9.2. Measúnú foriomlán SREP

Nuair a bhíonn cinneadh á dhéanamh maidir le measúnú foriomlán SREP, ba cheart d’údaráis inniúla torthaí na measúnuithe ar na gnéithe SREP a mheas, go sonrach:

• a. na rioscaí a bhfuil nó a bhféadfaidh an institiúid a bheith neamhchosanta orthu;
• b. an dóchúlacht go ndéanfaidh rialachas, easnaimh rialaithe agus/nó samhail nó straitéis ghnó na hinstitiúide na rioscaí sin a mhéadú nó a mhaolú, nó an institiúid a dhéanamh neamhchosanta ar fhoinsí nua riosca;
• c. cibé an soláthraíonn nó nach soláthraíonn cistí dílse agus acmhainní leachtachta na hinstitiúide clúdach fónta ar na rioscaí sin;
• d. an fhéidearthacht d'idirghníomhú dearfach agus diúltach idir na gnéithe (e.g. féadfaidh údaráis inniúla staid láidir caipitil a mheas mar fhachtóir maolaitheach féideartha i gcás imní áirithe a shainaithnítear i réimse na leachtachta agus an chistithe, nó i gcodarsnacht leis sin, go bhféadfadh staid lag chaipitil cur le hábhair imní sa réimse sin).

Ar bhonn na mbreithniúchán sin, ba cheart d'údaráis inniúla inmharthanacht na hinstitiúide a chinneadh, arna sainiú mar a ghaireacht do phointe neamh-inmharthanachta ar bhonn leordhóthanacht a cistí dílse agus acmhainní leachtachta, rialachais, rialuithe agus/nó samhla nó straitéise gnó chun na rioscaí a bhfuil sé nó a bhféadfadh sé a bheith neamhchosanta orthu a chlúdach. Mar thoradh ar an gcinneadh seo, ba cheart d'údaráis inniúla:

• a. aon bhearta maoirseachta is gá a ghlacadh chun aghaidh a thabhairt ar ábhair imní;
• b. acmhainní todhchaí maoirseachta agus pleanála don institiúid a chinneadh, lena n-áirítear cibé acu ar cheart nó nár cheart aon ghníomhaíochtaí maoirseachta sonracha a phleanáil don institiúid mar chuid den Chlár um Scrúdú Maoirseachta;
• c. an gá atá le bearta luath-idirghabhála a chinneadh mar a shonraítear in Airteagal 27 de Threoir 2014/59/AE;
• d. a chinneadh cibé ar féidir nó nach féidir a bhreithniú go dteipfidh ar an institiúid de réir bhrí Airteagal 32 de Threoir 2014/59/AE.

Ba cheart an measúnú SREP iomlán a léiriú i scór inmharthanachta bunaithe ar na breithniúcháin atá sonraithe i dTábla 20 agus a dhoiciméadú go soiléir in achoimre bhliantúil ar mheasúnú foriomlán SREP. Ba cheart go n-áireofaí san achoimre bhliantúil seo freisin scór

rinneadh le linn na 12 mhí roimhe sin.

Tábla 20. Breithniúcháin mhaoirseachta maidir le scór foriomlán SREP a shannadh Scór Tuairim mhaoirseachta Breithniúcháin

Agus cinneadh á dhéanamh go bhfuil institiúid ‘ag cliseadh nó gur dócha go gclisfidh sí’, mar a léirítear le scór SREP foriomlán ‘F’, ba cheart d’údaráis inniúla dul i ngleic leis na húdaráis réitigh chun dul i gcomhairle maidir le torthaí de réir an nós imeachta a shonraítear in Airteagal 32 de Threoir 2014/59/AE.