4.1 Dispożizzjonijiet ġenerali

L- istituzzjonijiet għandhom jindirizzaw l - IRRBB bħala riskju importanti u dejjem jivvalutawh b’mod uniku, espliċitu u komprensiv fil - proċessi tagħhom ta’ ġestjoni tar - riskju u tal - valutazzjoni interna tal - kapital.

L- istituzzjonijiet għandhom jidentifikaw l - iskoperturi tagħhom għall - IRRBB u jiżguraw li jitkejlu, jiġu mmonitorjati u kkontrollati b’mod adegwat. L - istituzzjonijiet għandhom jiġġestixxu ir - riskji li jinħolqu mill - iskoperturi tagħhom għal IRRBB u, jekk ikun meħtieġ, jimmitigaw ir - riskji li jaffettwaw kemm il - valur ekonomiku tagħhom kif ukoll il - kejl tal - introjtu mill - imgħax nett flimkien ma’ bidliet fil - valur tas - suq.

• (ii) CSRBB

L- istituzzjonijiet għandhom jivvalutaw u jimmonitorjaw is - CSRBB b’mod espliċitu u komprensiv fil - proċessi ta’ ġestjoni tar - riskju u fil - proċessi interni ta’ valutazzjoni tal - kapital tagħhom.

L- istituzzjonijiet għandhom jidentifikaw l - iskoperturi tagħhom tas - CSRBB u jiżguraw li jiġu vvalutati, immonitorjati u kkontrollati b’mod adegwat kemm fil - valur ekonomiku kif ukoll fil - kejl tal - introjtu mill - imgħax nett flimkien ma’ bidliet fil - valur tas - suq.

• (iii) Kejl tad- dħul mill - imgħax nett flimkien ma’ bidliet fil -valur tas-suq

Għall - finijiet ta’ dawn il - Linji Gwida, l - introjtu mill - imgħax nett li fuqu jiġi kkalkolat l - impatt tar - rata tal - imgħax jew taċ - ċaqliq fil - firxa tal - kreditu għandu jiġi ddeterminat mill - introjtu u l - ispejjeż tal - imgħax. Għal dawn il - finijiet, l - istituzzjonijiet għandhom jikkunsidraw ukoll il - bidliet fil - valur tas - suq tal - istrumenti — skont it - trattament kontabilistiku (valur ġust/nGAAP) — jew murija fil - kont tal - profitt u t - telf jew direttament fl - ekwità (eż., permezz ta’ introjtu komprensiv ieħor). L - istituzzjonijiet għandhom iqisu ż - żieda jew it - tnaqqis fl - ammont ta’ profitt u telf u fil - kapital matul orizzonti qosra u medji li jirriżultaw miċ - ċaqliq fir - rati tal - imgħax jew mill - firxa tal - kreditu.

Il - bidla fl - introjtu mill - imgħax nett għandha tkun id - differenza bejn l - introjtu mill - imgħax nett mistenni taħt xenarju ta’ xokk jew stress minn perspettiva ta’ negozju avvjat u l - introjtu mill - imgħax nett mistenni taħt xenarju bażi.⁵ Il - bidla fil - valur tas - suq tal - istrumenti (valur ġust/nGAAP) għandha tkun id - differenza bejn il - valur tas - suq mistenni taħt xenarju ta’ xokk jew stress minn perspettiva ta’ negozju avvjat u l - valur tas - suq mistenni taħt xenarju bażi fi tmiem l - orizzont ivvalutat.

4.1.2 Aspetti oħrajn, proporzjonalità

⁵ Minn perspettiva EVE, il - bidla fil - valur ekonomiku tal - ekwità għandha tkun id - differenza bejn il - valur ekonomiku mistenni tal - ekwità taħt xenarju ta’ xokk jew stress u l - valur ekonomiku mistenni tal - ekwità taħt xenarju bażi.

Meta jimplimentaw il - Linji Gwida, l - istituzzjonijiet għandhom jidentifikaw l - iskopertura eżistenti u prospettiva tagħhom għall - IRRBB u s - CSRBB b’mod proporzjonali, skont il - livell, il - kumplessità u kemm ikunu riskjużi l - pożizzjonijiet fil - portafoll mhux tan - negozjar tagħhom, filwaqt li jqisu l - mudell kummerċjali tagħhom, l - istrateġiji tagħhom u l - ambjent tan - negozju li joperaw fih jew li beħsiebhom joperaw fih.

Abbażi tal - valutazzjoni tal - iskopertura eżistenti u prospettiva tagħhom għall - IRRBB u s - CSRBB, l - istituzzjonijiet għandhom jikkunsidraw l - elementi u l - aspettattivi stipulati f’din it - Taqsima 4.1 tal - Linji Gwida u fit - taqsimiet dwar l - identifikazzjoni, il - kalkolu u l - allokazzjoni tal - kapital għall - finijiet tal - IRRBB (it - Taqsima 4.2.2), l - istrateġija ta’ governanza tal - IRRBB u tas - CSRBB (it - Taqsimiet 4.2.3 u 4.5.2), il - kejl tal - IRRBB minn IMS (it - Taqsima 4.3.) u l - monitoraġġ tas - CSRBB (it - Taqsima 4.6) u jimplimentawhom b’mod li jkun proporzjonat mal - iskoperturi eżistenti u prospettivi għall - IRRBB u s - CSRBB.

Minbarra l - iskopertura eżistenti u prospettiva għall - IRRBB u għas - CSRBB, meta jimplimentaw il - linji gwida, l - istituzzjonijiet għandhom iqisu wkoll il - livell ġenerali ta’ sofistikazzjoni tagħhom u l - approċċi interni tagħhom għall - ġestjoni tar - riskju, sabiex jiżguraw li l - approċċi, il - proċessi u s - sistemi tagħhom għall - ġestjoni tal -IR RBB u tas - CSRBB ikunu koerenti mal - approċċ ġenerali tagħhom għall - ġestjoni tar - riskju u mal - approċċi, il - proċessi u s - sistemi speċifiċi tagħhom implimentati għall - fini tal - ġestjoni ta’ riskji oħrajn.