4.4 Miżuri li għandhom jittieħdu biex jiġi żgurat ir - ritorn f’waqtu għall - konformità tal - istituzzjoni mal -limiti tal- Artikolu 395(1) tar-Regolament (UE) Nru 575/2013

Meta awtorità kompetenti tkun tat lil istituzzjoni perjodu itwal minn 3 xhur biex tirritorna għall - konformità mal -limiti tal- Artikolu 395(1) tar- Regolament (UE) Nru 575/2013, l- istituzzjoni għandha tippreżenta pjan ta’ konformità għal ritorn f’waqtu għall - konformità.

Il- pjan ta’ konformità għandu mill - anqas jinkludi dan li ġej:

• a. arranġamenti biex titnaqqas l - iskopertura kkonċernata;
• b. miżuri biex jiżdiedu l - fondi proprji tal - istituzzjoni, fejn meħtieġ;
• c. arranġamenti biex jissaħħaħ l - immaniġġjar tar - riskju intern u l- proċessi ta’ kontroll;
• d. kwalunkwe emenda meħtieġa għall - politika ta’ konformità tal - istituzzjoni;
• e. proċeduri xierqa biex tiġi żgurata l - implimentazzjoni f’waqtha tal - miżuri; u
• f. skeda dettaljata għall - implimentazzjoni tal - miżuri, inkluża d -data maħsuba għar - ritorn għall - konformità.

Il- miżuri proposti minn istituzzjoni għandhom jinkludu deskrizzjoni ta’ kwalunkwe riskju jew ostaklu prevedibbli għall - eżekuzzjoni effettiva u f’waqtha tal - pjan ta’ konformità.

L- awtorità kompetenti għandha tivvaluta l - adegwatezza, is - suffiċjenza u l - fattibilità tal - miżuri biex tiżgura ritorn f’waqtu għall - konformità fuq bażi stabbli u kontinwa, u li l - perjodu ta’ żmien dettaljat huwa xieraq u jista’ jinkiseb.

Jekk l - awtorità kompetenti għandha xi tħassib materjali fir -rigward tal- miżuri, għandha tinforma minnufih lill - istituzzjoni.

L- istituzzjoni għandha tinforma lill - awtorità kompetenti immedjatament f’każ li wħud mill - miżuri previsti ma jistgħux jinkisbu kif ippjanat. L - awtorità kompetenti għandha tissorvel ja mill-qrib l- implimentazzjoni tal - miżuri biex taċċerta r - ritorn effettiv u f’waqtu għall - konformità. B’mod partikolari, għandha tissorvelja jekk l - objettivi intermedji differenti humiex kompletament milħuqa. Jekk l - istituzzjoni tonqos milli tikseb xi wieħed minn dawk l - objettivi intermedji, l- awtorità kompetenti għandha titlob lill - istituzzjoni tindirizza dawn in -nuqqasijiet b’mod xieraq.

Il- frekwenza u l - intensità tal - monitoraġġ tal - awtorità kompetenti għandhom ikunu adegwati u proporzjonali għall - kawża u d-daqs tal- ksur, l - impatt potenzjali tiegħu fuq l - istituzzjoni u l - ispeċifiċitajiet tal - pjan ta’ konformità u l - miżuri meħuda matul perjodi ta’ anqas minn 3 xhur. Għandha tikkunsidra wkoll l - evoluzzjoni tal - iskopertura(i) kkonċernata(i), ibbażata(i) fuq informazzjoni regolari pprovduta mill - istituzzjoni. Kull meta jkun meħtieġ, l - awtorità kompetenti għandha titlob informazzjoni addizzjonali.

L- awtorità kompetenti għandha tiddeċiedi u tikkomunika jekk l - istituzzjoni għandhiex twettaq awditjar intern jew estern rigward il- proċessi ta’ kontroll intern u ta’ ġestjoni tar - riskju, li r - riżultati tagħhom għandhom jiġu kkomunikati kemm lill - korp maniġerjali tal - istituzzjoni kif ukoll lill- awtorità kompetenti.

L- awtorità kompetenti għandu jkollha fis - seħħ proċedura standard u dokumentata bi struzzjonijiet ċari li jiddeskrivu l - passi meħtieġa biex tissorvelja li l - istituzzjonijiet li jkunu nnotifikaw ksur jirritornaw għall - konformità fil - ħin.

F’konformità mal -Linji Gwida tal-EBA dwar il- Governanza Interna, l - istituzzjonijiet għandhom jiżguraw li l - korp maniġerjali tagħhom jissorvelja u jimmonitorja l - implimentazzjoni tal - miżuri meħuda li jiżguraw ritorn xieraq u f’waqtu għall - konformità bil -limiti tal- Artikolu 395(1) tar-Regolament (UE) Nru 575/2013.