5.1. Cainéil tarchurtha

Ba cheart d’institiúidí na cainéil tarchurtha is ábhartha trína bhféadfadh rioscaí comhshaoil difear a dhéanamh dá neamhchosaintí a shainaithint trí bhreathnóireacht agus trí bhreithiúnas. Chun é sin a dhéanamh, ba cheart dóibh próiseas struchtúrtha, dea - d hoiciméadaithe agus a ndéantar athbhreithniú rialta air a ghlacadh.

Ba cheart d’institiúidí foinsí sonraí iontaofa a shainaithint, modheolaíochtaí trédhearcacha a chur i bhfeidhm, agus toimhdí a chur in iúl go soiléir. I gcomhréir le Roinn 4.2 de na Treoirlínte maidir le bainistiú rioscaí ESG, ba cheart d’institiúidí na sonraí is gá a bhailiú bunaithe ar a measúnú ábharthachta.

Chun cainéil tarchurtha comhshaoil a shainaithint, ba cheart d’institiúidí tionscnóirí riosca ábhartha a shainaithint trí rioscaí aistrithe agus fisiceacha araon a mheas. Tá liosta neamh - uileghabhálach de chainéil tarchurtha a d’fhéadfadh a bheith ann, idi r mhicrea-chainéil agus mhacra- chainéil, le fáil san Iarscríbhinn.

Ba cheart d’institiúidí measúnú a dhéanamh ar a mhéid a d’fhéadfadh a gcontrapháirtithe a bheith neamhchosanta go hindíreach ar rioscaí comhshaoil trína slabhra luacha nó trí éifeachtaí iarmharta féideartha ar an ngeilleagar áitiúil, ag tosú lena gcontrapháirtithe is mó nó is comhchruinnithe. I gcás ina meastar go bhfuil tionchair indíreacha den sórt sin ábhartha, ba cheart d’institiúidí breithniú a dhéanamh orthu siúd a léiriú sna cainéil tarchurtha ábhartha.

De réir thréimhse ama na hanailíse, ba cheart d’institiúidí fachtóirí féideartha maolaithe riosca nó aimpliúcháin a mheas. D’fhéadfadh an méid seo a bheith san áireamh:

• a. cumhdach árachais phríobháidigh agus phoiblí - agus na bearnaí cosanta árachais atá ann cheana agus a d’fhéadfadh a bheith ann amach anseo á gcur san áireamh;
• b. iarrachtaí leanúnacha contrapháirtithe agus straitéisí réamhbhreathnaitheacha a bhaineann le maolú ar an athrú aeráide agus/nó oiriúnú don athrú sin (e.g. pleananna aistrithe i gcás ina bhfuil siad ar fáil), lena n -áirítear na rioscaí a eascraíonn as mainneachtain fhéideartha nó moill a d’fhéadfadh a bheith ann aistriú/oiriúnú den sórt sin a dhéanamh go héifeachtach; agus
• c. bearta oiriúnaithe áitiúla nó rialtais ábhartha, ach aire ann freisin gan brath ar ghníomhaíochtaí rialtais atá ródhóchasach nó ar scéimeanna tacaíochta airgeadais faoi stiúir an Stáit.

Ba cheart d’institiúidí measúnú a dhéanamh ar an gcaoi a scaiptear rioscaí aistrithe agus rioscaí fisiceacha comhshaoil trí chainéil tarchurtha ábhartha, agus ar an gcaoi a dtagann siad chun cinn i gcatagóirí riosca bunaithe, lena n - áirítear:

• a. samhail ghnó agus riosca straitéiseach (e.g. costas riosca níos airde agus brabúsacht níos ísle);
• b. riosca creidmheasa (e.g. mainneachtain contrapháirtithe nó dóchúlacht mhéadaithe mainneachtana, tionchar ar luachanna comhthaobhachta);
• c. riosca margaidh (e.g. caillteanas luacha sócmhainní airgeadais, luaineacht mhéadaithe, leathnú raonta difríochta creidmheasa ar shócmhainní áirithe);
• d. riosca leachtachta (e.g. deacrachtaí maidir le rochtain a fháil ar mhaoiniú nó ar shócmhainní a leachtú, riachtanais leachtachta mhéadaithe custaiméirí); agus
• e. riosca oibriúcháin (e.g. cur isteach tobann nó de réir a chéile ar phróisis, lena n -áirítear neamhláithreacht foirne agus bristeacha TF).