10.2 Measúnú foriomlán SREP

Nuair a bhíonn cinneadh á dhéanamh maidir le measúnú foriomlán SREP, ba cheart d’údaráis inniúla torthaí na measúnuithe ar na gnéithe SREP a mheas, go sonrach:

• a. na rioscaí a bhfuil nó a bhféadfadh an gnólacht infheistíochta a bheith neamhchosanta orthu;
• b. an dóchúlacht go ndéanfaidh rialachas, easnaimh rialaithe agus/nó samhail nó straitéis ghnó an ghnólachta infheistíochta na rioscaí sin a mhéadú nó a mhaolú, nó an gnólacht infheistíochta a neamhchosaint d'fhoinsí riosca nua;
• c. cibé acu an soláthraíonn nó nach soláthraíonn cistí dílse agus acmhainní leachtachta an ghnólachta infheistíochta clúdach fónta le haghaidh na rioscaí sin; agus
• d. an poitéinseal a bhaineann le hidirghníomhaíocht dhearfach agus dhiúltach idir na gnéithe (féadfaidh údaráis inniúla staid láidir caipitil a mheas mar fhachtóir maolaitheach féideartha i gcás imní áirithe a shainaithnítear i réimse na leachtachta agus an mhaoinithe, nó i gcodarsnacht leis sin, a mheas go bhfuil staid chaipitil lag cur le hábhair imní sa réimse sin).

Ar bhonn na mbreithniúchán sin, ba cheart do na húdaráis inniúla cinneadh a dhéanamh maidir le hinmharthanacht an ghnólachta infheistíochta, arna sainiú mar ghaireacht do phointe neamh-inmharthanachta ar bhonn leordhóthanacht a cistí dílse agus

114 acmhainní leachtachta, rialachais, rialuithe agus/nó samhail ghnó nó straitéis chun na rioscaí a bhfuil sé nó a bhféadfadh sé a bheith neamhchosanta orthu a chlúdach.

Bunaithe ar an gcinneadh seo, ba cheart d'údaráis inniúla:

• a. aon bhearta maoirseachta is gá a ghlacadh chun aghaidh a thabhairt ar ábhair imní;
• b. cinneadh a dhéanamh maidir le hacmhainní maoirseachta agus pleanáil don ghnólacht infheistíochta amach anseo, lena n-áirítear cibé acu ar cheart nó nár cheart aon ghníomhaíochtaí maoirseachta sonracha a phleanáil don ghnólacht infheistíochta;
• c. más cuí, cinneadh a dhéanamh maidir leis an ngá atá le bearta luath-idirghabhála mar atá sonraithe in Airteagal 27 de Threoir 2014/59/AE; agus
• d. cinneadh a dhéanamh maidir le cibé acu an féidir glacadh leis go bhfuil 'ag teip ar nó gur dócha go dteipfidh' ar an ngnólacht infheistíochta.

Ba cheart an measúnú foriomlán SREP a léiriú i scór inmharthanachta bunaithe ar na breithniúcháin atá sonraithe i dTábla 12 agus a dhoiciméadú go soiléir in achoimre ar mheasúnú foriomlán SREP. Ba cheart go n-áireofaí san achoimre bhliantúil seo freisin scór foriomlán SREP agus na scóir a bhaineann le gnéithe de SREP, agus aon torthaí maoirseachta a rinneadh le 12 mhí anuas.

Tábla 12. Breithniúcháin mhaoirseachta maidir leis an scór foriomlán SREP

Scór Tuairim mhaoirseachta Breithniúcháin

Nuair a bhí cinneadh á dhéanamh maidir le cibé acu go bhfuil ‘ag teip ar nó gur dócha go dteipfidh ar ghnólacht infheistíochta’, mar a léirítear trí scór foriomlán SREP ‘F’, ba cheart d’údaráis inniúla teagmháil a dhéanamh leis na húdaráis réitigh chun dul i gcomhairle maidir le torthaí de réir an nóis imeachta a shonraítear in Airteagal 32 de

22 Go háirithe, tá an t-údarás inniúil den tuairim (1) go sáraíonn an gnólacht infheistíochta, nó go bhfuil gnéithe oibiachtúla ann chun tacú le cinneadh go sáróidh an gnólacht infheistíochta, go luath amach anseo, na ceanglais maidir le húdarú leanúnach ar bhealach a thabharfadh údar maith leis maidir le tarraingt siar an údaraithe ag an údarás inniúil, ar chúiseanna lena n-áirítear, ach gan a bheith teoranta dóibh, gur thabhaigh an gnólacht infheistíochta caillteanais nó gur dóigh go dtabhóidh sé caillteanais a ídeoidh a chistí dílse go léir nó go suntasach; (2) tá sócmhainní an ghnólachta infheistíochta, nó tá gnéithe oibiachtúla ann chun tacú le cinneadh go mbeidh sócmhainní an ghnólachta infheistíochta, go luath amach anseo, níos lú ná a dhliteanais; nó (3) go bhfuil an gnólacht infheistíochta, nó go bhfuil gnéithe oibiachtúla ann chun tacú le cinneadh nach mbeidh an gnólacht infheistíochta, go luath amach anseo, in ann a fhiacha nó a dliteanais eile a íoc de réir mar a bheidh siad dlite. In Airteagal 32(4)(d) de Threoir 2014/59/AE sainaithnítear freisin critéir tacaíochta poiblí urghnách chun cinneadh a dhéanamh maidir le cibé acu atá nó nach bhfuil ag teip nó gur dócha go dteipfidh ar ghnólacht infheistíochta, ach ní chuirtear na critéir sin san áireamh chun críche SREP agus i ndáil leis an gcinneadh atá á dhéanamh ag na húdaráis inniúla. 117 Threoir 2014/59/AE. Chomh fada is a bhaineann le gnólachtaí infheistíochta nach bhfuil faoi réir Threoir 2014/59/AE, ach atá á meas mar ‘ag teip nó is dócha go dteipfidh ar’, ba cheart d'údaráis inniúla an rannpháirtíocht leis an ngnólacht infheistíochta a fheabhsú chun clabhsúr ordúil a áirithiú.