5.4 Beartais agus cleachtais luacha saothair

Ba cheart d'údaráis inniúla measúnú a dhéanamh ar cibé acu atá nó nach bhfuil beartais agus cleachtais luacha saothair bunaithe ag an ngnólacht infheistíochta atá neodrach ó thaobh inscne de, mar atá sonraithe in Airteagal 25 go 26 agus in Airteagal 30 go 33 de Threoir (AE) 2019/2034 agus Treoirlínte an ÚBE maidir le beartais luacha saothair fhónta, go háirithe do chatagóirí foirne lena n-áirítear comhaltaí foirne sinsearacha, glacadóirí riosca, comhaltaí foirne a bhfuil baint acu le feidhmeanna rialaithe agus aon fhostaithe a fhaigheann an luach saothair is ísle a fhaigheann an fhoireann bhainistíochta shinsearach nó glacadóirí riosca, a bhfuil tionchar ábhartha ag a ngníomhaíochtaí gairmiúla ar phróifíl riosca nó sócmhainní an ghnólachta infheistíochta atá á bhainistiú.

Ba cheart d’údaráis inniúla an méid seo a leanas ar a laghad a mheasúnú:

• a. cibé acu atá nó nach bhfuil an beartas luacha saothair don fhoireann ar fad comhsheasmhach le straitéisí gnó agus riosca an ghnólachta infheistíochta, leasanna fadtéarmacha an ghnólachta infheistíochta agus na bearta a glacadh chun coinbhleachtaí leasa a sheachaint, neodrach ó thaobh inscne de agus nach spreagann sé glacadh riosca iomarcach agus go bhfuil sé á chothabháil, á fhormheas agus á mhaoirsiú ag an gcomhlacht bainistíochta;
• b. cibé acu atá nó nach bhfuil comhaltaí foirne a bhfuil tionchar ábhartha ag a ngníomhaíochtaí gairmiúla ar phróifíl riosca nó sócmhainní an ghnólachta riosca 37 atá á mbainistiú sainaitheanta go cuí agus de réir an chaighdeáin theicniúil rialála faoi Airteagal 30(4) de Threoir (AE) 2019/2034;
• c. cibé acu atá nó nach bhfuil tionchar ag luach saothair athraitheach ar chumas an ghnólachta infheistíochta bonn caipitil fhónta a áirithiú agus go bhfuil ceanglais Airteagal 32 de Threoir (AE) 2019/2034 á gcomhlíonadh;
• d. cibé acu atá nó nach bhfuil luach saothair na bhfeidhmeanna rialaithe inmheánaigh, sa chás go bhfuil a leithéid bunaithe, nasctha le feidhmiú na ngníomhaíochtaí a dhéanann na feidhmeanna rialaithe a mhonatóiriú agus a rialú agus nach bhfuil tionchar aige ar shlí ar bith eile ar a n-oibiachtúlacht;
• e. cibé acu atá nó nach bhfuil gnólachtaí infheistíochta bunaithe, más cuí, coiste luacha saothair chun comhairle a chur ar an gcomhlacht bainistíochta maidir lena fheidhm mhaoirseachta agus na cinntí atá le déanamh ag an gcomhlacht seo a ullmhú. Sa chás nach gá coiste luacha saothair a chur ar bun, ba cheart na forálacha a bhaineann leis na gcoiste luacha saothair a fhorléiriú mar fhorálacha a bhaineann le feidhm mhaoirseachta an chomhlachta bainistíochta; agus
• f. tá an beartas luacha saothair faoi réir athbhreithniú inmheánach neamhspleách a bheidh á dhéanamh ag na feidhmeanna rialaithe inmheánaigh.

Sa chás go mbíonn prionsabal na comhréireachta á chur i bhfeidhm, ba cheart d'údaráis inniúla breithniú a dhéanamh ar na critéir atá sonraithe i dTreoirlínte an ÚBE maidir le beartais luacha saothair fhónta, go háirithe cibé acu atá nó nach bhfuil an gnólacht infheistíochta údaraithe chun na seirbhísí agus na gníomhaíochtaí dá dtagraítear dóibh i dTreoir 2014/65/AE, pointe (2), (3), (4), (6) agus (7) de Rannóg A d'Iarscríbhinn 1. I gcás mar sin ba cheart go mbeadh an t-údarás inniúil, mar phrionsabal ginearálta, ag súil le leibhéal castachta níos airde, go háirithe má tá an gnólacht infheistíochta údaraithe chun airgead nó sócmhainní cliant a choinneáil ina sheilbh.