9.1.3 Valutazzjoni individwali tal - proprjetà immobbli u l - użu tal - indiċjar

L- istituzzjonijiet ta’ kreditu għandhom jimmonitorjaw il - valur tal - kollateral tal - proprjetà immobbli fuq bażi frekwenti u mill - inqas kif speċifikat fl - Artikolu 208(3) tar - Regolament (UE) Nru 575/2013.

L- indiċjar jew metodi simili jistgħu jintużaw biex isir monitoraġġ tal - valur ta’ kollateral u jiġu identifikati l - kollaterali li jeħtieġu rivalutazzjoni. Dan għandu jkun konformi mal - politika tal - istituzzjoni u sakemm il - kollateral li jkun se jiġi vvalutat ikunu suxxettibbli għal valutazzjoni preċiża b’dawn il - metodi.

L- indiċijiet użati biex iwettqu dan l - indiċjar jistgħu jkunu interni jew esterni sakemm ikunu:

• a) irreveda b’mod regolari, bir - riżultati ta’ din ir - reviżjoni jkunu dokumentati u disponibbli minnufih, u bir - ċiklu ta’ reviżjoni u r - rekwiżiti ta’ governanza jkunu ddefiniti b’mod ċar f’dokument ta’ politika approvat mill - korp maniġerjali;
• b) granulari biżżejjed, bil - metodoloġija tkun adegwata u xierqa għat - tip ta’ kollateral inkwistjoni;
• c) abbażi ta’ serje ta’ żmien suffiċjenti ta’ evidenza empirika ta’ tranżazzjonijiet attwali ta’ proprjetà.

Valutazzjonijiet u rivalutazzjonijiet ta’ kollateral bi proprjetà immobbli għandhom jitwettqu fuq bażi individwali u speċifika għal dik il - proprjetà. Valutazzjonijiet u rivalutazzjonijiet ta’ kollateral ta’ proprjetà immobbli ma għandhomx jitwettqu bl - użu ta’ mudell statistiku bħala l - uniku mezz ta’ twettiq tal - valutazzjoni tal - proprjetà.

L- awtoritajiet kompetenti għandhom jiddefinixxu limitu komuni għall - valutazzjoni individwali u r - rivalutazzjoni tal - kollaterali użati għall - NPEs minn evalwatur indipendenti. Dan il - livell limitu għandu jkun applikabbli għall - istituzzjonijiet ta’ kreditu kollha fil - ġurisdizzjoni tal - awtorità u għandu jiġi żvelat pubblikament.