2.4. Comhréireacht agus rannpháirtíocht mhaoirseachta

Ba cheart d'údaráis inniúla raon feidhme, minicíocht, gráinneacht agus déine na rannpháirtíochta maoirseachta le hinstitiúid a choigeartú i gcomhréir lena catagóir agus r prionsabal na comhréireachta á chur san áireamh. Agus gníomhaíochtaí SREP á bpleanáil acu, ba cheart d’údaráis inniúla tagairt a dhéanamh do shamhail rannpháirtíocht íosmhéide SREP a leagtar amach i dtábla 1. Déánann an tsamhail déine na rannpháirtíochta maoirseachta a mhapáil do chatagóir na hinstitiúide. Níor cheart an tsamhail a léirmhíniú mar bhac ar acmhainní a leithdháileadh ar thosaíochtaí maoirseachta sainaitheanta. Féadfaidh údaráis inniúla, dá bhrí sin, beag beann ar aicmiú na hinstitiúide, fócas agus gráinneacht a measúnaithe a shocrú chun próifíl riosca na hinstitiúide, ábharthacht na rioscaí éagsúla, na dtreochtaí agus na rioscaí atá ag teacht chun cinn a aithníodh trí fhaireachán a dhéanamh ar phríomhtháscairí mar a leagtar amach i dTeideal 3, trí thástáil struis mar a leagtar amach i dTeideal 11 nó toradh measúnuithe SREP a rinneadh roimhe seo a léiriú.

Faoin tsamhail seo, ba cheart d'údaráis inniúla teacht ar thuairim ar ghnéithe uile SREP (anailís ar an tsamhail ghnó, rialachas/rialuithe inmheánacha, rioscaí don chaipiteal, agus rioscaí don leachtacht agus don chistiú) de réir na minicíochta íosta a leagtar amach i dtábla 1, agus iad fós in ann measúnú bliantúil bríoch agus cuimsitheach a dhéanamh ar inmharthanacht institiúide (achoimre ar an measúnú SREP foriomlán).

Ba cheart an dearcadh seo a bheith bunaithe ar fhaisnéis a bailíodh trí raon iomlán na ngníomhaíochtaí maoirseachta atá liostaithe i mír 13. Go háirithe, féadfaidh faisnéis ó blianta roimhe seo feidhmiú freisin mar bhunlíne don mheastóireacht agus don achoimre ar an meastóireacht fhoriomlán SREP, ar an gcoinníoll go bhfuil sé cinntithe ag an údarás inniúil – agus faireachán ráithiúil ar na táscairí á chur san áireamh ag an am céanna – nár tháinig aon athrú ábhartha ar phróifíl riosca an institiúide.

Ba cheart d'údaráis inniúla dul i ngleic le comhlacht bainistíochta na n-institiúidí agus leis an ardbhainistíocht¹⁴ , bunaithe ar an minicíocht íosta atá leagtha amach i dtábla 1. Beag beann ar chatagóir na hinstitiúide, ba cheart d'údaráis inniúla a rannpháirtíocht a threisiú chun obair leantach a dhéanamh ar thorthaí ó mheasúnuithe SREP a rinneadh roimhe seo, nó chun faireachán a dhéanamh ar institiúidí a bhfuil próifílí riosca níos airde acu nó próifílí atá ag athrú go tapa, nó a bhfuil scór SREP foriomlán lag acu a léiríonn imní dhian maoirseachta.

¹⁴ Mar a shainmhínítear in Airteagal 3(9) de Threoir 2013/36 ón Aontas Eorpach agus ón gComhairle maidir le rochtain ar ghníomhaíocht institiúidí creidmheasa agus maoirseacht stuamachta ar institiúidí creidmheasa, lena leasaítear Treoir 2002/87/CE agus lena n-aisghairtear Treoir 2006/48/CE agus Treoir 2006/49/CE (OJL 176 27.6.2013, lch. 338, ELI: http://data.europa.eu/eli/dir/2013/36/2026-01-11).

I gcás ina bhfuil institiúidí mar chuid de ghrúpaí trasteorann, ba cheart d’údaráis inniúla plé a dhéanamh ar an gcaoi a bhfuil sé beartaithe acu a measúnú SREP a reáchtáil faoi chuimsiú coláistí maoirseoirí chun ábhair imní a shainaithint go luath agus chun an cur chuige a choigeartú agus a chomhordú i measc na n‑údarás mar a shonraítear i dTeideal 10.

Tábla 1 SREP a chur i bhfeidhm ar chatagóirí éagsúla institiúidí

*Agus fócas agus gráinneacht an athbhreithnithe curtha in oiriúint chun próifíl riosca na hinstitiúide, ábharthacht na rioscaí éagsúla, agus treochtaí agus rioscaí atá ag teacht chun cinn a aithníodh trí ghníomhaíochtaí maoirseachta a léiriú. Is féidir é seo a bhunú ar mheasúnuithe a rinneadh roimhe seo mura bhfuil aon athrú ábhartha de réir na faisnéise atá ar fáil (e.g. faireachán ar tháscairí agus tuairisciú), beag beann ar aicmiú na hinstitiúide.

**Féadfar an mhinicíocht íosta chun measúnú a dhéanamh ar ghnéithe uile SREP a shíneadh ó 3 bliana go 5 bliana i gcás institiúidí chatagóir 4 ar choinníoll: (i) go bhfuil próifíl riosca íseal chobhsaí, meadarachtaí airgeadais chobhsaí agus corrlaigh shláintiúla acu; agus (ii) nach dtarraingíonn faireachán ráithiúil ar na KRInna aon imní anuas.

I gcás ina gcinnfidh údaráis inniúla go bhfuil próifílí riosca comhchosúla ag institiúidí nó go bhféadfadh siad a bheith neamhchosanta ar rioscaí comhchosúla atá ag teacht chun cinn, féadfaidh siad measúnuithe téamacha SREP a dhéanamh ar institiúidí iolracha mar mheasúnú aonair (e.g. féadfar BMA a dhéanamh ar gach iasachtóir morgáiste beag i bhfianaise gur dócha go sainaithneofar na saincheisteanna céanna maidir le hinmharthanacht gnó do na hinstitiúidí uile seo). Féadfaidh údaráis inniúla modheolaíochtaí sainoiriúnaithe a úsáid freisin chun SREP a chur i bhfeidhm i gcás institiúidí a bhfuil próifílí riosca comhchosúla acu, amhail samhlacha gnó comhchosúla nó suíomh geografach na neamhchosaintí i gcomhréir le hAirteagal 97(4a) de Threoir 2013/36/AE.

I gcás institiúidí a chlúdaitear faoin gclár um scrúdú maoirseachta a cheanglaítear le hAirteagal 99 de Threoir 2013/36/AE, ba cheart d'údaráis inniúla a áirithiú go gcinnfidh an clár sin leibhéal na rannpháirtíochta agus leibhéal chur i bhfeidhm SREP.

Agus gníomhaíochtaí maoirseachta á bpleanáil, ba cheart d'údaráis inniúla gníomhaíochtaí a chomhordú go hinmheánach chun measúnú comhleanúnach a áirithiú, agus le páirtithe eile a bhfuil baint dhíreach nó indíreach acu leis an measúnú, go háirithe nuair a theastaíonn ionchur uathu.