Airteagal 32 Tuarascálacha agus athbhreithniú

1.   Tráth nach déanaí ná an 2 Eanáir 2032, déanfaidh an Coimisiún measúnú ar thuarascáil maidir leis an oiriúnacht agus an cóimheas costas tairbhe a bhaineann leis na sonraí ceimiceán seo a leanas a bhaineann le táirgí íocshláinte de bhun Airteagal 3(3) a bheith á n-áireamh san ardán sonraí comhchoiteann agus glacfaidh sé an tuarascáil sin:

2.   Tráth nach déanaí ná an 2 Eanáir 2030, agus an obair atá déanta ag OECD maidir le giniúint, tuairisciú agus úsáid sonraí taighde foilsithe piarmheasúnaithe le haghaidh measúnuithe rialála á cur san áireamh, déanfaidh an Coimisiún measúnú i dtaobh cibé ar cheart dul i gcomhar le foilsitheoirí eolaíocha agus acadúla agus le hoibreoirí bunachar sonraí ina bhfuil ábhar irisí piarmheasúnaithe maidir leis an méid seo a leanas:

3.   Laistigh de 2 bhliain ó thabhairt i gcrích an staidéir bithmhonatóireachta daonna dá dtagraítear in Airteagal 25, déanfaidh an Coimisiún measúnú ar a iomchuí atá sé a éileamh ar ECHA agus EFSA, i gcomhar le EEA staidéir rialta bithmhonatóireachta daonna a choimisiúnú, chomh maith leis na hacmhainní is gá le haghaidh na staidéar sin agus na socruithe praiticiúla chun go mbeidh na Ballstáit rannpháirteach sna staidéir sin.

Ar bhonn an mheasúnaithe sin, féadfaidh an Coimisiún togra reachtach a thíolacadh.

4.   Faoin 2 Eanáir 2032, déanfaidh an Coimisiún athbhreithniú ginearálta ar an Rialachán seo, agus cuirfidh sé tuarascáil faoi bhráid Pharlaimint na hEorpa agus na Comhairle lena ngabhfaidh, más iomchuí, togra reachtach. Sa tuarascáil sin, déanfar measúnú ar an dul chun cinn ar chur chun feidhme agus feidhmiú an ardáin sonraí chomhchoitinn, ar cibé ar bhain an Rialachán seo a chuspóirí amach, go háirithe chun athúsáid níos fearr sonraí a éascú ar fud na ngníomhartha dlí de chuid an Aontais dá dtagraítear in Iarscríbhinn I, agus ar oiriúnacht leithdháileadh na n-acmhainní ar na Gníomhaireachtaí agus ar an gCoimisiún.