7.2 Monitoraġġ u rivalwazzjoni

Meta jimmonitorjaw il - valuri tal - proprjetà kif stabbilit fl - Artikolu 208(3) tar - Regolament (UE) Nru 575/2013, għall - finijiet ta’ dawn il - linji gwida jenħtieġ li l - istituzzjonijiet jistabbilixxu wkoll politiki u proċeduri li jispeċifikaw l - approċċ u l - frekwenza tal - monitoraġġ tal - kollateral ta’ proprjetà immobbli. Jenħtieġ li dawn il - politiki u l - proċeduri jqisu, meta jkunu rilevanti, l - elementi li ġejjin:

• a. it- tip ta’ proprjetà;
• b. il- kwalità tal - kreditu tas - self garantit permezz tal - proprjetà;
• c. l- istatus tal - iżvilupp tal - proprjetà;
• d. il- valur tal - proprjetà;
• e. is - suppożizzjonijiet magħmula fil - valutazzjoni;
• f. it- tibdiliet fil - kundizzjonijiet tas - suq.

Jenħtieġ li l - istituzzjonijiet jistabbilixxu frekwenzi adatti għall - monitoraġġ tal - valur tal - kollateral, b’kont meħud tat - tip u tal - valur tal - kollateral fl - oriġinazzjoni, u, fir -rigward tal- ftehim ta’ kreditu, jikkunsidraw dawn li ġejjin:

• a. il- frekwenza tal - monitoraġġ tal - proprjetajiet u tal - partijiet fl - iżvilupp, eż. binjiet mhux kompluti, tkun ogħla minn dik ta’ proprjetajiet u ta’ partijiet lesti simili;
• b. il- frekwenza tal - monitoraġġ ta’ proprjetajiet u ta’ partijiet b’ammont riportat għoli jew bi proporzjon għoli ta’ LTV tkun ogħla minn dik ta’ proprjetajiet u ta’ partijiet simili b’ammont riportat baxx jew bi proporzjon baxx ta’ LTV;
• c. il- frekwenza tal - monitoraġġ tas - self garantit bi proprjetà immobbli jew b’partijiet mill - proprjetà bi kwalità ta’ kreditu aktar baxxa tkun ogħla minn dik ta’ self simili garantit bi proprjetà immobbli jew b’partijiet mill - proprjetà bi kwalità ogħla ta’ kreditu.

Jenħtieġ li l - istituzzjonijiet jiżguraw li kwalunkwe indiċi u mudell statistiku użat sabiex jiġi mmonitorjat il- valur tal - kollateral ikunu granulari biżżejjed u li l - metodoloġija tkun xierqa għat - tip ta’ prodott ta’ assi u ta’ prodott tas - self u bbażata fuq serje ta’ żmien suffiċjenti ta’ evidenza empirika osservata ta’ tranżazzjonijiet u ta’ evalwazzjonijiet preċedenti tal - kollateral jew ta’ kollateral simili.

Jenħtieġ li l - istituzzjonijiet ikollhom politiki u proċeduri għar - rivalwazzjoni ta’ kollateral tal - proprjetà immobbli, li jispeċifikaw l - approċċi għar - rivalwazzjoni (eż. valwazzjoni desktop, valwazzjoni drive - by, żjara sħiħa b’valutazzjoni interna u esterna tal - proprjetà, mudelli statistiċi) għal tipi differenti ta’ kollateral ta’ proprjetà immobbli, li jiżguraw li l - approċċ jew it - taħlita ta’ approċċi jkunu prudenti u proporzjonati għat - tip u għall - valuri potenzjali tal - kollateral u b’rabta mal - ftehimiet ta’ kreditu. Barra minn hekk, jenħtieġ li l - istituzzjonijiet jistabbilixxu skattaturi speċifiċi (eż. tibdil fis - suppożizzjonijiet magħmula fl - evalwazzjonijiet), li jindikaw meta l - monitoraġġ iwassal għal rivalwazzjoni jew rivalwazzjoni tal - ħtiġijiet ta’ kollateral.

Meta jiġu ssodisfati l - kundizzjonijiet għal rieżami f’konformità mal - Artikolu 208(3)(b) tar - Regolament (UE) Nru 575/2013, jenħtieġ li l - istituzzjonijiet jaġġornaw il - valur tal - kollateral ta’ proprjetà immobbli permezz ta’ rivalwazzjoni mwettqa minn stimatur li jkun potenzjalment appoġġat minn mudelli statistiċi avvanzati xierqa li jissodisfaw il - kundizzjonijiet stabbiliti fit - Taqsima 7.4 u jqisu l - karatteristiċi individwali tal - proprjetà u taż - żona ġeografika, meta dawn il - mudelli ma jintużawx bħala l - uniku mezz ta’ rivalwazzjoni.

Meta ma jiġux issodisfati l - kundizzjonijiet għal rieżami f’konformità mal - Artikolu 208(3)(b) tar- Regolament (UE) Nru 575/2013, l - istituzzjonijiet jistgħu jaġġornaw il - valur tal - kollateral ta’ proprjetà immobbli permezz ta’ rivalwazzjoni mwettqa minn stimatur jew inkella permezz ta’ mudelli statistiċi xierqa li jissodisfaw il - kundizzjonijiet stabbiliti fit - Taqsima 7.4 u jqisu l - karatteristiċi individwali tal - proprjetà u taż - żona ġeografika. 7.2.2 Kollateral ta’ proprjetà mobbli

Għall - monitoraġġ tal - kollateral ta’ proprjetà mobbli, l - istituzzjonijiet jistgħu jiddependu minn mudelli statistiċi u fuq indiċi xierqa. Għar - rivalwazzjoni tal - kollateral ta’ proprjetà mobbli, l- istituzzjonijiet jistgħu jiddependu minn valutazzjoni mill - istimaturi, b’mudelli statistiċi u b’indiċi xierqa.

Jenħtieġ li fil -politik i u fil - proċeduri tagħhom, l - istituzzjonijiet jistabbilixxu approċċi għall - użu ta’ stimatur jew ta’ mudelli statistiċi, jiddefinixxu l - approċċ (eż. valwazzjoni desktop, valwazzjoni drive - by, valutazzjoni interna u esterna tal - proprjetà) li jkun l -aktar ada ttat għat -tip speċifiku ta’ kollateral għar - rivalwazzjonijiet magħmula mill - istimaturi, u jistabbilixxu l - frekwenza tal - monitoraġġ u tar - rivalwazzjoni tal - kollateral ta’ proprjetà mobbli.

Jenħtieġ li l - politiki u l - proċeduri tal - istituzzjonijiet jinkludu, meta applikabbli, kriterji għall - monitoraġġ individwali tal - valur u tar - rivalwazzjoni tal - kollateral ta’ proprjetà mobbli minn stimatur li jkollu l - kwalifiki, il - kapaċità u l - esperjenza meħtieġa. B’mod proporzjonat għat - tip, għan - natura u għall - kumplessità tal- kollateral ta’ proprjetà mobbli, bħal inġenju tal - ajru, bastiment, impjant fiżiku u makkinarju, jenħtieġ li dawn il - kriterji jkunu relatati, tal - anqas, mal - valur tal - kollateral ta’ proprjetà mobbli matul il - fażi ta’ oriġinazzjoni, it - tul tal - ħajja, il - kundizzjoni tal - assi tanġibbli, bħad - deprezzament u l - manutenzjoni, il - ħtieġa ta’ spezzjoni fiżika u ċ - ċertifikazzjoni.

Jenħtieġ li l - istituzzjonijiet ikollhom proċessi tal - IT, sistemi, kapaċitajiet u data suffiċjenti għall - finijiet ta’ kwalunkwe rivalwazzjoni bbażata fuq mudelli statistiċi jew ibbażata fuq indiċi.