9.2. Valutazzjoni globali tal-SREP

Meta jiddeterminaw il-valutazzjoni globali tal-SREP, l-awtoritajiet kompetenti għandhom jikkunsidraw is-sejbiet tal-valutazzjonijiet tal-elementi tal-SREP, b’mod speċifiku:

• a. ir-riskji li l-istituzzjoni hija jew tista’ tkun esposta għalihom;
• b. il-probabbiltà li l-governanza, in-nuqqasijiet ta’ kontroll u/jew il-mudell tan-negozju jew l-istrateġija tal-istituzzjoni x’aktarx jaggravaw jew jimmitigaw dawn ir-riskji, jew jesponu lill-istituzzjoni għal sorsi ġodda ta’ riskju;
• c. jekk il-fondi proprji u r-riżorsi ta’ likwidità tal-istituzzjoni jipprovdux kopertura soda ta’ dawn ir-riskji;
• d. il-potenzjal għal interazzjoni pożittiva u negattiva bejn l-elementi (eż. l-awtoritajiet kompetenti jistgħu jikkunsidraw pożizzjoni kapitali b’saħħitha bħala fattur mitiganti potenzjali għal ċertu tħassib identifikat fil-qasam tal-likwidità u l-finanzjament, jew b’kuntrast, li pożizzjoni kapitali dgħajfa tista’ taggrava tħassib f’dak il-qasam).

Fuq il-bażi ta’ dawn il-kunsiderazzjonijiet, l-awtoritajiet kompetenti għandhom jiddeterminaw il-vijabbiltà tal-istituzzjoni, definita bħala l-prossimità tagħha għal punt ta’ nonvijabbiltà fuq il-bażi tal-adegwatezza tal-fondi proprji u r-riżorsi ta’ likwidità, il-governanza, il-kontrolli u/jew il-mudell tan-negozju jew l-istrateġija tagħha biex tkopri r-riskji li tkun jew tista’ tkun esposta għalihom. Bħala riżultat ta’ din id-determinazzjoni, l-awtoritajiet kompetenti għandhom:

• a. jieħdu kwalunkwe miżura superviżorja meħtieġa biex jindirizzaw it-tħassib;
• b. jiddeterminaw ir-riżorsi u l-ippjanar superviżorji futuri għall-istituzzjoni, inkluż jekk kwalunkwe attività superviżorja speċifika għandhiex tiġi ppjanata għall-istituzzjoni bħala parti mill-Programm ta’ Eżami Superviżorju;
• c. jiddeterminaw il-ħtieġa għal miżuri ta’ intervent bikri kif speċifikat fl-Artikolu 27 tad-Direttiva 2014/59/UE;
• d. jiddeterminaw jekk l-istituzzjoni tistax tiġi kkunsidrata bħala “qed tfalli jew probabbli tfalli” fis-sens tal-Artikolu 32 tad-Direttiva 2014/59/UE.

Il-valutazzjoni globali tal-SREP għandha tiġi riflessa f’punteġġ tal-vijabbiltà bbażat fuq il-kunsiderazzjonijiet speċifikati fit-tabella 20 u tiġi dokumentata b’mod ċar f’sommarju annwali tal-valutazzjoni globali tal-SREP. Dan is-sommarju annwali għandu jinkludi wkoll il-punteġġ globali tal-SREP u punteġġi għall-elementi tal-SREP, u kwalunkwe sejba superviżorja magħmula matul it-12-il xahar ta’ qabel.

Tabella 20. Kunsiderazzjonijiet superviżorji biex jiġi assenjat il-punteġġ globali tal-SREP Punteġġ Perspettiva superviżorja Kunsiderazzjonijiet

riskju għall-vijabbiltà tal-

Meta jiddeterminaw li istituzzjoni “qed tfalli jew probabbli tfalli”, kif rifless minn punteġġ globali tal-SREP ta’ “F”, l-awtoritajiet kompetenti għandhom jikkomunikaw mal-awtoritajiet ta’ riżoluzzjoni biex jikkonsultaw dwar is-sejbiet skont il-proċedura speċifikata fl-Artikolu 32 tad-Direttiva 2014/59/UE.