2.1 Forbhreathnú ar chreat comhchoiteann SREP

Ba cheart d’údaráis inniúla a áirithiú go gclúdaíonn n SREP gnólacht infheistíochta na comhpháirteanna seo a leanas:

• a. catagóiriú an ghnólachta infheistíochta agus athbhreithniú tréimhsiúil ar an gcatagóir seo;
• b. monatóireacht ar phríomhtháscairí;
• c. anailís ar shamhail ghnó (BMA);
• d. measúnú ar rialachas inmheánach agus rialuithe ar fud an ghnólachta;
• e. measúnú ar rioscaí do chaipiteal;
• f. measúnú ar rioscaí do leachtacht;
• g. measúnú ar leordhóthanacht chistí dílse an ghnólachta infheistíochta;
• h. measúnú ar leordhóthanacht acmhainní leachtachta an ghnólachta infheistíochta;
• i. measúnú foriomlán SREP; agus
• j. bearta maoirseachta (agus bearta luath-idirghabhála, nuair is gá).

2.1.1 Catagóiriú gnólachtaí infheistíochta

Ba cheart d'údaráis inniúla gach gnólacht infheistíochta a bhfuil an t-athbhreithniú agus meastóireacht maoirseachta dá dtagraítear dóibh in Airteagal 36 de Threoir (AE) 2019/2034 le cur i gcrích a chatagóiriú i gceann amháin de na catagóirí seo leanas:

• • Catagóir 1 – gnólachtaí infheistíochta a bhfuil ceann amháin ar a laghad de na critéir seo a leanas á gcomhlíonadh acu:
• i. tá luach na sócmhainní iomlána agus neamhchosaintí lasmuigh den chlár comhardaithe cothrom le nó níos mó ná EUR 1 bhilliún; nó
• ii. tá luach na sócmhainní iomlána agus neamhchosaintí lasmuigh den chlár comhardaithe cothrom le nó níos mó ná EUR 250 milliún agus cuireann siad gníomhaíochtaí dá dtagraítear dóibh i bpointe (3) nó pointe (6) de Rannóg A d'Iarscríbhinn I le Treoir 2014/65/AE i gcrích⁸ ; nó

8 Treoir 2014/65/AE ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Treoir 2002/92/CE agus Treoir 2011/61/AE (IO L 173, 12.6.2014, lch 349). 7

• iii. glactar leis go bhfuil siad suntasach bunaithe ar bhreithiúnas maoirseachta an údaráis inniúil.
• • Catagóir 2 – tá luach na sócmhainní iomlána agus neamhchosaintí lasmuigh den chlár comhardaithe cothrom le nó níos lú ná EUR 1 bhilliún agus cothrom le nó níos mó ná EUR 250 milliún, agus ní chuireann siad gníomhaíochtaí dá dtagraítear dóibh i bpointe (3) nó pointe (6) de Rannóg A d'Iarscríbhinn I le Treoir 2014/65/AE i gcrích.
• • Catagóir 3 – gnólachtaí infheistíochta a bhfuil luach a sócmhainní iomlána agus neamhchosaint lasmuigh den chlár comhardaithe cothrom le níos lú ná EUR 250 milliún agus nach gcomhlíonann na coinníollacha le haghaidh gnólacht infheistíochta beag agus neamh-idirnasctha atá sonraithe in Airteagal 12(1) de Rialachán (AE) 2019/2033.
• • Tá eolas maidir le gnólachtaí infheistíochta beaga agus neamh-idirnasctha le fáil in Airteagal 12(1) de Rialachán (AE) 2019/2033.

Ba cheart do na húdaráis inniúla an catagóiriú seo a úsáid mar bhonn chun prionsabal na comhréireachta a chur i bhfeidhm, mar atá sonraithe i Rannóg 2.4, agus ní mar mhodh chun cáilíocht gnólacht infheistíochta a léiriú.

I measc catagóirí 1 go 3, féadfaidh údaráis inniúla gnólacht infheistíochta a chatagóiriú cás ar chás i gcatagóir atá céim amháin níos airde nó níos ísle ar an liosta i gcomparáid leis na critéir atá liostaithe i mír 15. Chun na críche seo, breithneoidh údaráis inniúla gnéithe cosúil le scála agus castacht oibríochtaí, scála na ngníomhaíochtaí trádála, an méid airgid de chuid cliant atá ina seilbh, próifíl riosca an ghnólachta infheistíochta agus aon ghnéithe ábhartha eile. Sa chás go ndéantar a leithéid d'athaicmiú, ba cheart go mbeadh sé mar aidhm ag údaráis inniúla dóthain aonchineálachta agus inchomparáideachta idir gnólachtaí infheistíochta sa chatagóir chéanna a áirithiú.

Ba cheart d’údaráis inniúla an catagóiriú a bhunú ar shonraí tuairiscithe maoirseachta agus ar fhaisnéis a fhaightear ón réamhanailís ar an tsamhail ghnó (féach Rannóg 4.2). Ba cheart athbhreithniú a dhéanamh ar an gcatagóiriú seo gach bliain nó sa chás go dtugtar athrú suntasach ar ghníomhaíochtaí faoi deara. Sa chás go mbíonn athrú catagóire le haghaidh gnólacht infheistíochta i gceist ba cheart an bhliain deiridh ar cuireadh timthriall SREP i gcrích ina hiomláine a chur san áireamh nuair a bhíonn cinneadh á dhéanamh maidir leis an amlíne don chéad mheasúnú eile a dhéanfar ar ghnéithe SREP.

2.1.2 Measúnú leanúnach ar rioscaí

Ba cheart d’údaráis inniúla measúnú leanúnach a dhéanamh ar na rioscaí a bhfuil nó a bhféadfadh an ghnólacht infheistíochta a bheith neamhchosanta orthu trí na gníomhaíochtaí seo a leanas:

• a. faireachán ar phríomhtháscairí mar atá sonraithe i dTeideal 3;
• b. anailís ar shamhail ghnó mar atá sonraithe i dTeideal 4;

8

• c. measúnú ar rialachas inmheánach agus ar rialuithe ar fud an ghnólachta mar atá sonraithe i dTeideal 5;
• d. measúnú ar rioscaí do chaipiteal mar atá sonraithe i dTeideal 6; agus
• e. measúnú ar rioscaí do leachtacht mar atá sonraithe i dTeideal 8.

Ba cheart na measúnuithe a dhéanamh de réir na gcritéar comhréireachta atá sonraithe i Rannóg 2.4. Ba cheart na measúnuithe a athbhreithniú i bhfianaise aon fhaisnéis nua atá ar fáil.

Ba cheart d’údaráis inniúla a áirithiú go bhfuil torthaí na measúnuithe a leagtar amach thuas:

• a. doiciméadaithe go soiléir in achoimre ar thorthaí;
• b. léirithe i scór a shanntar de réir na treorach sonraí a sholáthraítear i dteideal gné-shonrach na dtreoirlínte seo;
• c. ag tacú le measúnuithe ar ghnéithe eile nó mar bhonn le himscrúdú domhain a spreagadh ar neamhréireachtaí idir na measúnuithe ar na gnéithe sin;
• d. cabhrú le measúnú agus scór foriomlán SREP; agus
• e. bearta maoirseachta a bheith mar thoradh orthu, i gcás inarb iomchuí, agus a bheith mar bhonn leis na cinntí a rinneadh i ndáil leis na bearta sin.

2.1.3 Measúnú tréimhsiúil ar leordhóthanacht chaipitil agus leachtachta

Ba cheart d'údaráis inniúla athbhreithniú tréimhsiúil a dhéanamh ar leordhóthanacht chistí dílse agus leachtacht an ghnólachta infheistíochta chun clúdach fónta a sholáthar ar na rioscaí a bhfuil an ghnólacht infheistíochta neamhchosanta orthu nó a bhféadfadh an ghnólacht infheistíochta a bheith neamhchosanta orthu trí na measúnuithe seo a leanas:

• a. measúnú caipitil SREP mar atá sonraithe i dTeideal 7; agus
• b. measúnú leachtachta SREP mar atá sonraithe i dTeideal 9.

Ba cheart d'údaráis inniúla measúnuithe tréimhsiúla a dheanamh agus na critéir íosta rannpháirtíochta agus comhréireachta atá sonraithe i Rannóg 2.4 a chur san áireamh. Féadfaidh údaráis inniúla measúnuithe a dhéanamh níos minice ná sin. Ba cheart d'údaráis inniúla athbhreithniú a dhéanamh ar an measúnú i bhfianaise torthaí ábhartha nua a bheith ar fáil ón measúnú riosca i gcás ina gcinnfidh na húdaráis inniúla go bhféadfadh tionchar ábhartha a bheith ag na torthaí ar chistí dílse agus/nó acmhainní leachtachta an ghnólachta infheistíochta.

Ba cheart d'údaráis inniúla a áirithiú go ndéanfaidh torthaí na measúnuithe an méid seo a leanas:

• a. beidh siad doiciméadaithe go soiléir in achoimre;
• b. beidh siad léirithe sa scór a shanntar do leordhóthanacht chaipitil agus do leordhóthanacht leachtachta an ghnólachta infheistíochta, de réir na treorach a cuireadh ar fáil sa teideal gné-shonrach;

9

• c. cabhrú le measúnú agus scór foriomlán SREP; agus
• d. a chur san áireamh agus bonn eolais a sholáthar don cheanglas maoirseachta atá ar an ngnólacht infheistíochta cistí dílse agus/nó acmhainní leachtachta sa bhreis ar na híoscheanglais a shonraítear i Rialachán (AE) Uimh. 2019/2013 a shealbhú, de réir mar is iomchuí.

2.1.4 Measúnú foriomlán SREP

Ba cheart do na húdaráis inniúla measúnú leanúnach a dhéanamh ar phróifíl riosca an ghnólachta infheistíochta agus ar a hinmharthanacht tríd an measúnú foriomlán SREP mar shonraítear i dTeideal 10. Trí mheasúnú foriomlán SREP, ba cheart d’údaráis inniúla cinneadh a dhéanamh maidir le cibé acu an bhféadfadh rioscaí a bheith ina gcúis le teip an ghnólachta infheistíochta i bhfianaise leordhóthanacht a cistí dílse agus a hacmhainní leachtachta, rialachas inmheánach, rialuithe agus/nó samhail nó straitéis ghnó, agus bunaithe air sin, an gá atá le bearta luath-idirghabhála a ghlacadh, agus/nó cinneadh a dhéanamh maidir le cibé acu an féidir nó nach féidir a mheas an bhfuil ag teip ar an ngnólacht infheistíochta nó an dócha go dteipfidh ar an ngnólacht infheistíochta.

Ba cheart an measúnú a athbhreithniú go leanúnach i bhfianaise thorthaí na measúnuithe riosca nó i bhfianaise thoradh na measúnuithe ar chaipiteal SREP agus ar leachtacht SREP.

Ba cheart d'údaráis inniúla a áirithiú go ndéanfaidh torthaí an mheasúnuithe an méid seo a leanas:

• a. léireofar iad sa scór a shanntar d’inmharthanacht fhoriomlán an ghnólachta infheistíochta, de réir na dtreoracha a sholáthraítear i dTeideal 10;
• b. tá siad doiciméadaithe go soiléir in achoimre ar mheasúnú foriomlán SREP a áirítear ann na scóir SREP a sannadh (scóir iomlána agus do ghnéithe aonair) agus aon torthaí maoirseachta a rinneadh ó cuireadh an measúnú deiridh i gcrích; agus
• c. a bheith mar bhonn don chinneadh maoirseachta maidir le cibé acu an féidir nó nach féidir a chinneadh go bhfuil gnólacht infheistíochta ‘ag teip nó an dócha go dteipfidh uirthi’; maidir le gnólachtaí infheistíochta atá faoi réir Threoir 2014/59/AE ba cheart an cinneadh seo a dhéanamh de réir Airteagal 32 den Treoir sin, ag féachaint freisin do Threoirlínte ÚBE maidir le ‘ag teip nó i dócha go dteipfidh uirthi’⁹ .

2.1.5 Idirphlé le gnólachtaí infheistíochta, cur i bhfeidhm beart maoirseachta agus torthaí a roinnt

Bunaithe ar an tsamhail rannpháirtíochta íosta, mar atá sonraithe i Rannóg 2.4, ba cheart d’údaráis inniúla páirt a ghlacadh in idirphlé le gnólachtaí infheistíochta chun measúnú a dhéanamh ar ghnéithe aonair SREP, dá bhforáiltear dóibh sna teidil ghné-shonracha.

9 Treoirlínte an ÚBE maidir le léirmhíniú na n-imthosca éagsúla ina mbreithneofar go bhfuil ag teip ar nó gur dócha go dteipfidh ar institiúid faoi Airteagal 32(6) de Threoir 2014/59/AE (ÚBE/GL/2015/07) 10

Bunaithe ar an measúnú foriomlán SREP agus ag cur leis na measúnuithe a rinneadh ar na gnéithe aonair SREP, ba cheart do na húdaráis inniúla bearta maoirseachta a ghlacadh mar atá sonraithe i dTeideal 10.

Sa chás gur léir ó thorthaí an fhaireacháin ar na príomhtháscairí, an measúnú ar ghnéithe SREP nó aon ghníomhaíocht mhaoirseachta eile gur cheart go mbeadh bearta maoirseachta á gcur i bhfeidhm chun déileáil le hábhair imní láithreacha, níor cheart d'údaráis inniúla fanacht go dtí go mbeidh an measúnú ar gach gné SREP curtha i gcrích agus níor cheart an measúnú foriomlán SREP a nuashonrú, ach ba cheart cinneadh a dhéanamh maidir leis na bearta a theastaíonn chun an cás a bhfuil measúnú déanta air a chur ina cheart agus ansin leanúint ar aghaidh leis an measúnú foriomlán SREP a nuashonrú.

Mar atá sonraithe i Rannóg 2.4, ba cheart d'údaráis inniúla páirt a ghlacadh in idirphlé maidir le torthaí an mheasúnaithe fhoriomláin SREP, mar aon leis na bearta maoirseachta gaolmhara agus ba cheart eolas a roinnt leis an ngnólacht infheistíochta ag deireadh an phróisis maidir leis na ceanglais chaipitil agus leachtachta mar aon leis na bearta maoirseachta a bhfuil sí faoi oibleagáid iad a chomhlíonadh.