9.7 Valutazzjoni tal - assi preklużi

L- istituzzjonijiet ta’ kreditu għandhom iqisu b’mod qawwi l - klassifikazzjoni tal - assi preklużi bħala assi mhux kurrenti miżmuma għall - bejgħ skont l - IFRS 5. Dan it - trattament kontabilistiku jimplika li l - assi jrid ikun disponibbli għall - bejgħ immedjat fil - kundizzjoni attwali tiegħu (IFRS 5.7), li l - korp maniġerjali għandu japprova pjan individwali biex l - assi jinbiegħ f’perjodu ta’ żmien qasir (normalment sena waħda) u li għandha tiġi segwita politika ta’ bejgħ attiva (IFRS 5.8); għalhekk, din tiffavorixxi l - irkupri.

L- assi preklużi riċevuti għandhom jiġu vvalutati skont l - inqas minn:

• a) l - ammont tal - assi finanzjarji applikati, li jittrattaw l - assi preklużi jew riċevuti bi ħlas ta’ dejn bħala kollateral;
• b) il - valur ġust tal - assi pposseduta, wara li jitnaqqsu l - kostijiet tal - bejgħ.

Meta l - valur ġust ma jinkisibx b’referenza għal suq attiv iżda huwa bbażat fuq teknika ta’ valutazzjoni (jew il - livell 2 jew il - livell 3), hemm bżonn ta’ xi aġġustamenti, b’mod partikolari bħala riżultat ta’ żewġ fatturi:

• a) Il - kundizzjoni jew il - post tal - assi. Ir - riskju u l - inċertezza dwar l - assi għandhom jiġu inkorporati fl - istima tal - valur ġust.
• b) Il - volum jew il - livell ta’ attività tas - swieq fir - rigward ta’ dawn l - assi. L - esperjenza ta’ qabel tal - istituzzjoni ta’ kreditu tal - entità fir - realizzazzjonijiet u tad - differenzi bejn l - ammonti milħuqa bl - użu tat - teknika ta’ valutazzjoni u l - ammonti finali miksuba fir - realizzazzjonijiet għandhom jiġu inkorporati fil - kalkolu. Is - suppożizzjonijiet magħmula sabiex jitkejjel dan l - aġġustament jistgħu jiġu dokumentati, u għandhom ikunu disponibbli għas - superviżur fuq talba. Skontijiet għal illikwidità jistgħu jiġu kkunsidrati.

Meta l - assi preklużi tal - istituzzjonijiet ta’ kreditu jkunu għadhom qed jinbnew u jiġi deċiż li l - kostruzzjoni titlesta qabel ma l - assi jinbiegħu, huma għandhom juru l - merti ta’ tali strateġija u l - kost ma għandux jaqbeż il - valur ġust wara li jitnaqqsu l - kostijiet biex l - assi jiġi kkompletat u jinbiegħ filwaqt li jitqies skont ta’ nuqqas ta’ likwidità xieraq kif deskritt hawn fuq.

Meta assi preklużi jkunu qabżu l - perjodu medju ta’ parteċipazzjoni għal assi simili li għalihom hemm fis - seħħ politiki attivi ta’ bejgħ, l - istituzzjonijiet ta’ kreditu għandhom jirrevedu l - iskont ta’ nuqqas ta’ likwidità applikat fil - proċess ta’ valutazzjoni deskritt hawn fuq, iżidu għaldaqstant. F’dawn iċ - ċirkostanzi, l - istituzzjoni ta’ kreditu għandha toqgħod lura milli tirrikonoxxi tniżżil fil - valur/treġġigħ lura ta’ indeboliment akkumulat eżistenti fuq l - assi, peress li l - preżenza fit - tul tagħha fuq il - karta tal - bilanċ tipprovdi evidenza li l - istituzzjoni ta’ kreditu ma tistax tbigħ l - assi f’valutazzjoni akbar.

Il - frekwenza tal - valwazzjoni tal - assi preklużi u l - proċeduri applikabbli għandhom isegwu t - trattament ta’ proprjetà immobbli kif stabbilit fit - Taqsimiet 9.1.2 u 9.2.