13. Beartas luach saothair le haghaidh baill foirne shainaitheanta

Ní mór do ghnólachtaí infheistíochta a áirithiú go gcomhlíonann an beartas luach saothair do bhaill foirne shainaitheanta na prionsabail uile atá leagtha amach in Airteagal 30 agus in Airteagal 32 agus, nuair is infheidhme, in Airteagal 31 de Threoir (AE) 2019/2034 agus go bhfuil sé neodrach ó thaobh inscne de.

Ba cheart an cóimheas iomchuí idir comhpháirteanna an luach saothair inathraithe agus an luach saothair sheasta do bhaill foirne shainaitheanta a shocrú go neamhspleách ar aon choigeartuithe riosca ex post a d’fhéadfadh a bheith ann amach anseo nó ar aon luaineacht i bpraghas na n-ionstraimí.

Ba cheart do ghnólachtaí infheistíochta, le haghaidh catagóirí éagsúla ball foirne sainaitheanta, beartais shonracha luach saothair agus sásraí ailínithe riosca a chur chun feidhme de réir mar is iomchuí lena áirithiú go mbeidh tionchar na catagóire ball foirne EBA Public

sainaitheanta ar phróifíl riosca an ghnólachta infheistíochta ag teacht go hiomchuí lena luach saothair.

I gcás go measann gnólachtaí infheistíochta níos lú ná 100% den chomhpháirt sheasta den luach saothair a íoc in airgead tirim, ba cheart go mbeadh an cinneadh sin réasúnaithe agus faofa mar chuid den bheartas luach saothair.

I gcás go gcuireann gnólacht infheistíochta, i bhfoirm dhlíthiúil corparáid stoic agus go sonrach gnólacht infheistíochta liostaithe, ceanglas scairsheilbhe i bhfeidhm ar roinnt catagóirí ball foirne sainaitheanta chun na dreasachtaí a chuirtear ar fáil do bhaill foirne le próifíl riosca an ghnólachta infheistíochta san fhadtéarma a ailíniú ar bhealach níos fearr, ba cheart an méid a thaifeadadh go soiléir i mbeartais an ghnólachta infheistíochta. Nuair a chuirtear ceanglas scairsheilbhe i bhfeidhm, ba cheart go mbeadh líon áirithe scaireanna nó méid ainmniúil scaireanna ag na baill foirne fad is atá siad fostaithe sa phost céanna nó i bpost de shinsearacht chomhionann nó níos airde.