7.7. Achoimre ar thorthaí, scóráil agus bearta maoirseachta

Tar éis an mheasúnaithe thuas, ba cheart d’údaráis inniúla teacht ar thuairim ar cibé an soláthraíonn nó nach soláthraíonn acmhainní cistí dílse atá ann cheana clúdach fónta ar na rioscaí a bhfuil nó a bhféadfadh an institiúid a bheith neamhchosanta orthu. Ba cheart an tuairim seo a léiriú in achoimre ar thorthaí, mar aon le scór inmharthanachta bunaithe ar na breithniúcháin a shonraítear i dtábla 15.

Agus an scór á shocrú le haghaidh leordhóthanacht caipitil, ba cheart d’údaráis inniúla scór na hacmhainne téarnaimh foriomláine a mheas maidir le caipiteal (lag, leordhóthanach le feabhas féideartha, nó sásúil) mar a shonraítear i míreanna 41 go 43 de Threoirlínte an ÚBE ar Acmhainn Théarnaimh Foriomlán i bPleanáil Téarnaimh⁴⁴ . Tá sé thar a bheith ábhartha aird a thabhairt ar an scór foriomlán acmhainneachta téarnaimh i gcomhthéacs leordhóthanachta

chaipiteal.

Tábla 15. Breithniúcháin mhaoirseachta chun scór a shannadh do leorgacht leachtachta Scór Tuairim mhaoirseachta Breithniúcháin

⁴⁴ ÚBE/GL/2023/06

Soláthraítear sa tábla thíos liosta neamh-uileghabhálach de bhearta maoirseachta a d’fhéadfadh údaráis inniúla a dhéanamh i gcás easnaimh shainaitheanta i leordhóthanacht caipitil na hinstitiúide, lena n-áirítear faoi choinníollacha struis. Ba cheart d'údaráis inniúla cinneadh a dhéanamh maidir le cineál an bhirt mhaoirseachta, bunaithe ar a n-éifeachtacht i leith an easnaimh shonraithe a sainaithníodh. Féadfaidh údaráis inniúla bearta maoirseachta breise nó teaglaim díobh a chur i bhfeidhm má mheastar go bhfuil siad sin níos iomchuí chun aghaidh a thabhairt ar na heasnaimh a sainaithníodh. Tábla 16. Bearta maoirseachta a d’fhéadfadh a bheith ann agus nach bhfuil uileghabhálach maidir le leordhóthanacht caipitil Bearta maoirseachta féideartha d'údaráis inniúla i gcomhréir le hAirteagal 104(1), pointí (a), (c), (h), (i), agus (j) de Threoir 2013/36/AE – Féadfaidh na húdaráis inniúla a cheangal ar an institiúid: A. ceanglais bhreise maidir le cisti dílse a shealbhú trí TSCR a leagan síos agus P2G a chinneadh, i gcás inarb iomchuí B. plean caipitil inchreidte a chur isteach lena dtugtar aghaidh ar an riosca nach gcomhlíonfaidh sí a ceanglais chaipitil is infheidhme, i gcás ina léiríonn torthaí cainníochtúla na dtástálacha struis, faoi na cásanna struis ar leith, nach mbeidh institiúid in ann na ceanglais a chomhlíonadh, agus spriocdháta a shocrú chun é a chur i bhfeidhm; C.athruithe a dhéanamh ar phleananna caipitil de réir mar is iomchuí, lena n-áirítear ar na gníomhaíochtaí bainistíochta atá beartaithe, nó gníomhaíochtaí maolaitheacha breise a dhéanamh a thiocfadh chun bheith ábhartha i bhfianaise na gcásanna agus na gcoinníollacha maicreacnamaíocha atá ann faoi láthair; D. teorainn a chur le luach saothair inathraithe mar chéatadán de ghlanioncaim i gcás ina bhfuil sé neamhréireach le bonn fónta caipitil a choinneáil; E. a ghnó nó a oibríochtaí a shrianadh nó a theorannú nó gníomhaíochtaí lena ngabhann rioscaí iomarcacha d’fhóntacht an ghnó nó na n-oibríochtaí a dhífheistiú; F. an riosca bunúsach le gníomhaíochtaí, táirgí agus córais áirithe institiúidí a laghdú, lena n-áirítear gníomhaíochtaí arna soláthar ag tríú páirtithe; G. glanbhrabúis a úsáid chun cistí dílse a neartú; H. dáiltí nó íocaíochtaí úis le scairshealbhóirí, le comhaltaí nó le sealbhóirí ionstraimí breise Leibhéal 1 a shrianadh nó a thoirmeasc i gcás nach ionann toirmeasc den sórt sin agus teagmhas mainneachtana; I. ceanglais maidir le tuairisciú breise nó tuairisciú níos minice a fhorchur, lena n-áirítear tuairisciú ar chistí dílse, ar leachtacht agus ar ghiaráil;

Nuair a dhéanann na húdaráis inniúla measúnú ar chreidiúnacht an phlean caipitil nó an phlean caipitil leasaithe, i gcomhréir le pointí B. agus C. de thábla 16, ba cheart dóibh na critéir seo a leanas a bhreithniú:

• a. clúdaíonn sé an tréimhse ama iomlán a nglactar leis do thástáil struis;
• b. Cuireann sé sraith de bhearta maolaithe agus bainistíochta inchreidte chun cinn, amhail srianadh ar íocaíochtaí díbhinne, srl.;
• c. cibé acu atá nó nach bhfuil an institiúid toilteanach agus in ann gníomhaíochtaí den sórt sin a dhéanamh chun aghaidh a thabhairt ar sháruithe ar na ceanglais chaipitil is infheidhme sna tástálacha struis uile-chórais;
• d. cibé acu atá nó nach bhfuil na gníomhaíochtaí maolaithe agus bainistíochta sin faoi réir aon srianta dlí nó clú, mar shampla mar gheall ar fhógraí poiblí a bhí contrártha nó i gcoimhlint (e.g. maidir le beartais díbhinne, pleananna gnó agus inghlacthacht riosca);
• e. an dóchúlacht go gcuirfeadh gníomhaíocht maolaithe agus bainistíochta ar chumas na hinstitiúide a ceanglais chaipitil is infheidhme a chomhlíonadh go hiomlán laistigh de fhráma ama iomchuí; agus
• f. cibé acu atá nó nach bhfuil na gníomhaíochtaí atá beartaithe i gcomhréir go ginearálta le breithnithe maicreacnamaíocha agus le hathruithe rialála amach anseo is eol a dhéanann difear d’institiúid laistigh de raon feidhme agus d'amlíne na gcásanna díobhálacha toimhdithe;
• g. raon na roghanna téarnaimh agus a n-anailís mar atá leagtha amach i bplean téarnaimh na hinstitiúide.

Ba cheart d’údaráis inniúla a bheith ag súil go gcuirfidh institiúidí an plean caipitil athbhreithnithe i bhfeidhm, agis tuilleadh athruithe arna ndéanamh bunaithe ar thorthaí an mheasúnaithe mhaoirseachta ar an institiúid agus an idirphlé leis an institiúid á gcur san áireamh.