Artikolu 32 Rapporti u rieżami

1.   Mhux aktar tard mit-2 ta’ Jannar 2032, il-Kummissjoni għandha tivvaluta u tadotta rapport dwar l-adegwatezza u l-proporzjon tal-kostijiet u l-benefiċċji li, fil-pjattaforma komuni tad-data, tiġi inkluża d-data dwar sustanzi kimiċi li ġejja relatata mal-prodotti mediċinali skont l-Artikolu 3(3):

2.   Mhux aktar tard mit-2 ta’ Jannar 2030, u filwaqt li tqis il-ħidma mwettqa mill-OECD fuq il-ġenerazzjoni, ir-rapportar u l-użu ta’ data tar-riċerka ppubblikata rieżaminata bejn il-pari għall-valutazzjonijiet regolatorji, il-Kummissjoni għandha tivvaluta jekk għandhiex tikkollabora ma’ pubblikaturi xjentifiċi u akkademiċi u operaturi ta’ bażijiet tad-data li jkun fihom kontenut ta’ ġurnali rieżaminati bejn il-pari dwar:

3.   Fi żmien sentejn mit-lestija tal-istudju dwar il-bijomonitoraġġ uman imsemmi fl-Artikolu 25, il-Kummissjoni għandha tivvaluta l-adegwatezza li tirrikjedi li l-ECHA u l-EFSA, f’kooperazzjoni mal-EEA, jikkummissjonaw studji regolari dwar il-bijomonitoraġġ uman, kif ukoll ir-riżorsi meħtieġa għal tali studji u l-arranġamenti prattiċi għall-involviment tal-Istati Membri f’tali studji.

Abbażi ta’ dik il-valutazzjoni il-Kummissjoni tista’ tippreżenta proposta leġiżlattiva.

4.   Sat-2 ta’ Jannar 2032, il-Kummissjoni għandha twettaq rieżami ġenerali ta’ dan ir-Regolament, u tippreżenta rapport lill-Parlament Ewropew u lill-Kunsill, akkumpanjat, jekk ikun xieraq, minn proposta leġiżlattiva. Ir-rapport għandu jivvaluta l-progress li jkun sar fir-rigward tal-implimentazzjoni u tal-funzjonament tal-pjattaforma komuni tad-data, jekk dan ir-Regolament kiseb l-objettivi tiegħu, b’mod partikolari li jagħmel l-użu mill-ġdid tad-data fl-atti legali kollha tal-Unjoni msemmija fl-Anness I aktar faċli, u l-adegwatezza tal-allokazzjoni tar-riżorsi lill-Aġenziji u lill-Kummissjoni.