8.6. Valutazzjoni komparattiva u l-istabbiliment ta’ rekwiżiti kwantitattivi ta’ likwidità u ta’ finanzjament

Biex jappoġġaw il-punteġġ tagħhom dwar l-adegwatezza tal-likwidità u tal-finanzjament u jikkalibraw rekwiżiti kwantitattivi speċifiċi fejn jitqies li huma potenzjalment meħtieġa (eż. kwalunkwe mill-miżuri msemmija fit-tabella 18 hawn fuq li huma kwantitattivi), l-awtoritajiet kompetenti għandhom jikkunsidraw il-punti ta’ riferiment superviżorji tal-likwidità u tal-finanzjament bħala għodod kwantitattivi. Dawn għandhom jintużaw biex jipprovdu punt ta’ riferiment prudenti, konsistenti, trasparenti u paragunabbli li permezz tiegħu jiġu kkalkolati u mqabbla rekwiżiti speċifiċi ta’ likwidità kwantitattivi għal istituzzjonijiet b’mudelli tan-negozju u profili tar-riskju simili. Fl-iżvilupp ta’ punti ta’ riferiment superviżorji, l-awtoritajiet kompetenti għandhom jużaw valutazzjoni superviżorja tar-riskji għal-likwidità u l-finanzjament, u r-riżultati tal-ittestjar tal-istress fuq il-likwidità superviżorju.

L-awtoritajiet kompetenti għandhom jużaw il-punt ta’ referiment l-aktar xieraq għall-mudell tan-negozju tal-istituzzjoni, u japplikaw ġudizzju għall-eżitu tal-punt ta’ referiment biex jieħdu kont ta’ konsiderazzjonijiet speċifiċi għall-mudell tan-negozju fejn meħtieġ. Meta l-awtoritajiet kompetenti jikkunsidraw punti ta’ riferiment superviżorji għad-determinazzjoni ta’ rekwiżiti speċifiċi ta’ likwidità, huma għandhom jispjegaw lill-istituzzjoni r-raġunament u l-prinċipji sottostanti ġenerali wara l-punti ta’ riferiment.

L-awtoritajiet kompetenti għandhom jivvalutaw l-adegwatezza ta’ kwalunkwe punt ta’ riferiment applikat għall-istituzzjonijiet u jirreveduhom u jaġġornawhom b’mod kontinwu fid-dawl tal-esperjenza tal-użu tagħhom.

L-input ewlieni għall-punti ta’ riferiment tal-awtorità kompetenti għall-kwantifikazzjoni tar-rekwiżiti speċifiċi kwantitattivi ta’ likwidità jew finanzjament se jkun id-data miġbura permezz tar-rapportar superviżorju f’konformità mal-Artikolu 415 tar-Regolament (UE) 575/2013 li jkopri l-likwidità u l-finanzjament stabbli fuq bażi individwali u konsolidata, u metrika addizzjonali ta’ monitoraġġ tal-likwidità.

Hawn taħt hawn xi eżempji tal-approċċi possibbli:

• a. Eżempju 1: Istituzzjoni b’bafer ta’ likwidità inizjali ta’ EUR 1 200 miljun dħul kumulattiv u ħruġ kumulattiv stmat taħt kundizzjonijiet ta’ stress huma proġettati permezz ta’ perjodu ta’ żmien ta’ 5 xhur. Matul dan il-perjodu ta’ żmien, l-istituzzjoni tuża l-bafer ta’ likwidità kull darba li d-dħul jaqa’ taħt il-ħruġ. Ir-riżultat huwa li, taħt il-kundizzjonijiet ta’ stress definiti, l-istituzzjoni tkun kapaċi tissopravivi għal 4 xhur u nofs, li huwa itwal mill-perjodu minimu ta’ sopravivenza stabbilit mis-superviżuri (f’dan l-eżempju, 3 xhur); Tabella 19. Eżempju illustrattiv tal-punt ta’ riferiment għall-kwantifikazzjoni tal-likwidità

Perjodu ta’ ħruġ nett pożizzjoni ta’ likwidità netta Likwidità żmien f’xhur ħruġ kumulattiv dħul kumulattiv kumulattiv (bafer – ħruġ nett kumulattiv) disponibbli jum 0 fil-

E

• b. Eżempju 2: Il-perjodu minimu ta’ sopravivenza superviżorju huwa stabbilit għal 3 xhur. Miżura alternattiva għall-istabbiliment ta’ perjodu minimu ta’ sopravivenza, li tista’ tindirizza wkoll it-tħassib superviżorju li d-differenza bejn id-dħul u l-ħruġ hija għolja b’mod inaċċettabbli, hija l-istabbiliment ta’ limitu massimu fuq il-ħruġ. Fl-illustrazzjoni ta’ hawn taħt, il-mekkaniżmu għall-istabbiliment ta’ limitu massimu fuq il-ħruġ huwa indikat mil-linja orizzontali sewda. L-istituzzjoni hija meħtieġa tnaqqas il-ħruġ tagħha għal livell taħt il-limitu massimu. Il-limitu massimu jista’ jiġi stabbilit għal bucket tal-ħin wieħed jew aktar u għal ħruġ nett (wara korrezzjoni għad-dħul) jew ħruġ gross. L-alternattiva għaż-żieda ta’ rekwiżit tal-bafer minflok hija indikata fit-tielet kolonna.

Illustrazzjoni 5: Eżempju illustrattiv tal-istabbiliment ta’ rekwiżiti kwantitattivii speċifiċi

Meta l-awtoritajiet kompetenti ma jkunux żviluppaw il-punt ta’ riferiment tagħhom stess għall-kwantifikazzjoni tar-rekwiżiti ta’ likwidità kwantitattivi speċifiċi, jistgħu japplikaw punt ta’ riferiment billi jużaw il-passi li ġejjin b’mod partikolari fil-każ ta’ riskju ta’ likwidità:

• a. iwettqu analiżi komparattiva, taħt kundizzjonijiet ta’ stress, ta’ ħruġ nett ta’ flus u assi likwidi eliġibbli fuq sett ta’ perjodi ta’ żmien: sa xahar (inkluż matul il-lejl), minn xahar sa 3 xhur, u minn 3 xhur sa sena; għal dan il-għan, l-awtoritajiet kompetenti għandhom jipproġettaw ħruġ nett (ħruġ u dħul gross);
• b. kapaċità ta’ kontrobilanċ fil-buckets ta’ maturità differenti, meta wieħed iqis il-kundizzjonijiet ta’ stress (pereżempju, valwazzjoni prudenti taħt suppożizzjonijiet ta’ stress għal assi likwidi kontra l-valwazzjoni kurrenti taħt kundizzjonijiet normali u wara telf impost), filwaqt li tinbena skala tal-maturità taħt stress għas-sena li ġejja;
• c. jagħtu stima tal-perjodu ta’ sopravivenza tal-istituzzjoni, abbażi tal-valutazzjoni tal-iskala tal-maturità taħt stress;
• d. jiddeterminaw il-perjodu minimu ta’ sopravivenza mixtieq/superviżorju, filwaqt li jitqies il-profil ta’ riskju tal-istituzzjoni u l-kundizzjonijiet tas-suq u makroekonomiċi;
• e. jekk il-perjodu minimu ta’ sopravivenza mixtieq/superviżorju jkun itwal mill-perjodu ta’ sopravivenza kurrenti tal-istituzzjoni, l-awtoritajiet kompetenti jistgħu jistmaw l-ammonti addizzjonali tal-assi likwidi (bafers addizzjonali ta’ likwidità) li għandhom jinżammu mill-istituzzjoni biex testendi l-perjodu ta’ sopravivenza tagħha għall-minimu meħtieġ.

Artikolazzjoni tar-rekwiżiti kwantitattivi speċifiċi ta’ likwidità u ta’ finanzjament

Sabiex ir-rekwiżiti kwantitattivi speċifiċi ta’ likwidità jiġu artikolati, l-awtoritajiet kompetenti għandhom jużaw wieħed mill-approċċi li ġejjin, sakemm approċċ ieħor ma jitqiesx aktar xieraq f’ċirkostanzi speċifiċi:

• a. Approċċ 1 – Jirrikjedu LCR ogħla mill-minimu regolatorju, ta’ tali daqs li n-nuqqasijiet identifikati jiġu mmitigati biżżejjed.
• b. Approċċ 2 – Jirrikjedu perjodu minimu ta’ sopravivenza ta’ tali tul li n-nuqqasijiet identifikati jiġu mmitigati biżżejjed; il-perjodu ta’ sopravivenza jista’ jiġi stabbilit direttament, bħala rekwiżit, jew indirettament, billi jiġi stabbilit limitu massimu fuq l-ammont ta’ ħruġ fuq il-buckets tal-ħin rilevanti kkunsidrati; l-awtoritajiet kompetenti jistgħu jirrikjedu tipi differenti ta’ assi likwidi (eż. assi eliġibbli għall-banek ċentrali), biex ikopru riskji mhux koperti (adegwatament) mil-LCR.
• c. Approċċ 3 – Jirrikjedu ammont totali minimu ta’ assi likwidi jew kapaċità ta’ kontrobilanċ, bħala ammont totali minimu jew bħala ammont minimu li jaqbeż il-minimu regolatorju applikabbli, ta’ tali daqs li n-nuqqasijiet identifikati jiġu mmitigati biżżejjed; l-awtoritajiet kompetenti jistgħu jistabbilixxu rekwiżiti għall-kompożizzjoni tal-assi likwidi, inklużi rekwiżiti operazzjonali (eż. il-konvertibbiltà diretta għal flus kontanti, jew id-depożitu ta’ assi likwidi fil-bank ċentrali).

Sabiex ir-rekwiżiti ta’ finanzjament stabbli kwantitattivi speċifiċi jiġu artikolati kif xieraq, l-awtoritajiet kompetenti għandhom jużaw wieħed mill-approċċi li ġejjin, sakemm approċċ ieħor ma jitqiesx aktar xieraq f’ċirkostanzi speċifiċi:

• a. Approċċ 4 – Jirrikjedu NSFR ogħla mill-minimu regolatorju, ta’ tali daqs li n-nuqqasijiet identifikati jiġu mmitigati biżżejjed.
• b. Approċċ 5 – Jirrikjedu ammont totali minimu ta’ finanzjament stabbli disponibbli, bħala ammont totali minimu jew bħala ammont minimu li jaqbeż il-minimu regolatorju applikabbli, ta’ tali daqs li n-nuqqasijiet identifikati jiġu mmitigati biżżejjed.

L-awtoritajiet kompetenti għandhom jistrutturaw rekwiżiti kwantitattivi ta’ likwidità jew ta’ finanzjament b’tali mod li jagħtu eżiti prudenzjali ġeneralment konsistenti fl-istituzzjonijiet, meta wieħed iżomm f’moħħu li t-tipi ta’ rekwiżiti jistgħu jvarjaw bejn l-istituzzjonijiet minħabba ċ-ċirkostanzi individwali tagħhom. Minbarra l-kwantità, l-istruttura għandha tispeċifika l-kompożizzjoni mistennija u n-natura tar-rekwiżit. Fil-każijiet kollha, din għandha tispeċifika r-rekwiżit superviżorju u kwalunkwe rekwiżiti applikabbli tad-Direttiva 2013/36/UE. Il-bafers ta’ likwidità u l-kapaċità ta’ kontrobilanċ miżmuma mill-istituzzjoni biex tissodisfa r-rekwiżiti superviżorji għandhom ikunu disponibbli għall-użu mill-istituzzjoni matul żminijiet ta’ stress.

L-awtoritajiet kompetenti għandhom jiżguraw li l-istituzzjoni tinnotifikahom immedjatament jekk ma tissodisfax ir-rekwiżiti jew ma tistenniex li tissodisfa r-rekwiżiti fuq perjodu qasir. In-notifika għandha tkun akkumpanjata minn pjan imfassal mill-istituzzjoni għar-restawr fil-ħin tal-konformità mar-rekwiżiti. L-awtoritajiet kompetenti għandhom jivvalutaw il-fattibbiltà tal-pjan u jieħdu miżuri superviżorji xierqa jekk il-pjan ma jitqiesx fattibbli. Meta l-pjan jitqies fattibbli, l-awtoritajiet kompetenti għandhom: jiddeterminaw kwalunkwe miżura superviżorja interim meħtieġa abbażi taċ-ċirkostanzi tal-istituzzjoni; jimmonitorjaw l-implimentazzjoni tal-pjan tar-restawr; u jimmonitorjaw mill-qrib il-pożizzjoni ta’ likwidità tal-istituzzjoni, filwaqt li jitolbu lill-istituzzjoni żżid il-frekwenza ta’ rapportar tagħha jekk ikun meħtieġ.

Minkejja dan ta’ hawn fuq, l-awtoritajiet kompetenti jistgħu jistabbilixxu wkoll rekwiżiti kwalitattivi fil-forma ta’ restrizzjonijiet/limiti massimi/limiti fuq diskrepanzi, konċentrazzjonijiet, aptit għar-riskju, restrizzjonijiet kwantitattivi fuq il-ħruġ ta’ self garantit, eċċ., f’konformità mal-kriterji speċifikati fit-Titolu 9 tal-Linji gwida.

Hawn taħt hawn xi eżempji tal-approċċi differenti għall-istruttura ta’ rekwiżiti ta’ likwidità kwantitattivi speċifiċi:

<30 D 31-90 D bafer ta’ likwidità