3. Measúnú ar chlár na n oibríochtaí

Ba cheart do na húdaráis inniúla athbhreithniú cáilíochtúil a dhéanamh ar an bplean gnó, chun forléargas a fháil ar na gníomhaíochtaí ‑ go léir a dhéanfaidh an BTT atá beartaithe, go háirithe

na croísheirbhísí baincéireachta de réir Airteagal 47(1) de CRD, na gníomhaíochtaí a chumhdaítear le húdarú faoin dlí náisiúnta agus iad siúd nach gá a údarú faoin dlí náisiúnta.

Ba cheart d’údaráis inniúla a fhíorú nach bhfuil na gníomhaíochtaí atá beartaithe dírithe ach ar chliaint laistigh den Bhallstát inar cuireadh isteach an t-iarratas ar údarú agus nach bhfuil gníomhaíochtaí trasteorann beartaithe sa straitéis ghnó. Ba cheart aon idirghníomhaíocht idir gníomhaíochtaí beartaithe an BTT atá beartaithe agus BTTanna eile, fochuideachtaí eile nó brainsí eile den BTT céanna atá bunaithe san Aontas Eoprach a shainaithint freisin.

Ba cheart d’údaráis inniúla na línte gnó neamhlárnacha agus lárnacha, tíopeolaíocht sprioc-chustaiméirí, agus an réasúnaíocht ghnó agus airgeadais a bhaineann leis na gníomhaíochtaí atá beartaithe a shainaithint, agus aird á tabhairt freisin ar straitéis fhoriomlán an cheannghnóthais is iarratasóir agus staitéis fhoriomlán an TCG. Ba cheart aird a thabhairt ar chuspóirí cainníochtúla agus cáilíochtúla an phlean gnó, lena n-áirítear seirbhísí nó táirgí an BTT atá beartaithe, an tairiscint luacha agus a suíomh ar an margadh. Chuige sin, ba cheart d’údaráis inniúla na tosca ábhartha seachtracha agus inmheánacha a chur san áireamh, agus inchreidteacht na dtoimhdí cainníochtúla atá mar bhonn agus taca leis, chomh maith le láidreachtaí agus laigí an straitéise gnó, agus aon bhuntáiste iomaíoch a bhaineann leis an BTT.

Maidir le príomhfhachtóirí seachtracha agus leis an timpeallacht ghnó, ba cheart d’údaráis inniúla tuiscint leordhóthanach a fháil ar na sprioc-chustaiméirí agus ar dheighleog an spriocmhargaidh, ag féachaint do ghníomhaíochtaí na bpríomhghníomhaithe atá ann cheana agus na n-iomaitheoirí ionchasacha. Maidir le deighleog an spriocmhargaidh, ba cheart d’údaráis inniúla breithniú a dhéanamh ar threochtaí margaidh atá ar fáil a d’fhéadfadh tionchar a imirt ar fheidhmíocht agus ar bhrabúsacht an BTT atá beartaithe, mar shampla treochtaí rialála, macrastuamachta, teicneolaíochta, sóisialta nó déimeagrafacha.

Maidir leis na príomhfhachtóirí inmheánacha, ba cheart d’údaráis inniúla tuiscint a fháil ar na spreagthóirí ratha agus ar na príomhspleáchais, trí anailís a dhéanamh, go háirithe, ar na láidreachtaí sa chaidreamh le custaiméirí, soláthraithe agus comhpháirtithe, ar an gcumas oibríochtúil agus acmhainní, chomh maith le fachtóirí amhail soláthraithe tríú páirtí, idirghabhálaithe agus cúiseanna rialála.

Ba cheart d’údaráis inniúla athbhreithniú a dhéanamh ar na réamhaisnéisí airgeadais chun measúnú a dhéanamh i dtaobh an gcomhfhreagraíonn siad don straitéis ghnó atá leagtha amach sa phlean gnó. Gan dochar don fhéidearthacht do BTTanna gníomhaíochtaí a sholáthar ar bhonn sirtheoireacht droim ar ais de réir Airteagal 48c(4), pointe (d), de CRD, ba cheart d’údaráis inniúla a fhíorú nach bhfuil na réamhaisnéisí airgeadais ag brath ar ghníomhaíochtaí trasteorann a bhfuil sé beartaithe iad a sholáthar ar bhonn sirtheoireacht droim ar ais.

14

Ba cheart don údarás inniúil athbhreithniú a dhéanamh freisin i dtaobh an bhfuil plean soiléir ann maidir leis an bplean gnó a chur chun feidhme agus a chur i gcrích, agus measúnú á dhéanamh aige ar chumas gairmiúil na bainistíochta áitiúla agus ar leordhóthanacht na n-acmhainní daonna agus oibríochtúla chun an straitéis ghnó a chur chun feidhme.

Chun na réamhaisnéisí airgeadais a mheas, ba cheart do na húdaráis inniúla ar a laghad:

• a) athbhreithniú cainníochtúil a dhéanamh ar an bplean gnó ar bhonn an bhuncháis agus ar bhonn an cháis struis d’fhonn measúnú a dhéanamh ar chumas an BTT atá beartaithe na torthaí réamh-mheasta a bhaint amach i gcomhréir leis na ceanglais stuamachta sa dá chás;
• b) athbhreithniú a dhéanamh ar an míniú ar inmharthanacht tosaigh agus inbhuanaitheacht na samhla gnó thar thréimhse 3 bliana an phlean gnó;
• c) maidir leis an gcás struis, ba cheart do na húdaráis inniúla an méid seo a leanas a dhearbhú, go háirithe: (i) tá na toimhdí eacnamaíocha agus gnó dian ach sochreidte; (ii) tá na bearta bainistíochta sainaitheanta leordhóthanach;
• d) measúnú a dhéanamh ar na réamhaisnéisí airgeadais a léiríonn an straitéis ghnó spriocdhírithe maidir leis na gníomhaíochtaí, an gnó agus na línte táirgí bunaithe ar ranníocaíocht brabúis, agus scrúdú a dhéanamh ar chreidiúnacht na dtoimhdí cainníochtúla atá mar bhonn agus taca leo (e.g. ráta fáis, ioncam, costais, rioscaí, líon na gcustaiméirí, costais foirne, toimhdí maicreacnamaíocha etc.);
• e) na príomhspreagthóirí agus príomhspleáchais a bhaineann le feidhmíocht an ghnó a shainaithint, lena n-áirítear spleáchais an ghrúpa, amhail leithdháileadh gnólachtaí, praghsáil aistrithe, ionsú costas agus leochaileachtaí féideartha;
• f) athbhreithniú a dhéanamh ar phraghsáil agus ar struchtúr an táirge, agus aird a thabhairt, mar shampla, ar an spleáchas ar fhoinsí ioncaim a bhfuil go leor riosca ag baint leis, atá comhchruinnithe nó luaineach;
• g) tuiscint a fháil ar na foinsí ioncaim éagsúla (e.g. ioncam atá bunaithe ar úis nó bunaithe ar ioncam ó tháillí), tionscnóirí ioncaim sonracha, príomhtháscairí feidhmíochta agus leibhéal riosca na línte gnó gaolmhara;
• h) nuair is féidir agus is cuí, cinneadh a dhéanamh ar chomparáid piaraí ábhartha bunaithe ar tháirgí/línte gnó iomaíocha atá ag díriú ar an bhfoinse chéanna brabús/custaiméirí agus an anailís a bhunú ar shonraí maoirseachta, margaidh agus maicreacnamaíocha atá ag na údaráis inniúla;
• i) nuair is ábhartha, measúnú a dhéanamh ar threochtaí agus ar chóimheasa brabúsachta a mheas, agus próifíl riosca ionchasach an BTT, chomh maith leis an bhfeidhmíocht choibhneasta i gcomparáid le comhghleacaithe, á gcur san áireamh. Chun tacú leis an measúnú sin, féadfaidh údaráis inniúla tagairt a dhéanamh do na táscairí brabúsachta agus riosca is coitianta, a léiríonn an cineál agus an leibhéal riosca a bhfuil coinne ag an BTT leis chun brabúis a ghiniúint;
• j) nuair is cuí agus is comhréireach, miondealú a dhéanamh ar ioncaim / ar fhoinsí ioncaim chun a thuiscint an bhfuil na foinsí ionchais ag teacht le straitéis fhoriomlán an ghnó (cineál na samhla gnó, méid an ghnó);
• k) athbhreithniú a dhéanamh ar an spriocstruchtúr costais (e.g. costais saothair, riaracháin nó TF) i ndearbhthéarmaí, agus nuair is iomchuí agus nuair is féidir, curtha i gcomparáid le piaraí;
• l) aird a thabhairt ar chomhchruinniú costais.

I measúnú an údaráis inniúil ar an bplean gnó, níor cheart breithniú a dhéanamh ar fhiúntas roghanna na bainistíochta, a fhanann laistigh de raon feidhme uathriail an cheannghnóthais is iarratasóir. Mar sin féin, féadfaidh an t-údarás inniúil a iarraidh ar an gceannghnóthas is 15 iarratasóir athruithe a ghlacadh ar phlean gnó an BTT, ar athruithe iad atá riachtanach chun comhlíonadh bainistíochta fónta agus stuama a chinntiú.

4. Measúnú ar chreat rialachais inmheánaigh agus bainistithe riosca an BTT

5. Measúnú ar cheanglais SA/MSC is infheidhme maidir leis an BTT

6. Measúnú ar an gceanglas íosta maidir le dearlaic chaipitil

7. Measúnú ar an gceanglas leachtachta

8. Measúnú ar shocruithe clárúcháin an BTT