7.4 Ceanglais a chomhlíonadh i gcomhthéacs luaineachtaí geilleagracha timthriallacha

Maidir le gnólachtaí infheistíochta nach gcomhlíonann na coinníollacha le haghaidh gnólachtaí infheistíochta beaga agus neamh-idirnasctha atá sonraithe in Airteagal 12(1) de Rialachán (AE) 2019/2033, ba cheart d'údaráis inniúla cinneadh a dhéanamh maidir le leordhóthanacht cistí dílse an ghnólachta infheistíochta sa chás go mbíonn luaineachtaí geilleagracha timthriallacha díobhálacha le cur san áireamh agus cibé acu atá nó nach bhfuil gá le bearta maoirseachta, lena n-áirítear treoir maidir le cistí dílse breise (P2G), pleanáil chaipitil athbhreithnithe agus bearta eile atá sonraithe i dTeideal 10, chun déileáil le heasnaimh fhéideartha.

Nuair a bhíonn breithniú á dhéanamh ar luaineachtaí geilleagracha timthriallacha díobhálacha, ba cheart d'údaráis inniúla measúnú a dhéanamh ar conas a chruthaítear rioscaí nó gnéithe de rioscaí an ghnólachta infheistíochta do ghrúpaí eile nó conas a d'fhéadfaidís a bheith neamhchosanta ar rioscaí dá leithéid thar thréimhse ilbhliantúil, trí thimthriall gnó an ghnólachta infheistíochta a chur san áireamh. Ba cheart go mbeadh éagsúlacht le tabhairt faoi deara i leibhéal sonraí an mheasúnaithe seo ag brath ar chastacht na samhla gnó agus ar phróifíl riosca an ghnólachta infheistíochta.

Chun measúnú a dhéanamh ar leordhóthanacht chaipitil sa chás gur ann do luaineachtaí geilleagracha timthriallacha díobhálacha, ba cheart d'údaráis inniúla breithniú a dhéanamh ar thorthaí cáilíochtúla agus cainníochtúla:

• a. más cuí, tástálacha struis maoirseachta nó anailísí íogaireachta;

90

• b. más cuí agus má tá sách iontaofa bunaithe ar an measúnú a rinneadh i dTeideal 5, tástálacha struis nó anailísí íogaireachta gnólachtaí infheistíochta; nó
• c. measúnú eile ar luaineachtaí geilleagracha timthriallacha curtha i gcrích ag údaráis inniúla nó ag an ngnólacht infheistíochta bunaithe ar an measúnú a rinneadh i dTeideal 5, má mheastar go bhfuil a leithéid sách iontaofa; nó

Bunaithe ar an measúnú de bhua mhír 301, ba cheart d'údaráis inniúla cinneadh a dhéanamh maidir le cibé acu an leor nó nach leor cistí dílse an ghnólachta infheistíochta chun na ceanglais infheidhme maidir le cistí dílse a chlúdach, lena n-áirítear an ceanglas maidir le cistí dílse breise, i gcomhthéacs luaineachtaí geilleagracha timthriallacha díobhálacha.

7.4.1 P2G a chinneadh agus a shonrú

Ba cheart d'údaráis inniúla cinneadh a dhéanamh maidir le P2G mar atá sonraithe sa rannóg seo agus ag am atá sonraithe i mír 271. Sa chás go mbeidh luach dearfach ar thoradh ar an gcinneadh, ba cheart P2G a shonrú chun déileáil le himní mhaoirseachta maidir le híogaireacht an ghnólachta infheistíochta do luaineachtaí geilleagracha timthriallacha díobhálacha.

Is ionann P2G agus an méid caipitil a mheastar atá leordhóthanach ba cheart a shonrú chun luaineachtaí geilleagracha timthriallacha a chur san áireamh agus san am céanna cosaint a áirithiú i gcoinne aon sárú féideartha ar cheanglais ábhartha maidir le cistí dílse breise de réir Airteagal 9 de Rialachán (AE) 2019/2033 agus an ceanglas maidir le cistí dílse breise arna ríomh de réir Airteagal 39(2), pointe (a) de Threoir (AE) 2019/2034 agus i gcoinne aon bhagartha ar chumas an ghnólachta infheistíochta clabhsúr ordúil a chur le cúrsaí. Sa chás go gcinneann údaráis inniúla nach bhfuil baint ag an ngnólacht infheistíochta lena leithéid de bhaic faoi dhálaí geilleagracha díobhálacha, d'fhéadfadh údaráis inniúla cinneadh a dhéanamh gan P2G a shonrú.

Ba cheart d'údaráis inniúla cinneadh a dhéanamh maidir le P2G agus é a shonrú bunaithe ar thorthaí an mheasúnaithe ar luaineachtaí geilleagracha timthriallacha de réir mhír 301. Ba cheart go gcuimseofaí ina leithéid d'anailísí straitéis agus samhail ghnó an ghnólachta infheistíochta, mar aon leis an timpeallacht ina bhfuil sé ag feidhmiú, mar an bunús chun leochaileachtaí agus rioscaí díobhála ag leibhéal an ghnólachta infheistíochta a shainaithint agus léargas a thabhairt ar luaineachtaí geilleagracha ábhartha a bhféadfadh baint a bhaint acu leis an gcóras uile de bhrí gur cuireadh isteach go suntasach ar sholáthar seirbhísí airgeadais mar gheall ar lagú gné shuntasach den chóras airgeadais nó luaineacht shuntasach i ndáil le praghsanna sócmhainní nó go sonrach i ndáil le samhail ghnó an ghnólachta infheistíochta mar thurraing a bhaineann go sonrach le cineál agus tréimhse thrádáil an ghnólachta infheistíochta thar thréimhse fhadbhreathnaitheach.

Chun críche mhír 305, ba cheart d'údaráis inniúla a áirithiú go gclúdaíonn na hanailísí a rinneadh chun P2G a bhunú an méid seo a leanas go leordhóthanach:

• a. na rioscaí ábhartha ar fad a bhaineann leis an gceanglas maidir le cistí dílse breise atá sonraithe de réir Airteagal 39(2), pointe (a) de Threoir (AE) 2019/2034; agus

91

• b. cásanna ina dtabhaíonn an gnólacht infheistíochta caillteanais ábhartha a chuireann bac ar reáchtáil a ghnóthaí nó sa chás go mbeadh sé riachtanach clabhsúr a chur le gníomhaíochtaí ar bhealach ordúil.

Go ginearálta níor cheart d’údaráis inniúla P2G a úsáid chun gnéithe de rioscaí a chlúdach, gnéithe ba cheart a bheith á gclúdach ag a gceanglas féin maidir le cistí dílse breise de réir Rannóg 7.2 de na treoirlínte seo.

Nuair a bhíonn cinneadh á dhéanamh maidir le méid P2G, ba cheart d'údaráis inniúla a áirithiú go bhfuil sé sonraithe ag leibhéal atá oiriúnach chun an líon uasta athruithe ar CET1 an ghnólachta infheistíochta ar féidir a bheith ag súil leo a chlúdach agus a áirithiú go bhfuil ceanglais infheidhme maidir le cistí dílse á gclúdach.

Nuair a bhíonn cinneadh á dhéanamh maidir le méid P2G, ba cheart d'údaráis inniúla, más cuí, breithniú a dhéanamh ar na fachtóirí seo a leanas:

• a. sa chás go bhfuil P2G bunaithe ar thástálacha struis, an t-am a tharlaíonn an t-uastionchar struis i ndáil le túsphointe agus tréimhse ama na gcásanna a úsáideadh sna tástálacha struis;
• b. toradh tástáil struis inmheánach gnólacht infheistíochta iontaofa nó anailís íogaireachta an ghnólachta infheistíochta, ag cur sainmhínithe agus toimhdí cásanna sonracha san áireamh, go háirithe sa chás go meastar go bhfuil siad níos ábhartha do shamhail ghnó agus do phróifíl riosca an ghnólachta infheistíochta nó sa chás go bhfuil na cásanna inmheánacha níos déine ná na cásanna maoirseachta, sa chás go bhfuil a leithéid de chásanna maoirseachta ar fáil;
• c. gníomhaíochtaí maolúcháin bainistíochta ábhartha an ghnólachta infheistíochta má mheastar go bhfuil siad inchreidte agus thar a bheith cinnte i ndiaidh measúnú maoirseachta a dhéanamh;
• d. eolas a bhaineann le tuairimí maoirseachta maidir le hábharthacht tástálacha struis nó anailísí íogaireachta an ghnólachta maoirseachta nó infheistíochta i ndáil le straitéis, pleananna airgeadais agus samhail ghnó an ghnólachta infheistíochta;
• e. cinnteacht laghdaithe maidir le híogaireacht iarbhír an ghnólachta infheistíochta do chásanna díobhálacha;
• f. aon fhorluí féideartha leis an gceanglas infheidhme maidir le cistí dílse;
• g. cibé acu atá nó nach bhfuil an gnólacht infheistíochta á athstruchtúrú nó á réiteach.

Gan dochar do mhír 271, ba cheart d'údaráis inniúla athbhreithniú tráthúil a dhéanamh ar leibhéal an P2G má mheastar go bhfuil a leithéid de leibhéal míchruinn bunaithe ar an bhfaisnéis ábhartha ar fad atá ar fáil do na húdaráis inniúla. Ba cheart dóibh, ar a laghad, measúnú a dhéanamh ar cibé acu atá nó nach bhfuil an leibhéal reatha P2G oiriúnach agus é a athbhreithniú más gá, sa chás gur fianaise iad na torthaí cáilíochtúla agus cainníochtúla dá dtagraítear dóibh i mír 305 ar athruithe suntasacha i gcomparáid leis an anailís a úsáideadh chun an P2G a shonrú roimhe seo.

92

Tá P2G sonraithe ag údaráis inniúla sa bhreis ar an gcomhpháirt is airde de cheanglais maidir le cistí dílse de réir Airteagal 11 de Rialachán (AE) 2019/2033 agus an cheanglais maidir le cistí dílse breise atá sonraithe de réir Airteagal 39(2), pointe (a) de Threoir (AE) 2019/2034.

7.4.2 Cumarsáid agus comhdhéanamh P2G

Sa chás go ndéantar P2G a shonrú nó a nuashonrú, ba cheart d’údaráis inniúla a leibhéil agus na teorainneacha ama ábhartha maidir lena bhunú a chur in iúl don ghnólacht infheistíochta de réir mhír 316. Chomh maith leis sin, ba cheart d’údaráis inniúla an fhreagairt mhaoirseachta féideartha i gcásanna nach gcomhlíontar P2G a mhíniú freisin.

Sa chás go ndéantar athbhreithniú de réir mhír 310, sa chás nach gcuirtear athbhreithnithe maoirseachta de réir Airteagal 36 de Threoir (AE) 2019/2034 i gcrích, ba cheart d'údaráis inniúla eolas maidir leis an leibhéal nua de P2G a chur in iúl.

Ba cheart d'údaráis inniúla a chur in iúl do ghnólachtaí infheistíochta go bhfuiltear ag súil go mbeidh P2G á chomhlíonadh trí úsáid a bhaint as cistí dílse incháilithe CET1 agus go bhfuiltear ag súil go gcuimseofar P2G ina bpleanáil chaipitil agus ina gcreat bainistíochta riosca, lena n-áirítear an creat inghlacthachta riosca agus, más cuí, pleanáil téarnaimh.

Chomh maith leis sin, ba cheart d'údaráis inniúla a chur in iúl do ghnólachtaí infheistíochta nach féidir cistí dílse á sealbhú chun críocha P2G a úsáid chun ceanglais eile maidir le cistí dílse a chomhlíonadh.

Nuair a bhíonn teorainneacha ama maidir le P2G a bhunú á sonrú agus á gcur in iúl don ghnólacht infheistíochta, ba cheart d'údaráis inniúla an méid seo a leanas, ar a laghad, a bhreithniú:

• a. cibé acu atá nó nach bhfuil gnólacht infheistíochta á athstruchtúrú nó á réiteach; agus
• b. na himpleachtaí a d’fhéadfadh a bheith ag P2G atá ainmnithe ag CET1 ar chodanna eile de na ceanglais chaipitil agus ar chumas gnólachtaí infheistíochta ionstraimí breise Leibhéal 1 (AT1) nó Leibhéal 2 (T2) a eisiúint.

7.4.3 Pleanáil chaipitil agus bearta maoirseachta eile chun déileáil le leordhóthanacht chaipitil i ndálaí anáis

Pleanáil chaipitil

Sa chás go bhfuil fianaise le fáil sna torthaí cainníochtúla dá dtagraítear dóibh i Rannóg 7.4, faoi na cásanna díobhálacha sonraithe, nach mbeidh ar chumas gnólacht infheistíochta na ceanglais chaipitil infheidhme a chomhlíonadh, ba cheart d'údaráis inniúla a cheangal go soláthraíonn an gnólacht infheistíochta plean caipitil inchreidte a dhéileálann leis an riosca atá ann nach mbeidh a cheanglais chaipitil infheidhme á chomhlíonadh aige.

93

Chun cinneadh a dhéanamh maidir le creidiúnacht an phlean caipitil, ba cheart don údarás inniúil breithniú a dhéanamh ar an méid seo a leanas, mar is cuí:

• a. cibé acu an gclúdaíonn nó nach gclúdaíonn an plean caipitil an méid ama atá luaite leis an díobháil a mheastar a bheidh ann;
• b. cibé acu atá nó nach bhfuil tacar de ghníomhaíochtaí sochreidte maolúcháin agus bainistíochta le fáil sa phlean caipitil;
• c. cibé acu atá nó nach bhfuil an gnólacht infheistíochta toilteanach agus in ann a leithéid de ghníomhaíochtaí a dhéanamh chun déileáil le sáruithe ar na ceanglais chaipitil infheidhme faoi choinníollacha díobhálacha;
• d. cibé acu atá nó nach bhfuil na gníomhaíochtaí maolúcháin agus bainistíochta sin faoi réir aon srianta dlí nó aon srianta do chlú;
• e. an dóchúlacht go gcuirfeadh an ghníomhaíocht mhaolúcháin agus bhainistíochta sin ar chumas an ghnólachta infheistíochta a cheanglais chaipitil infheidhme a chomhlíonadh go hiomlán laistigh de fhráma ama iomchuí;
• f. cibé acu atá nó nach bhfuil na gníomhaíochtaí atá beartaithe i gcomhréir go ginearálta le breithniúcháin mhaicreacnamaíocha agus le hathruithe rialála amach anseo a mbeidh tionchar acu ar ghnólacht infheistíochta laistigh de raon feidhme agus amlíne na gcásanna díobhálacha a nglactar leis a bheith i gceist; agus
• g. más cuí, raon na roghanna téarnaimh agus a n-anailís mar atá sonraithe i bplean téarnaimh an ghnólachta infheistíochta.

Nuair a bhíonn measúnú á dhéanamh ar phleananna caipitil, ba cheart d'údaráis inniúla, más cuí, i ndiaidh idirphlé éifeachtach leis an ngnólacht infheistíochta, a cheangal ar an ngnólacht infheistíochta athruithe a chur i bhfeidhm ar na pleananna sin de réir mar is cuí, lena n-áirítear ar na gníomhaíochtaí bainistíochta atá beartaithe nó a cheangal ar ghnólachtaí infheistíochta gníomhaíochtaí maolúcháin breise a dhéanamh a bheadh ábhartha bunaithe ar na cásanna agus ar na coinníollacha maicreacnamaíocha reatha.

Ba cheart d’údaráis inniúla a bheith ag súil go gcuirfidh gnólachtaí infheistíochta an plean caipitil athbhreithnithe chun feidhme, lena n-áirítear tuilleadh athruithe arna ndéanamh bunaithe ar thorthaí an mheasúnaithe maoirseachta agus an idirphlé maoirseachta.

Bearta maoirseachta breise

Ba cheart d’údaráis inniúla, más cuí, breithniú a dhéanamh ar chur i bhfeidhm beart maoirseachta breise atá sonraithe i dTeideal 10, chun a áirithiú go ndéantar an gnólacht infheistíochta a chaipitliú go leordhóthanach i ndálaí díobhálacha.

Go háirithe, sa chás gur fianaise iad torthaí cainníochtúla na dtástálacha struis nó na n-anailísí íogaireachta gur dócha go sáróidh an gnólacht infheistíochta a cheanglais chaipitil infheidhme faoin gcás díobhálach laistigh de 12 mhí ina dhiaidh sin, ba cheart d'údaráis inniúla, más cuí, déileáil leis an bhfaisnéis sin mar cheann de na himthosca a d’fhéadfadh a 94 bheith ann laistigh de bhrí Airteagal 38, pointe (b) de Threoir (AE) 2019/2034. I gcásanna den sórt sin, ba cheart do na húdaráis inniúla bearta cuí a chur i bhfeidhm de réir Airteagal 39(2) de Threoir (AE) 2019/2034 a bhfuil sé mar aidhm leo leibhéil leordhóthanacha de chistí dílse a áirithiú. Go háirithe, nuair a bhaineann bearta den sórt sin le caipiteal, ba cheart d’údaráis inniúla ceann amháin díobh seo a leanas nó an dá cheann a mheas, mar atá sainmhínithe in Airteagal 39(2), pointe (a) agus (f):

• a. a cheangal ar ghnólachtaí infheistíochta méid iomchuí cistí dílse breise a shealbhú i bhfoirm méid ainmniúil, ag féachaint do thoradh an mheasúnaithe SREP;
• b. a cheangal go laghdaítear an riosca bunúsach a bhaineann le gníomhaíochtaí, táirgí agus córais an ghnólachta infheistíochta.