8.5. Achoimre ar thorthaí, scóráil agus bearta maoirseachta

I ndiaidh an mheasúnaithe thuas, ba cheart d'údaráis inniúla teacht ar thuairim ar rioscaí leachtachta agus cistiúcháin na hinstitiúide agus ar chumas acmhainní leachtachta na hinstitiúide chun iad seo a chlúdach/a mhaolú. Ba cheart eolas ar an tuairim seo a bheith in achoimre ar thorthaí, mar aon le scór leordhóthanachta leachtachta agus cistiúcháin bunaithe ar na breithniúcháin a shonraítear i dtábla 17. Ba cheart go léireofaí sa scór leachtachta agus leordhóthanachta cistiúcháin tuairim na n-údarás inniúil maidir le cibé acu an soláthraíonn nó nach soláthraíonn na hacmhainní leachtachta atá ann cheana clúdach iomchuí ar na rioscaí leachtachta agus cistiúcháin. Féadfaidh údaráis inniúla úsáid scóir idirmheánacha i gcás riosca leachtachta agus cistiúcháin a bhreithniú nuair a mheastar go bhfuil sé ábhartha.

Agus an scór leachtachta agus leordhóthanachta cistiúcháin á shocrú, ba cheart d’údaráis inniúla, i gcás inarb infheidhme, scór na hacmhainne téarnaimh iomláine leachtachta i bpleanáil téarnaimh a mheas (lag, leordhóthanach agus an fhéidearthacht ann go bhféadfaí feabhas a chur air, sásúil) mar a shonraítear i míreanna 41-43 de Threoirlínte an ÚBE maidir le hacmhainn téarnaimh fhoriomlán i bpleanáil téarnaimh⁴⁸ . Tá sé ábhartha go háirithe breithniú a dhéanamh ar scór foriomlán na hacmhainne téarnaimh i gcomhthéacs leordhóthanacht leachtachta i gcás scór foriomlán ‘lag’ don acmhainn téarnaimh le haghaidh leachtachta.

Tábla 17. Breithniúcháin mhaoirseachta chun scór leordhóthanacha leachtachta agus cistiúcháin a shannadh

⁴⁸ ÚBE/GL/2023/06

I ndiaidh scóráil leordhóthainachta an tsoláthair airgid agus an chistiúcháin i gcuid 8.5, ba cheart d'údaráis inniúla a chinneadh cibé acu atá nó nach bhfuil sé riachtanach ceanglais shonracha maidir leis an soláthar airgid agus an gcistiú a leagan síos chun rioscaí don leachtacht agus don chistiú a bhfuil institiúid neamhchosanta air nó a bhféadfadh instiúid a bheith neamhchosanta air a chlúdach.

Soláthraítear sa chéad tábla eile liosta neamh-uileghabhálach de bhearta maoirseachta cáilíochtúla agus cainníochtúla a fhéadfaidh údaráis inniúla a úsáid i gcás ina n-aithnítear easnamh sonrach. Féadfaidh údaráis inniúla bearta maoirseachta breise a chur i bhfeidhm (lena n-áirítear bearta cainníochtúla i gcomhréir le hAirteagal 104(1)(a) den Treoir 2014/36/AE nó teaglaim díobh má mheastar gur oiriúnaí iad chun aghaidh a thabhairt ar na heasnaimh a aithníodh).

I gcás ina gcinneann na húdaráis inniúla go bhféadfadh gá a bheith le bearta cainníochtúla, ba cheart dóibh tagairt a dhéanamh don treoir bhreise sa rannóg ina dhiaidh sin maidir le tagarmharcáil agus bearta cainníochtúla leachtachta agus cistiúcháin a leagan síos.

Is ábhartha a thabhairt faoi deara go bhfuil cuid de na bearta a luaitear i dtábla 18 de chineál cáilíochtúil. I gcás ina dtagann laigí bunúsacha chun cinn, go háirithe maidir le leachtacht agus cistiú a bhainistiú, ba cheart tús áite a thabhairt do bhearta cáilíochtúla, nuair is féidir. Tábla 18. Bearta maoirseachta féideartha agus neamh-uileghabhálacha le haghaidh riosca leachtachta agus cistiúcháin

Bearta maoirseachta a d’fhéadfadh a bheith ann d’údaráis inniúla i gcomhréir le hAirteagail 102, Airteagal 104(1), pointí (b), (e), (f), (j), (k), (i), agus (n) agus Airteagal 105 de Threoir 2013/36/AE, Airteagal 8 de Rialachán Tarmligthe (AE) 2015/61 ón gCoimisiún, agus Airteagal 428b(5) de Rialachán (AE) Uimh. 575/2013 A. A cheangal ar institiúidí LCR is airde ná an íosmhéid rialála, ar mhéid chomh mór sin go maolaítear go leordhóthanach easnaimh a sainaithníodh; B. a cheangal ar institiúidí íostréimhse mharthanais d’fhad den sórt sin a chur i bhfeidhm a fhágann go ndéantar easnaimh shainaitheanta a mhaolú go leordhóthanach; C. a cheangal ar institiúidí íosmhéid iomlán sócmhainní leachtacha nó acmhainne frithchothromaithe a shealbhú, de mhéid a fhágann go ndéantar easnaimh shainaitheanta a mhaolú go leordhóthanach; D. a cheangal ar institiúidí NSFR níos airde ná a t-íosmhéid rialála a shealbhú, ar mhéid chomh mór sin go maolaítear go leor easnaimh a sainaithníodh; E. a cheangal ar institiúidí íosmhéid iomlán an chistithe chobhsaí atá ar fáil a shealbhú, de mhéid a fhágann go ndéantar easnaimh shainaitheanta a mhaolú go leordhóthanach; F. ceanglais leachtachta shonracha a fhorchur, lena n-áirítear srianta ar neamhréireanna aibíochta idir sócmhainní agus dliteanais; G. pionóis riaracháin nó bearta riaracháin eile a fhorchur, lena n-áirítear táillí stuamachta; H. ceanglais a fhorchur maidir le comhchruinniú na sócmhainní leachtacha arna sealbhú, lena n-áirítear:

• - ceanglais maidir le comhdhéanamh phróifíl sócmhainní leachtacha na hinstitiúide i leith contrapháirtithe, airgeadra, etc.; agus/nó
• - uasteorainneacha, teorainneacha nó srianta ar chomhchruinnithe cistiúcháin. I. srianta a fhorchur ar neamhréireanna aibíochtaí gearrthéarmacha conarthacha nó iompraíochta idir sócmhainní agus dliteanais, lena n-áirítear:
• - teorainneacha ar neamhréireanna aibíochta (i mbuicéid shonracha ama) idir sócmhainní agus dliteanais;
• - teorainneacha ar íostréimhsí marthanais; agus/nó
• - teorainneacha ar spleáchas ar fhoinsí cistiúcháin gearrthéarmacha áirithe, amhail cistiú ón margadh airgid.

J. ceanglais tuairiscithe bhreise nó níos minice a fhorchur ar shuíomhanna leachtachta, lena n-áirítear:

• - minicíocht an tuairiscithe rialála ar LCR; agus/nó
• - minicíocht agus gráinneacht tuarascálacha eile ar leachtacht, amhail 'méadracht faireacháin bhreise'. K. a cheangal go ndéanfar beart chun aghaidh a thabhairt ar easnaimh a sainaithníodh maidir le cumas na hinstitiúide riosca leachtachta a shainaithint, a thomhas, faireachán a dhéanamh air agus é a rialú, ar mhodhanna lena n-áirítear:
• - feabhas a chur ar a cumas tástála struis chun a cumas a fheabhsú foinsí ábhartha riosca leachtachta don institiúid a shainaithint agus a chainníochtú;
• - a chumas airgead a chruthú óna shócmhainní leachtacha a fheabhsú;
• - a phlean teagmhais leachtachta agus a chreat táscairí luathrabhaidh leachtachta a fheabhsú; agus/nó
• - tuairisciú faisnéise bainistíochta leachtachta do chomhlacht bainistíochta agus ardbhainistíocht na hinstitiúide a fheabhsú. L. a cheangal go ndéanfar gníomh chun próifíl chistiúcháin na hinstitiúide a leasú, lena n‑áirítear:
• - a spleáchas ar mhargaí cistiúcháin áirithe (a d’fhéadfadh a bheith luaineach) a laghdú, amhail margaí cistiúcháin mórdhíola;
• - comhchruinniú a phróifíle cistiúcháin maidir le contrapháirtithe, buaicphointí sa phróifíl aibíochta fadtéarmach, (neamhréireanna in) airgeadraí, etc. a laghdú; agus/nó
• - méid a shócmhainní ualaithe a laghdú, a d’fhéadfadh idirdhealú a dhéanamh idir an t-eire iomlán agus an ró-chomhthaobhacht (e.g. i gcás bannaí faoi chumhdach, glaonna éarlaise). M. Tuairisciú breise nó níos minice a éileamh ar shuíomhanna cistiúcháin na hinstitiúide, lena n‑áirítear:
• - minicíocht mhéadaithe an tuairiscithe rialála atá ábhartha maidir le faireachán a dhéanamh ar an bpróifíl chistiúcháin (amhail tuarascáil NSFR agus 'méadracht faireacháin bhreise'); agus/nó
• - méadú ar mhinicíocht an tuairiscithe ar phlean cistiúcháin na hinstitiúide do na maoirseoirí. Bearta maoirseachta a d’fhéadfadh a bheith ann d’údaráis inniúla i gcomhréir le hAirteagail 102, Airteagal 104(1), pointí (b), (e), (f), (j), (k), (i), agus (n) agus Airteagal 105 de Threoir 2013/36/AE, Airteagal 8 de Rialachán Tarmligthe (AE) 2015/61 ón gCoimisiún, agus Airteagal 428b(5) de Rialachán (AE) Uimh. 575/2013 N. a cheangal go ndéanfar gníomhaíochtaí chun aghaidh a thabhairt ar easnaimh arna sainaithint maidir le rialú na hinstitiúide ar riosca cistiúcháin, lena n-áirítear:
• - tuairisciú feabhsaithe ar an riosca cistiúcháin do chomhlacht bainistíochta agus d'ardbhainistíocht na hinstitiúide;
• - an plean cistiúcháin a athshonrú nó a fheabhsú; agus/nó
• - teorainneacha a chur ar a hinghlacthacht riosca;
• - cumais tástála struis na hinstitiúide a fheabhsú trí mheáin lena n-áirítear ceangal a chur ar an institiúid tréimhse struis níos faide a chlúdach.

Agus ceanglais struchtúracha, fhadtéarmacha mhaoirseachta á socrú acu, ba cheart d’údaráis inniúla an gá atá le ceanglais bhreise ghearrthéarmacha/mheántéarmacha a mheas mar réiteach eatramhach chun na rioscaí a mhaolú fad a bheidh na héifeachtaí inmhianaithe á mbaint amach de dhroim na gceanglas struchtúrach.

I gcás ina dtagann údaráis inniúla ar an gconclúid go bhfuil ardriosca ann go dtiocfaidh méadú suntasach ar chostas cistiúcháin na hinstitiúide, ba cheart dóibh breithniú a dhéanamh ar athruithe a iarraidh ar an struchtúr cistiúcháin chun an riosca a bhaineann le costas an mhaoinithe a mhaolú, nó fiú bearta cistí dílse (mar a chlúdaítear i dTeideal 7) chun tionchar an P&L a chúiteamh murar féidir leis an institiúid na costais chistiúcháin mhéadaithe a chur ar aghaidh chuig a custaiméir.