8.1 Breithniúcháin ghinearálta

Ba cheart d'údaráis inniúla na rioscaí leachtachta atá sainaitheanta mar rioscaí ábhartha don ghnólacht infheistíochta, agus don tslí a bhainistíonn agus a rialaíonn an gnólacht infheistíochta na rioscaí seo, a mheas agus a scóráil.

Ba cheart go mbraithfeadh foirmiúlacht agus gráinneacht an mheasúnaithe ar mhéid an ghnólachta infheistíochta, struchtúr agus modh eagraithe inmheánach an ghnólacht infheistíochta agus cineál, raon feidhme agus castacht a ghníomhaíochtaí mar aon leis an riosca do chliaint, riosca do mhargadh agus riosca don ghnólacht infheistíochta. Maidir leis na gnólachtaí infheistíochta sin nach ndéileálann le cuntas dílis, níor cheart go mbeadh an measúnú chomh cuimsitheach céanna, ach maidir leis na gnólachtaí infheistíochta sin a dhéileálann le cuntas dílis, ba cheart go mbeadh an measúnú níos gráinní agus níos cuimsithí.

Ba cheart do ghnólachtaí infheistíochta a dhéileálann le cuntas dílis measúnú leachtachta a dhéanamh, lena n-áirítear ionlae, de réir Airteagal 29(1), pointe (d) de Threoir (AE) 2019/2034. Dá réir sin, ba cheart d'údaráis inniúla measúnú a dhéanamh ar ghnólachtaí infheistíochta a ghlacann páirt i ngníomhaíocht cruthaithe margaidh mar a shainmhínítear in Airteagal 2(1), pointe (k) de Rialachán (AE) Uimh. 236/2012 go cuimsitheach agus measúnú a dhéanamh ar cibé acu an gclúdaíonn nó nach gclúdaíonn a leithéid de ghnólachtaí infheistíochta gnéithe atá ábhartha dóibh, cosúil le measúnú ar an riosca leachtachta ionlae agus leordhóthanacht na n-acmhainní leachtacha atá ar fáil.

Ba cheart d'údaráis inniúla a fhíorú go bhfuil na híoscheanglais leachtachta atá sonraithe i Rialachán (AE) 2019/2033 agus Treoir (AE) 2019/2034 á gcomhlíonadh ag an ngnólacht infheistíochta. Ba cheart d'údaráis inniúla síneadh a chur le raon feidhme an mheasúnaithe chun teacht ar thuairim chuimsitheach maidir leis an riosca leachtachta.

Nuair a bheidh an measúnú ar riosca leachtachta á dhéanamh, ba cheart d'údaráis inniúla breithniú a dhéanamh ar na foinsí faisnéise seo a leanas ar fad, más cuí:

• a. torthaí ón anailís a rinneadh ar sheirbhísí agus gníomhaíochtaí curtha ar fáil ag an ngnólacht infheistíochta agus eolas ón bhfaireachán a rinneadh ar phríomhtháscairí go háirithe sa chás go bhféadfaidís cabhrú le teacht ar thuiscint ar na príomhfhoinsí riosca leachtachta;
• b. tuairisciú maoirseachta, agus go háirithe an fhaisnéis a chuir an gnólacht infheistíochta ar fáil ina tuairisciú de bhua Airteagal 54 de Rialachán (AE) Uimh. 2019/2033;

98

• c. aon tuarascáil thréimhsiúil, tuarascáil chainníochtúil, tuairisc ar ráiteas airgeadais, tuarascálacha inmheánacha de chuid an ghnólachta infheistíochta cosúil le tuarascálacha bainistíochta maidir le leachtacht agus aon fhaisnéis iarrtha ón gcomhlacht infheistíochta ag an údarás inniúil;
• d. aon fhaisnéis ón máthairghnólacht infheistíochta más fochuideachta é an gnólacht infheistíochta agus má tá sé san áireamh sa mhaoirseacht ar bhonn comhdhlúite, agus go háirithe faisnéise maidir le riosca leachtachta gnólachtaí infheistíochta atá páirteach i ngrúpa baincéireachta;
• e. torthaí ó aon ghníomhaíochtaí maoirseachta;
• f. aon fhaisnéis ó ILAAP an ghnólachta infheistíochta;
• g. torthaí agus barúlacha ó thuarascálacha iniúchta inmheánaigh nó sheachtraigh;
• h. moltaí agus treoirlínte arna n-eisiúint ag an ÚBE nó ESMA mar aon le rabhaidh agus moltaí arna n-eisiúint ag údaráis macrastuamachta nó ag an BERS; agus
• i. riosca sainaitheanta i ngnólachtaí infheistíochta eile a bhfuil úsáid á baint acu as samhail ghnó chosúil.

Ba cheart go mbeadh an measúnú ar riosca leachtachta bunaithe ar fhaisnéis atá iontaofa agus cothrom le dáta, agus ba cheart na torthaí a chur san áireamh nuair a bhíonn measúnú á dhéanamh ar an bpróiseas bainistíochta riosca leachtachta.

Ba cheart d'údaráis inniúla toradh an mheasúnaithe ar an riosca leachtachta a chur ar fáil in achoimre ar thorthaí ina soláthraítear míniú ar an príomhthionscnóirí riosca agus scór.