fondi proprji li, fiż-żmien tal-kalkolu tal-aktar numru ta’ riskju riċenti msemmi fir-ringiela (a) ta’ dan il-mudell, jiġi kkalkolat f’konformità mal-Artikolu 338(4) CRR, għal dawk il-pożizzjonijiet kollha inkorporati fil-mudell intern għall-portafoll tan-negozjar ta’ korrelazzjoni

5

Oħrajn

Oħrajn jirreferu għal fondi proprji addizzjonali meħtieġa mis-superviżuri għall-istituzzjonijiet li jużaw l-approċċ tal-mudell intern għar-riskju tas-suq (pereż. kapital addizzjonali skont l-Artikolu 101 tad-Direttiva 2013/36/UE).

6

Total (1+2+3+ 4+5)

Ittra ta’ kolonna

Spjegazzjoni

a

RWEAs

Divulgazzjoni tal-iskoperturi ponderati għar-riskju msemmija fil-punt (d) tal-Artikolu 438 CRR, ikkalkolata bħala l-valur fil-kolonna b immoltiplikat bi 12,5 f’konformità mal-punt (b) tal-Artikolu 92(4) CRR.

b

Rekwiżiti ta’ fondi proprji

Ir-rekwiżiti ta’ fondi proprji għar-riskju tas-suq kif iddeterminat fil-Kapitolu 5 tat-Titolu IV tal-Parti Tlieta tas-CRR f’konformità mal-istruzzjonijiet fir-ringieli minn 1 sa 4 aktar ’il fuq.

Referenzi legali u struzzjonijiet

Numru tar-ringiela

Spjegazzjoni

1

RWEAs f’għeluq il-perjodu preċedenti

L-ammonti tal-iskopertura ponderati għar-riskju fi tmiem il-perjodu preċedenti dderivati mis-somma tar-rekwiżiti ta’ fondi proprji f’konformità mal-Artikolu 364 CRR bl-eċċezzjoni tal-punt (a) tal-Artikolu 364(2) CRR, u l-fondi proprji addizzjonali meħtieġa mis-superviżuri għall-istituzzjonijiet li jużaw l-approċċ ta’ mudell intern għar-riskju tas-suq, immoltiplikati bi 12,5 f’konformità mal-punt (b) tal-Artikolu 92(4) CRR

2

Ċaqliq fil-livelli tar-riskju

Tibdiliet minħabba tibdiliet fil-pożizzjoni, minbarra dawk li jirriżultaw minn tibdiliet fil-politika regolatorja

3

Tibdiliet fil-mudell

Aġġornamenti sinifikanti fil-mudell sabiex tiġi riflessa esperjenza riċenti (pereż. rikalibrar), kif ukoll tibdiliet sinifikanti fl-ambitu tal-mudell. Jekk ikun sar aktar minn aġġornament wieħed fil-mudell, jistgħu jkunu meħtieġa ringieli addizzjonali.

4

Metodoloġija u politika

Tibdiliet fil-metodoloġija fil-kalkoli xprunati minn tibdiliet fil-politika regolatorja

5

Akkwiżizzjonijiet u disponimenti

Modifiki minħabba l-akkwiżizzjoni jew id-disponiment ta’ linji ta’ negozju/prodotti jew ta’ entitajiet

6

Ċaqliq fil-kambju

Tibdiliet li jirriżultaw minn ċaqliq minħabba qlib ta’ munita barranija

7

Oħrajn

Din il-kategorija għandha tintuża sabiex tkopri tibdiliet li ma jistgħux jiġu attribwiti għal kwalunkwe kategorija ta’ fatturi inkluża fir-ringieli minn 2 sa 6 ta’ dan il-mudell, u l-ispjegazzjonijiet dwar il-fatturi wara dawn it-tibdiliet iridu jiġu pprovduti fin-narrattiva li takkumpanja.

8

RWEAs fi tmiem il-perjodu ta’ divulgazzjoni

L-ammonti tal-iskopertura ponderati għar-riskju fi tmiem il-perjodu dderivati mis-somma tar-rekwiżiti ta’ fondi proprji f’konformità mal-Artikolu 364 CRR bl-eċċezzjoni tal-punt (a) tal-Artikolu 364(2) CRR, u l-fondi proprji addizzjonali meħtieġa mis-superviżuri għall-istituzzjonijiet li jużaw l-approċċ ta’ mudell intern għar-riskju tas-suq, immoltiplikati bi 12,5 f’konformità mal-punt (b) tal-Artikolu 92(4) CRR

1a /1b/ 8a/8b

Ir-ringieli 1a/1b u 8a/8b ta’ dan il-mudell għandhom jintużaw meta r-rekwiżit tal-RWEA/ta’ fondi proprji għal kwalunkwe waħda mill-kolonni minn a sa d ta’ dan il-mudell ikun il-medja ta’ 60 jum (għal VaR u għal SVaR) jew il-kejl medju fuq 12-il ġimgħa jew il-kejl minimu (għall-IRC u għall-Kejl tar-riskju komprensiv) u mhux ir-rekwiżit tal-RWEA/ta’ fondi proprji fi tmiem il-perjodu (preċedenti jew ta’ divulgazzjoni) f’konformità mal-punti (a)(i) u (b)(i) tal-Artikolu 364(1), mal-punt (b)(i) tal-Artikolu 364(2) u mal-punt (a) tal-Artikolu 364(3) CRR. L-ammont fir-ringieli addizzjonali 1a u 8b għandu jkun id-differenza bejn l-RWEA derivat finali fuq il-kejl medju, kif iddikjarat fir-ringieli 1 jew 8 ta’ dan il-mudell, u l-kejl idderivat direttament mill-mudelli fir-ringieli 1b/8a ta’ dan il-mudell. F’dawn il-każijiet, ringieli addizzjonali għal aġġustament regolatorju (1a u 8b ta’ dan il-mudell) jiżguraw li l-istituzzjoni tkun tista’ tipprovdi s-sors tat-tibdiliet fir-rekwiżit tal-RWEA/ta’ fondi proprji fuq il-bażi tal-aħħar miżura tar-kejl tar-rekwiżit tal-RWEA/ta’ fondi proprji fi tmiem il-perjodu (preċedenti jew ta’ divulgazzjoni), fir-ringieli minn 1b u 8a ta’ dan il-mudell. F’dan il-każ, ir-ringieli 2, 3, 4, 5, 6, 7 ta’ dan il-mudell jirrikonċiljaw il-valur fir-ringieli 1b u 8a (1) ta’ dan il-mudell.

Ittra ta’ kolonna

Spjegazzjoni

a

VaR Il-fatturi ewlenin li wasslu għal tibdiliet matul il-perjodu f’konformità mar-ringieli minn (2) sa (7) ta’ dan il-mudell (fuq il-bażi ta’ stima raġonevoli), tal-RWEAs tal-valur fir-riskju dderivati mir-rekwiżiti ta’ fondi proprji f’konformità mal-punt (a) tal-Artikolu 364(1) CRR.

b

SVaR

Il-fatturi ewlenin li wasslu għal tibdiliet matul il-perjodu f’konformità mar-ringieli minn (2) sa (7) ta’ dan il-mudell (fuq il-bażi ta’ stima raġonevoli), tal-RWEAs tal-valur fir-riskju taħt stress idderivati mir-rekwiżiti ta’ fondi proprji f’konformità mal-punt (b) tal-Artikolu 364(1) CRR, u l-fondi proprji addizzjonali meħtieġa mis-superviżuri, jekk ikun hemm

c

IRC

Il-fatturi ewlenin li wasslu għal tibdiliet matul il-perjodu f’konformità mar-ringieli minn (2) sa (7) ta’ dan il-mudell (fuq il-bażi ta’ stima raġonevoli), tal-RWEAs inkrimentali ta’ inadempjenza u ta’ migrazzjoni dderivati mir-rekwiżiti ta’ fondi proprji f’konformità mal-punt (b) tal-Artikolu 364(2) CRR, u l-fondi proprji addizjonali meħtieġa mis-superviżuri, jekk ikun hemm

d

Kejl tar-riskju komprensiv

Il-fatturi ewlenin li wasslu għal tibdiliet matul il-perjodu f’konformità mar-ringieli minn (2) sa (7) ta’ dan il-mudell (fuq il-bażi ta’ stima raġonevoli), tal-RWEAs tal-portafoll tan-negozjar ta’ korrelazzjoni dderivati mir-rekwiżiti ta’ fondi proprji f’konformità mal-Artikolu 364(3) CRR, u l-fondi proprji addizjonali meħtieġa mis-superviżuri, jekk ikun hemm

e

Oħrajn

Il-fatturi ewlenin li wasslu għal tibdiliet matul il-perjodu f’konformità mar-ringieli minn (2) sa (7) ta’ dan il-mudell tal-RWEAs fuq il-bażi tal-approċċi ta’ mudell mhux irrapportati fil-kolonni minn (a) sa (d)

f

Total tal-RWEAs (a + b + c + d + e)

g

Total tar-rekwiżiti ta’ fondi proprji (f x 8 %)

Referenzi legali u struzzjonijiet

Numru tar-ringiela

Spjegazzjoni

VaR (99 % ta’ 10 ijiem)

Kejl tal-valur fir-riskju f’konformità mal-Artikolu 365(1) CRR

L-ammonti ma għandhomx jinkludu rekwiżiti ta’ fondi proprji addizzjonali fuq deċiżjoni tas-superviżur (relatati mal-moltiplikatur, pereżempju).

minn 1 sa 4

L-ogħla/l-anqas/il-medja tal-kejl tal-valur fir-riskju ta’ kuljum matul il-perjodu u l-kejl tal-valur fir-riskju ta’ tmiem il-perjodu.

SVaR (99 % ta’ 10 ijiem)

Kejl tal-valur fir-riskju taħt stress f’konformità mal-Artikolu 365(2) CRR

L-ammonti ma għandhomx jinkludu rekwiżiti ta’ fondi proprji addizzjonali fuq id-deċiżjoni tas-superviżur (moltiplikatur).

minn 5 sa 8

L-ogħla/l-anqas/il-medja tal-kejl tal-valur fir-riskju ta’ kuljum taħt stress matul il-perjodu u l-kejl tal-valur fir-riskju ta’ tmiem il-perjodu.

IRC (99,9 %)

Valur tar-riskju inkrimentali ta’ inadempjenza u ta’ migrazzjoni f’konformità mat-Taqsima 3 tal-Kapitolu 5 tat-Titolu IV tal-Parti Tlieta tas-CRR

L-ammonti ma għandhomx jinkludu rekwiżiti ta’ fondi proprji addizzjonali fuq id-deċiżjoni tas-superviżur (moltiplikatur).

minn 9 sa 12

L-ogħla/l-anqas/il-medja tal-kejl tal-IRC matul il-perjodu u l-kejl tal-valur fir-riskju ta’ tmiem il-perjodu

Kejl tar-riskju komprensiv (99,9 %)

Valur tal-portafolli tan-negozjar ta’ korrelazzjoni f’konformità mat-Taqsima 5 tal-Kapitolu 5 tat-Titolu IV tal-Parti Tlieta tas-CRR

minn 13 sa 16

L-ogħla/l-anqas/il-medja tal-kejl tal-portafolli tan-negozjar ta’ korrelazzjoni matul il-perjodu u l-kejl tal-valur fir-riskju ta’ tmiem il-perjodu

Ittra ta’ kolonna

Spjegazzjoni

a

L-ogħla/l-anqas/il-medja tal-valuri matul il-perjodu ta’ divulgazzjoni u l-valuri ta’ tmiem il-perjodu li jikkorrispondu għar-ringieli minn (1) sa (16) ta’ dan il-mudell

Referenzi legali u struzzjonijiet

Spjegazzjoni

L-informazzjoni msemmija fil-punt (g) tal-Artikolu 455 CRR għandha tinkludi l-valur tal-kejl tar-riskju użat għal finijiet regolatorji f’konformità mal-Artikolu 365(1) CRR, ikkalibrat għal perjodu ta’ żamma ta’ jum wieħed għat-tqabbil mal-livell ta’ fiduċja ta’ 99 % mal-eżiti tan-negozjar tal-istituzzjoni

L-istituzzjonijiet għandhom jippreżentaw analiżi tal-“outliers” (eċċezzjonijiet tal-ittestjar retrospettiv skont l-Artikolu 366 CRR) f’riżultati ttestjati b’mod retrospettiv, li tispeċifika d-dati u l-eċċess korrispondenti (VaR-P&L). L-analiżi jenħtieġ li tal-anqas tispeċifika l-fatturi ewlenin tal-eċċezzjonijiet.

L-istituzzjonijiet għandhom jiddikjaraw paraguni simili għal P&L attwali u għal P&L ipotetiċi (jiġifieri fuq il-bażi ta’ tibdiliet ipotetiċi fil-valuri tal-portafoll li jseħħu jekk il-pożizzjonijiet ta’ tmiem il-jum jibqgħu l-istess) skont l-Artikolu 366 CRR.

L-istituzzjonijiet għandhom jikkomplementaw din l-informazzjoni b’informazzjoni dwar il-qligħ/it-telf attwali, u b’mod speċjali bi kjarifika dwar jekk jinkludux riżervi u, jekk le, kif ir-riżervi jiġu integrati fil-proċess ta’ ttestjar retrospettiv.