4. Positions subject to calculation of the IRC

Il-kalkolu tal-IRC għandu jinkludi l-pożizzjonijiet twal u qosra kollha soġġetti għal ħlas immudellat għal riskju speċifiku tar-rata tal-imgħax, bl-eċċezzjoni ta‟ dawk il-punti msemmija fil-punt 5 hawn taħt.

B‟mod partikolari, għandhom ikunu inklużi l-pożizzjonijiet li ġejjin, jekk jagħmlu parti mill-ktieb tal-kummerċ:

• i. bonds maħruġa mill-gvernijiet ċentrali (“sovrani”), anki f‟każijiet fejn l-applikazzjoni tal-approċċ standardizzat tirriżulta f‟imposta tar-riskju ta‟ 0 % għal riskju speċifiku tar-rata tal-imgħax;
• ii. bonds strutturati, noti marbuta ma‟ kreditu jew strumenti simili ta‟ dejn jekk ma jinkorporawx skoperturi għal titolizzazzjonijiet jew derivati ta‟ kreditu n-th-to-default;
• iii. self tas-suq tal-flus.

Pożizzjonijiet li jirriżultaw mill-applikazzjoni tal-approċċ ta‟ trasparenza għall-ishma f‟impriżi ta‟ investiment kollettiv (CIUs), fejn pożizzjonijiet bħal dawn, jekk kienu direttament jappartjenu għall-ktieb tal-kummerċ, jiġu inklużi fil-kalkolu tal-IRC skont il-punt 4.1 hawn fuq, għandhom jiġu inklużi ukoll. Meta l-applikazzjoni tal-approċċ ta‟ trasparenza għall-ishma tas-CIUs ma tkunx possibbli, għandu jintuża l-approċċ standardizzat.

Il-pożizzjonijiet li ġejjin mhumiex ikkunsidrati titolizzazzjonijiet u għalhekk għandhom jiġu inklużi fil-kalkolu tal-IRC, jekk jagħmlu parti mill-ktieb tal-kummerċ:

• a. bonds koperti (eż. „Pfandbriefe‟) peress li bonds bħal dawn huma sempliċement kollateralizzati u mhux iggarantiti b‟assi;
• b. titoli ggarantiti b‟assi li ma jissodisfawx id-definizzjoni ta‟ „pożizzjoni ta‟ titolizzazzjoni‟ fl-Artikolu 3(1)(f) tad-Direttiva 2006/49/KE, li jirreferi għall-Artikolu 4(36) tad-Direttiva 2006/48/KE. Pereżempju fejn flussi ta‟ flus mill-fond sottostanti jiġu allokati lil detenturi ta‟ titoli fuq bażi pro-rata u għalhekk m‟għandhom l-ebda segment (eż. MBS pass-through ).

Pożizzjonijiet f‟dejn inadempjenti miżmuma fil-ktieb tal-kummerċ għandhom, meta jkunu materjali, jiġu inklużi fil-kalkolu tal-IRC. F‟dan il-każ, jistgħu jiġu esklużi mill-element ta‟ migrazzjoni tal-IRC jekk, minħabba l-qafas speċifiku tal-mudell tal-istituzzjoni, il-pożizzjonijiet inadempjenti ma jkollhom l-ebda riskju ta‟ migrazzjoni (pereżempju jekk l-inadempjenza tiġi mmudellata bħala stat li jassorbi). Fejn dawn il-pożizzjonijiet jiġu esklużi għal raġunijiet ta‟ materjalità, l-istituzzjoni għandha tkun kapaċi turi li mhumiex materjali. Fi kwalunkwe każ, kull riskju materjali ta‟ tibdil fil-prezz ta‟ dejn inadempjenti, iddeterminat minn riżultati inċerti ta‟ rkupru, għandu jiġi kkapitalizzat.

Id-definizzjoni ta‟ inadempjenza fil-każ tal-paragrafu 5 hawn fuq, għandha tkun konsistenti mad-definizzjoni ta‟ inadempjenza fi klassifikazzjonijiet użati għal skopijiet ta‟ immudellar.