9.2 Frekwenza tal - valwazzjonijiet

Għal finijiet prudenzjali, l - istituzzjonijiet ta’ kreditu għandhom jaġġornaw il - valutazzjonijiet tal - iskoperturi garantiti kollha f’konformità mar - rekwiżiti tal - Artikolu 208(3) u tal - Artikolu 210(c) tar - Regolament (UE) Nru 575/2013.

Il - grupp ta’ kollaterali li huma soġġetti għal valutazzjonijiet u rivalutazzjonijiet individwali fuq bażi regolari għandhom jiġu aġġornati fil - ħin meta l - iskopertura tiġi kklassifikata bħala improduttiva u mill - inqas kull sena filwaqt li tkompli tiġi kklassifikata bħala tali. L - istituzzjonijiet ta’ kreditu għandhom jiżguraw li, għall - kollateral soġġett għall - indiċjar jew għal metodi simili oħra, l - indiċjar jiġi aġġornat tal - anqas darba fis - sena.

Għal proprjetajiet b’valutazzjoni individwali aġġornata li seħħet matul l - aħħar sitt (12) xhur (f’konformità mal - prinċipji u r - rekwiżiti applikabbli kollha kif stabbilit f’din it - taqsima), il - valur tal - proprjetà jista’ jiġi indiċjat sal - perjodu tar - rieżami tal - indeboliment.

L- istituzzjonijiet ta’ kreditu għandhom iwettqu monitoraġġ aktar frekwenti meta s - suq ikun soġġett għal bidliet negattivi sinifikanti u/jew meta jkun hemm sinjali ta’ tnaqqis sinifikanti fil - valur tal - kollateral individwali.

Għalhekk, l - istituzzjonijiet ta’ kreditu għandhom jiddefinixxu l - kriterji fil - politika u l - proċeduri tal - valutazzjoni tal - kollateral tagħhom biex jiddeterminaw jekk seħħx tnaqqis sinifikanti fil - valur tal - kollateral. Fejn possibbli, dawn se jinkludu limiti kwantitattivi għal kull tip ta’ kollateral, ibbażati fuq id - data empirika osservata u kwalunkwe esperjenza ta’ istituzzjoni ta’ kreditu kwalitattiva rilevanti, filwaqt li jitqiesu fatturi rilevanti bħal xejriet fil - prezzijiet tas - suq jew l - opinjoni ta’ evalwaturi indipendenti.

L- istituzzjonijiet ta’ kreditu għandu jkollhom proċessi u sistemi xierqa fis - seħħ biex jimmarkaw valutazzjonijiet skaduti u biex jiskattaw rapporti ta’ valutazzjoni.