7.7. Sommarju tas-sejbiet, punteġġ u miżuri superviżorji

Wara l-valutazzjoni ta’ hawn fuq, l-awtoritajiet kompetenti għandhom jiffurmaw perspettiva dwar jekk ir-riżorsi eżistenti tal-fondi proprji jipprovdux kopertura soda tar-riskji li l-istituzzjoni hija jew tista’ tkun esposta għalihom. Din il-perspettiva għandha tkun riflessa f’sommarju tas-sejbiet, akkumpanjat minn punteġġ ta’ vijabbiltà bbażat fuq il-kunsiderazzjonijiet speċifikati fit-tabella 15.

Fl-istabbiliment tal-punteġġ għall-adegwatezza tal-kapital, fejn applikabbli, l-awtoritajiet kompetenti għandhom jikkunsidraw il-punteġġ tal-kapaċità globali ta’ rkupru fir-rigward tal-kapital (dgħajjef, adegwat b’potenzjal għal titjib, jew sodisfaċenti) kif speċifikat fil-paragrafi 41 sa 43 tal-Linji Gwida tal-EBA dwar il-Kapaċità Globali ta’ Rkupru fl-Ippjanar għall-Irkupru⁴⁴ . Il-kunsiderazzjoni tal-punteġġ tal-kapaċità globali ta’ rkupru fil-kuntest tal-adegwatezza tal-kapital hija speċjalment rilevanti f’każ ta’ punteġġ “dgħajjef” tal-kapaċità globali ta’ rkupru għall-kapital.

Tabella 15. Kunsiderazzjonijiet superviżorji biex jiġi assenjat punteġġ għall-adegwatezza tal-kapital Punteġġ Perspettiva superviżorja Kunsiderazzjonijiet

⁴⁴ EBA/GL/2023/06

It-tabella hawn taħt tipprovdi lista mhux eżawrjenti ta’ miżuri superviżorji li l-awtoritajiet kompetenti jistgħu jieħdu f’każ ta’ nuqqasijiet identifikati fl-adegwatezza tal-kapital tal-istituzzjoni, inklużi f’kundizzjonijiet ta’ stress. L-awtoritajiet kompetenti għandhom jiddeċiedu dwar it-tip ta’ miżura superviżorja abbażi tal-effettività tagħha għan-nuqqas identifikat speċifiku. L-awtoritajiet kompetenti jistgħu japplikaw miżuri superviżorji addizzjonali jew kombinazzjoni tagħhom jekk dawn jitqiesu aktar xierqa biex jindirizzaw in-nuqqasijiet identifikati. Tabella 16. Miżuri superviżorji potenzjali u mhux eżawrjenti għall-adegwatezza tal-kapital Miżuri superviżorji potenzjali għall-awtoritajiet kompetenti f’konformità mal-Artikolu 104(1), il-punti (a), (c), (h), (i) u (j), tad-Direttiva 2013/36/UE – L-awtoritajiet kompetenti jistgħu jirrikjedu li l-istituzzjoni: A. iżżomm rekwiżiti addizzjonali ta’ fondi proprji billi tistabbilixxi TSCR u tiddetermina l-P2G, fejn rilevanti; B. tissottometti pjan ta’ kapital kredibbli li jindirizza r-riskju li ma tilħaqx ir-rekwiżiti ta’ kapital applikabbli tagħha, fil-każ li l-eżiti kwantitattivi tat-testijiet tal-istress jindikaw li, fix-xenarji ta’ stress partikolari, l-istituzzjoni mhux se tkun tista’ tissodisfa ir-rekwiżiti, u tistabbilixxi skadenza għall-implimentazzjoni tiegħu; C. tagħmel bidliet fil-pjanijiet ta’ kapital kif xieraq, inklużi fl-azzjonijiet tal-maniġment proposti, jew tieħu azzjonijiet addizzjonali ta’ mitigazzjoni li jsiru rilevanti skont ix-xenarji u l-kundizzjonijiet makroekonomiċi kurrenti; D. tillimita r-remunerazzjoni varjabbli bħala perċentwal tad-dħul nett fejn din tkun inkonsistenti maż-żamma ta’ bażi kapitali soda; E. tirrestrinġi jew tillimita n-negozju jew l-operazzjonijiet tagħha jew tiddivesti attivitajiet li joħolqu riskji eċċessivi għas-solidità tagħha; F. tnaqqas ir-riskju inerenti f’ċerti attivitajiet, prodotti u sistemi ta’ istituzzjonijiet, inklużi attivitajiet ipprovduti minn partijiet terzi; G. tuża profitti netti biex issaħħaħ il-fondi proprji; H. tirrestrinġi jew tipprojbixxi distribuzzjonijiet jew pagamenti tal-imgħax lill-azzjonisti, lill-membri jew lid-detenturi ta’ strumenti tal-Grad 1 Addizzjonali fejn tali projbizzjoni ma tikkostitwixxix avveniment ta’ inadempjenza; I. timponi rekwiżiti ta’ rapportar addizzjonali jew aktar frekwenti, inkluż rapportar dwar il-fondi proprji u l-ingranaġġ.

Meta l-awtoritajiet kompetenti jivvalutaw il-kredibbiltà tal-pjan ta’ kapital jew tal-pjan ta’ kapital rivedut, skont il-punti B. u C. tat-tabella 16, huma għandhom jikkunsidraw il-kriterji li ġejjin:

• a. ikopri l-perjodu ta’ żmien kollu preżunt tal-ittestjar tal-istress;
• b. iressaq sett ta’ azzjonijiet kredibbli ta’ mitigazzjoni u ġestjoni, bħar-restrizzjoni tal-ħlasijiet tad-dividendi, eċċ.;
• c. l-istituzzjoni hija lesta u kapaċi li tieħu tali azzjonijiet sabiex tindirizza l-ksur tar-rekwiżiti kapitali applikabbli fit-testijiet tal-istress fis-sistema kollha;
• d. jekk l-azzjonijiet ta’ mitigazzjoni u ta’ ġestjoni humiex soġġetti għal kwalunkwe restrizzjoni legali jew reputazzjonali, pereżempju minħabba tħabbir pubbliku preċedenti kuntrarju jew kunfliġġenti (eż. dwar il-politiki tad-dividendi, il-pjanijiet ta’ direzzjoni tan-negozju u l-aptit għar-riskju);
• e. il-probabbiltà li l-azzjoni ta’ mitigazzjoni u ta’ ġestjoni se tippermetti lill-istituzzjoni tissodisfa bis-sħiħ ir-rekwiżiti kapitali applikabbli tagħha f’perjodu ta’ żmien xieraq;
• f. l-azzjonijiet proposti huma ġeneralment konformi mal-kunsiderazzjonijiet makroekonomiċi u ma’ bidliet regolatorji futuri magħrufa li jaffettwaw lill-istituzzjoni fl-ambitu u fl-iskeda ta’ żmien tax-xenarji negattivi preżunti;
• g. il-firxa ta’ għażliet ta’ rkupru u l-analiżi tagħhom kif stabbilit fil-pjan ta’ rkupru tal-istituzzjoni.

L-awtoritajiet kompetenti għandhom jistennew li l-istituzzjonijiet jimplimentaw il-pjan ta’ kapital rivedut, inklużi bidliet ulterjuri li jkunu saru abbażi tar-riżultati tal-valutazzjoni superviżorja tal-istituzzjoni u d-djalogu magħha.