Artikolu 11 Kundizzjonijiet għall-forniment tas-servizzi tas-CNS, tal-AIS, tal-ADS, tal-MET u ta’ servizzi tat-traffiku tal-ajru għall-kontroll tal-avviċinament u tal-ajrudrom

1.   Mingħajr preġudizzju għad-Direttiva 2014/24/UE tal-Parlament Ewropew u tal-Kunsill (20) u għad-Direttiva 2014/25/UE tal-Parlament Ewropew u tal-Kunsill (21), fejn applikabbli, il-fornituri deżinjati tas-servizzi tat-traffiku tal-ajru jistgħu jiddeċiedu li jakkwistaw servizzi tas-CNS, tal-AIS jew tal-ADS, jew tal-MET f’każijiet fejn l-Istati Membri ma jkunux iddeżinjaw fornitur tal-MET f’konformità mal-Artikolu 10, skont il-kundizzjonijiet tas-suq, inkluż permezz ta’ akkwisti pubbliċi, jew forom oħra ta’ ftehimiet f’każijiet fejn dawk id-Direttivi ma japplikawx, filwaqt li jitqiesu sitwazzjonijiet speċifiċi bħan-nuqqas ta’ soluzzjonijiet disponibbli fis-suq u kunsiderazzjonijiet relatati mal-interess pubbliku.

2.   L-Istati Membri jistgħu jippermettu li l-operaturi tal-ajruporti, jew grupp ta’ operaturi tal-ajruporti, jakkwistaw servizzi tat-traffiku tal-ajru għall-kontroll tal-ajrudrom u/jew servizzi tat-traffiku tal-ajru għall-kontroll tal-avviċinament skont kundizzjonijiet tas-suq. Għal dan l-għan, l-Istati Membri jistgħu jirrikjedu mingħand l-operaturi tal-ajruporti ġustifikazzjoni xierqa li dan jippermetti li jkun hemm gwadann mil-lat ta’ kwalità tas-servizz għall-benefiċċju tal-utenti tal-ispazju tal-ajru, filwaqt li jinżamm il-livell meħtieġ ta’ sikurezza.

3.   Meta l-akkwist imsemmi fil-paragrafu 2 ikun permess, l-operatur ta’ ajruport rilevanti jew grupp ta’ operaturi ta’ ajruporti għandu jiżgura li r-rekwiżiti tekniċi fl-ispeċifikazzjonijiet tal-offerta jinkludu rekwiżiti dwar il-kwalità tas-servizz. L-Istati Membri għandhom jiddeżinjaw lill-fornitur ta’ servizzi magħżul bħala riżultat tal-akkwist imsemmi f’dan il-paragrafu.

4.   Fejn servizzi ta’ navigazzjoni tal-ajru huma akkwistati taħt kundizzjonijiet tas-suq, il-proċeduri ta’ akkwist għall-forniment ta’ servizzi tan-navigazzjoni bl-ajru għandhom jitwettqu f’konformità mal-prinċipji ta’ trattament ugwali, nondiskriminazzjoni u trasparenza kif ukoll tad-dispożizzjonijiet applikabbli tat-Trattat u f’konformità mad-Direttivi 2014/24/UE u 2014/25/UE, fejn applikabbli.

5.   L-Istati Membri għandhom jieħdu l-miżuri kollha meħtieġa biex jiżguraw li l-forniment ta’ servizzi tat-traffiku tal-ajru en route jirrispetta r-rekwiżit li jikkonċerna s-separazzjoni tal-kontijiet imsemmija fl-Artikolu 36(3).

Barra minn hekk, fejn il-fornitur tas-servizzi tan-navigazzjoni bl-ajru jkun beħsiebu jipparteċipa fi proċeduri ta’ akkwist għall-forniment ta’ servizzi tan-navigazzjoni bl-ajru f’konformità mal-paragrafi 1 u 2, l-Istat Membru rilevanti għandu jieħu l-miżuri xierqa biex jevita s-sussidjar inkroċjat ma’ servizzi oħra tan-navigazzjoni bl-ajru.

6.   Fornitur tas-servizzi tas-CNS, tal-AIS, tal-ADS, tal-MET jew tat-traffiku tal-ajru għall-kontroll tal-ajrudrom jew għall-kontroll tal-avviċinament jista’ jintgħażel biss u, jekk adatt, jiġi ddeżinjat biex jipprovdi servizzi fi Stat Membru bħala riżultat ta’ akkwist skont il-paragrafi 1, 2 jew 3, bil-kundizzjoni li jkun konformi mal-kundizzjonijiet kumulattivi li ġejjin:

B’deroga minn dan il-paragrafu, fornitur ta’ servizzi globali bis-satellita li jkun ingħata ċertifikat skont l-Artikolu 41 tar-Regolament (UE) 2018/1139 biex jipprovdi servizzi fi ħdan l-Unjoni qabel id-dħul fis-seħħ ta’ dan ir-Regolament jista’ jintgħażel biex jipprovdi servizzi fl-Unjoni anki jekk ma jikkonformax mal-kundizzjonijiet stipulati fil-punti (b) u (c).

7.   L-Artikoli 23, 24, 25 u 27 u r-regoli ta’ implimentazzjoni relatati ma’ dawk l-Artikoli msemmija fl-Artikolu 28 ma għandhomx japplikaw għall-fornituri tas-servizzi tat-traffiku tal-ajru deżinjati bħala riżultat ta’ proċedura tal-akkwist imwettqa f’konformità mal-paragrafi 2 u 3 ta’ dan l-Artikolu. Il-fornituri tas-servizzi tat-traffiku tal-ajru kkonċernati għandhom jipprovdu data dwar il-prestazzjoni tas-servizzi tan-navigazzjoni bl-ajru fl-oqsma ewlenin tal-prestazzjoni msemmija fl-Artikolu 21(3), il-punt (a) u fil-qasam tas-sikurezza lill-awtorità superviżorja nazzjonali. L-awtorità superviżorja nazzjonali għandha tipprovdi din l-informazzjoni lill-Kummissjoni mingħajr dewmien.

8.   Mingħajr preġudizzju għad-Direttiva 2014/25/UE jew 2014/24/UE, l-ewwel darba li servizz tat-traffiku tal-ajru għall-kontroll tal-avviċinament jew tal-ajrudrom jiġi akkwistat f’ajruport partikolari f’konformità mal-paragrafu 2 ta’ dan l-Artikolu, u meta l-kundizzjonijiet essenzjali jkunu jeħtieġu bidla fl-ispeċifikazzjonijiet tal-offerta, l-Istati Membri għandhom jiżguraw il-verifika tar-rekwiżiti tekniċi dwar il-kwalità tas-servizz inklużi fl-ispeċifikazzjonijiet tal-offerta għas-servizz speċifiku kkonċernat.