10.2 Sárú

Ba cheart do ghnólachtaí infheistíochta a áirithiú nach n-íocfar luach saothair inathraithe trí bhealaí nó trí mhodhanna a bhfuil neamhchomhlíonadh na gceanglas maidir le luach saothair agus forálacha na dtreoirlínte seo le haghaidh baill foirne shainaitheanta nó, i gcás go gcuirtear ceanglais dá leithéid i bhfeidhm ar na baill foirne ar fad, ceanglais luach saothair do na baill foirne ar fad mar aidhm leo nó go bhféadfadh an neamhchomhlíonadh sin a bheith mar thoradh orthu go bunúsach. Áirítear leis sin socruithe idir an gnólacht infheistíochta agus tríú páirtithe i gcás go bhfuil leas airgeadais nó leas pearsanta ag an mball foirne.

Is ionann ‘sárú’ agus neamhchomhlíonadh na gceanglas maidir le luach saothair agus tarlaíonn sé mura bhfuil sprioc agus cuspóir na gceanglas á gcomhlíonadh ag gnólacht infheistíochta nuair a chuirtear san áireamh le chéile iad, agus go gcomhlíonann an gnólacht infheistíochta foclaíocht na gceanglas maidir le luach saothair aonair go foirmiúil.

Tarlaíonn sárú sna cúinsí seo a leanas, i measc nithe eile:

• a. i gcás go meastar gur luach saothair seasta é luach saothair inathraithe i gcomhréir le foclaíocht na dtreoirlínte seo, ach ní i comhréir lena chuspóirí;
• b. i gcás go ndámhtar nó go ndílsítear luach saothair inathraithe seachas luach saothair inathraithe ráthaithe, in ainneoin, go bunúsach:
• i. níor tomhaiseadh aon fheidhmíocht dhearfach maidir leis an mball foirne, leis an aonad gnó nó leis an ngnólacht infheistíochta i gcomhréir le Teideal IV de na treoirlínte seo;
• ii. níl aon ailíniú riosca éifeachtach (i.e. coigeartú riosca ex ante nó ex post); nó
• iii. níl an luach saothair inathraithe inbhuanaithe de réir staid airgeadais an ghnólachta infheistíochta;
• c. i gcás go bhfaigheann na baill foirne íocaíochtaí ón ngnólacht infheistíochta nó ó eintiteas laistigh de raon feidhme an chomhdhlúthaithe nach dtagann faoin sainmhíniú ar luach saothair, ach ar bealaí nó modhanna pá iad ina bhfuil dreasacht le haghaidh glacadh riosca nó lena soláthraítear torthaí díréireacha ar infheistíochtaí ar ionstraimí an ghnólachta atá an-difriúil leis na coinníollacha maidir le hinfheisteoirí eile a dhéanfadh infheistíocht ar bhealach den sórt sin; EBA Public
• d. i gcás go bhfaigheann na baill foirne íocaíochtaí ón ngnólacht infheistíochta nó ó eintiteas laistigh de raon feidhme an chomhdhlúthaithe nach dtagann faoin sainmhíniú ar luach saothair, ach ar bealaí nó modhanna pá iad chun ceanglais maidir le luach saothair a shárú;
• e. i gcás go ndámhtar comhpháirteanna luach saothair sheasta mar líon seasta ionstraimí agus ní mar mhéid seasta;
• f. i gcás go ndámhtar luach saothair in ionstraimí ar bhaill foirne nó go bhfuil siad ábalta ionstraimí a cheannach nach bhfuil praghsáilte ar an margadhluach nó ar an luach cóir i gcás ionstraimí neamhliostaithe agus nach gcuirtear an luach breise a fhaightear san áireamh sa luach saothair inathraithe;
• g. i gcás go ndéantar coigeartuithe ar chomhpháirteanna luach saothair sheasta a chaibidliú go minic agus go ndéantar coigeartuithe iarbhír chun an luach saothair a ailíniú le feidhmíocht na mball foirne;
• h. i gcás go ndámhtar liúntais ag méid iomarcach nach bhfuil údar maith leis do na cúinsí bunúsacha;
• i. i gcás go ndéantar luach saothair a lipéadú mar íocaíocht i leith luathscoir agus nach gcuirtear san áireamh é mar luach saothair inathraithe, i gcás go bhfuil tréith pá scoir leis an íocaíocht i ndáiríre, toisc go ndéantar í i gcomhthéacs luathfhoirceannadh an chonartha, nó i gcás nach dtéann an ball foirne ar scor i ndiaidh an dámhachtain sin a dhéanamh nó i gcás nach ndeonaítear na híocaíochtaí ar bhonn míosúil;
• j. aon bhearta a mbeadh de thoradh orthu nach mbeadh an beartas luach saothair neodrach ó thaobh inscne de a thuilleadh.

Ba cheart do ghnólachtaí infheistíochta a áirithiú go bhfuil rialuithe iomchuí leis an modh chun an fheidhmíocht a thomhas lena áirithiú nach féidir na critéir dhámhachtana a mhí-ionramháil. I gcás nach bhfuil rialuithe dá leithéid i bhfeidhm, ní bheidh an luach saothair inathraithe nasctha go hiomchuí leis an bhfeidhmíocht agus ní chuirfear an beartas luach saothair i bhfeidhm go hiomchuí agus d’fhéadfadh sárú ar cheanglais rialála a bheith mar thoradh ar aon íocaíocht ar luach saothair inathraithe. Áirítear ar ionramhálacha féideartha, mar shampla, cinntí cúirtéise sa phróiseas déthaobhach um thomhas feidhmíochta, e.g. i gcás nach bhfuil aon chaighdeáin oibiachtúla ann don phróiseas cinnteoireachta maidir le baint amach spriocanna na mball foirne.

Níor cheart do ghnólachtaí infheistíochta cúiteamh a sholáthar as aon laghdú nó athstruchtúrú ar luach saothair inathraithe, e.g. a dhéantar i gcomhthéacs beart téarnaimh agus réitigh nó idirghabháil eisceachtúil eile ag an rialtas, i mblianta ina dhiaidh sin nó trí bhíthin íocaíochtaí, bealaí nó modhanna eile. EBA Public

Níor cheart do ghnólachtaí infheistíochta struchtúir ghrúpa nó eintitis amach ón gcósta nó conarthaí a chruthú le daoine a ghníomhaíonn thar ceann an ghnólachta infheistíochta chun toradh an phróisis sainaitheantais a mhí-ionramháil agus chun teacht timpeall ar chur i bhfeidhm na gceanglas maidir le luach saothair agus fhorálacha na dtreoirlínte seo maidir leis na baill foirne ar cheart feidhm a bheith ag na ceanglais agus na forálacha sin maidir leo seachas sin.

I gcás go n-úsáideann gnólachtaí infheistíochta conarthaí gearrthéarmacha (e.g. bliain amháin) agus go n-athnuaitear iad ar bhonn rialta, ba cheart d’údaráis inniúla athbhreithniú a dhéanamh ar an bhfuil conarthaí dá leithéid ina mbealach nó ina modh chun dul timpeall ar cheanglais maidir le luach saothair Threoir (AE) 2019/2034, e.g. toisc go gcruthódh siad go deimhin luach saothair inathraithe, agus go ndéanfadh siad bearta iomchuí lena áirithiú go gcomhlíonfaidh gnólachtaí infheistíochta ceanglais Airteagal 30 agus Airteagal 32 de Threoir (AE) 2019/2034.

I gcás gur luach saothair seasta é an luach saothair i gcomhréir leis na treoirlínte i gcuid 7, ach go n-íoctar é in ionstraimí, ba cheart do ghnólachtaí infheistíochta agus d’údaráis inniúla a mheas an ndéantar leis na hionstraimí a úsáidtear comhpháirt sheasta an luach saothair a athrú go comhpháirt inathraithe luach saothair, mar nasc chuig feidhmíocht an ghnólachta infheistíochta bunaithe. Níor cheart do ghnólachtaí infheistíochta ionstraimí airgeadais a úsáid mar chuid den luach saothair seasta chun ceanglais maidir le luach saothair inathraithe a shárú agus níor cheart go gcuirfí dreasachtaí ar fáil le haghaidh glacadh iomarcach riosca leis na hionstraimí a úsáidtear.