4. Measúnú ar chreat rialachais inmheánaigh agus bainistithe riosca an BTT

Ba cheart d’údaráis inniúla socruithe rialachais inmheánaigh an iarratasóra a mheas, bunaithe ar an bhfaisnéis a sholáthraíonn an t-iarratasóir, de réir cheanglais na caibidle ar BTTanna de na ceanglais de réir Airteagal 48g de Threoir 2013/36/AE mar a shonraítear i dTreoirlínte athbhreithnithe ÚBE ar rialachas inmheánach de réir Airteagal 74(3) agus Airteagal 48g(9) de Threoir 2013/36/AE⁹ .

Ba cheart d’údaráis inniúla measúnú a dhéanamh ar oiriúnacht na beirte ar a laghad a stiúrann go héifeachtach gnó an BTT nó, i gcás inarb infheidhme, comhaltaí an choiste bainistíochta áitiúil, i gcomhréir leis na ceanglais atá leagtha amach maidir le measúnú ar chomhaltaí an chomhlachta bainistíochta faoi Airteagal 91 de CRD mar a shonraítear i dTreoirlínte Comhpháirteacha ÚBE agus ESMA maidir le measúnú ar oiriúnacht chomhaltaí an chomhlachta bainistíochta i gcomhréir le hAirteagal 91(11) agus 91a(8)) de Threoir 2013/36/AE (CRD) agus Airteagal 9 de Threoir 2014/65/AE (MiFID II)¹⁰ , rud a mbeidh feidhm aige mutatis mutandis agus i gcomhréir le hAirteagal 48g(1) de CRD. I gcás inarb infheidhme, ba cheart d’údaráis inniúla measúnú a dhéanamh freisin ar oiriúnacht an tsealbhóra/na sealbhóirí príomhfheidhme i gcomhréir leis na Treoirlínte Comhpháirteacha céanna ó ÚBE agus ESMA.

Mar chuid den athbhreithniú ar na socruithe rialachais inmheánaigh, ag féachaint go háirithe don chreat bainistíochta riosca, ba cheart d’údaráis inniúla a chinntiú go gcumhdaítear na rioscaí ábhartha go léir, lena n-áirítear rioscaí a d’fhéadfadh a bheith ann a bhaineann leis na hionstraimí lena gcomhdhéantar an dearlaic chaipitil agus iad siúd a chomhlíonann an ceanglas leachtachta. Ba cheart do na húdaráis inniúla athbhreithniú a dhéanamh freisin ar an eolas faoi shlándáil agus bainistíocht riosca TFC i gcomhréir le ceanglais DORA de réir mar is infheidhme.

Ba cheart d’údaráis inniúla a thabhairt dá n-aire, i gcás cleachtais chlárúcháin ‘droim le droim’ nó oibríochtaí inghrúpa – i gcás ina mbeartaítear iad – nach ndéanfar iad a phleanáil go pointe nach mbeidh feidhm ag cuspóir agus réasúnú láithreacht an BTT sa Bhallstát ábhartha a thuilleadh, rud a d’fhágfadh nach mbeadh iontu ach ‘sliogáin fholmha’ a thagann timpeall ar cheanglais dhlíthiúla agus rialála. Ba cheart don mheastóireacht sin díriú freisin ar chomhsheasmhacht na gcleachtas sin le ceanglais bainistíochta riosca, agus ar mhéid an spleáchais ioncaim.

Ba cheart d’údaráis inniúla measúnú a dhéanamh, i gcás inarbh ábhartha, ar shocruithe tríú páirtí an iarratasóra, lena n-áirítear socruithe inghrúpa, maidir le feidhmeanna tábhachtacha nó ríthábhachtacha a sholáthraíonn soláthraithe seirbhíse tríú páirtí, i gcomhréir le hAirteagal 74 de CRD agus leis na Treoirlínte gaolmhara ó ÚBE maidir le bainistíocht chuí riosca tríú páirtí¹¹ .

9 Tá an páipéar comhairliúcháin ar fáil anseo: https://www.eba.europa.eu/publications-and-media/press-releases/eba-consults-revised-guidelines-internal-governance 10 Tá na páipéir chomhairliúcháin ar fáil ag https://www.eba.europa.eu/publications-and-media/press-releases/eba-and-esma-launch-consultation-revised-suitability-assessment-framework-banks-and-investment-firms 11 Tá an páipéar comhairliúcháin ar fáil ag https://www.eba.europa.eu/sites/default/files/2025-07/33a0ee15-9601-4c2b-828e-16