4.1 Forálacha ginearálta

Ba cheart d'institiúidí glacadh le IRRBB mar riosca tábhachtach agus é a mheas ar bhonn aonair, go sainráite agus go cuimsitheach i gcónaí mar chuid dá bpróisis bainistíochta riosca agus dá bpróisis chun measúnú inmheánach a dhéanamh ar chaipiteal.

Ba cheart d'institiúidí a gcuid neamhchosaintí ar IRRBB a shainaithint agus a áirithiú go bhfuil siad á dtomhas, á bhfaire agus á rialú go leordhóthanach. Ba cheart d'institiúidí rioscaí a bhainistiú atá ag eascairt as a neamhchosaintí ar IRRBB agus más gá, rioscaí a mhaolú a bhfuil tionchar acu ar a luach eacnamaíoch agus bearta a bhaineann le glanioncam úis móide athruithe ar mhargadhluach.

• (ii) CSRBB

Ba cheart d'institiúidí CSRBB a mheas agus faireachán a dhéanamh air go sainráite agus go cuimsitheach mar chuid dá bpróisis bainistíochta riosca agus dá bpróisis chun measúnú inmheánach a dhéanamh ar chaipiteal.

Ba cheart d'institiúidí a neamhchosaintí ar CSRBB a shainaithint agus a áirithiú go bhfuil siad á meas, á bhfaire agus á rialú go cuí faoi bhearta a bhaineann le luach eacnamaíoch agus glanioncam úis móide athruithe ar mhargadhluach.

• (iii) Bearta a bhaineann le glanioncam úis móide athruithe ar mhargadhluach

Chun críocha na dTreoirlínte seo, ba cheart cinneadh a dhéanamh maidir leis an nglanioncam úis atá le húsáid chun tionchar na ngluaiseachtaí ar ráta úis nó raon difríochta creidmheas a ríomh bunaithe ar an ioncam úis agus ar na costais. Chun na gcríoch sin, ba cheart d'institiúidí breithniú a dhéanamh freisin ar athruithe margadhluacha ionstraimí — ag brath ar an gcur chuige cuntasaíochta (cóirluach/nGAAP) — arna dtaispeáint sa chuntas brabúis nó caillteanais nó go díreach i gcothromas (e.g., trí ioncam cuimsitheach eile). Ba cheart d'institiúidí cuntas a dhéanamh den mhéadú nó laghdú ar an méid brabúis agus caillteanas agus caipitil thar thréimhsí gearrthéarmacha agus meántéarmacha ag eascairt as gluaiseachtaí ar an ráta úis nó raoin difríochta creidmheasa.

Ba cheart glacadh leis gurb ionann an t-athrú ar an nglanioncam úis agus an difríocht idir an nglanioncam úis ionchais i gcás turrainge nó struis ar bhonn an ghnóthais leantaigh agus an ghlanioncaim úis ionchais i gcás bunúsach.⁵ Ba cheart glacadh leis an athrú ar mhargadhluach ionstraimí (cóirluach/nGAAP) mar an difríocht idir an margadhluach ionchais i gcás turrainge nó struis ar bhonn an ghnóthais leantaigh agus an mhargadhluacha ionchais i gcás bunúsach ag deireadh na tréimhse ama measta.

4.1.2 Gnéithe eile, comhréireacht

⁵ Bunaithe ar EVE, ba cheart glacadh leis an athrú ar luach eacnamaíoch cothromais mar an difríocht idir luach eacnamaíoch cothromais ionchais i gcás turrainge nó struis agus luach eacnamaíoch cothromais ionchais i gcás bunúsach.

Nuair a bhíonn na Treoirlínte á gcur chun feidhme, ba cheart d'institiúidí a neamhchosaintí reatha agus ionchais ar IRRBB agus CSRBB a shainaithint ar bhealach comhréireach, ag brath ar an leibhéal, castacht agus riosca a bhaineann lena suíomhanna leabhar neamhthrádála, ag cur a samhail ghnó, straitéisí agus an timpeallacht ghnó ina bhfuil siad ag feidhmiú nó a bhfuil sé beartaithe acu a bheith ag feidhmiú inti a chur san áireamh.

Bunaithe ar an measúnú ar a neamhchosaint reatha agus ionchais ar IRRBB agus CSRBB, ba cheart d'institiúidí breithniú a dhéanamh ar na gnéithe agus ionchais atá sonraithe i rannóg 4.1 de na Treoirlínte agus sna rannóga a bhaineann le sainaithint caipitil, ríomh agus leithdháileadh chun críocha IRRBB (rannóg 4.2.2), straitéis rialachais IRRBB agus CSRBB (rannóg 4.2.3 agus rannóg 4.5.2), IRRBB a bheith á thomhas ag IMS (rannóg 4.3.) agus faireachán ar CSRBB (rannóg 4.6) agus iad a chur chun feidhme ar bhealach atá comhréireach le neamhchosaintí reatha agus ionchais do IRRBB agus CSRBB.

Le cois na neamhchosanta reatha agus ionchais ar IRRBB agus CSRBB, nuair a bhíonn na Treoirlínte á gcur chun feidhme, ba cheart d'institiúidí breithniú a dhéanamh freisin ar leibhéal ginearálta castachta agus cuir chuige inmheánacha maidir le bainistíocht riosca agus a áirithiú go bhfuil a gcuir chuige, próisis agus córais chun IRRBB agus CSRBB a bhainistiú ag teacht lena gcur chuige ginearálta maidir le bainistíocht riosca agus lena gcuir chuige, próisis agus córais shonracha atá curtha chun feidhme chun críche rioscaí eile a bhainistiú.