4.3 L- awtentiċità u l - integrità tad - dokument

Meta l - istituzzjonijiet ta’ kreditu u finanzjarji jaċċettaw ir - riproduzzjoni ta’ dokument oriġinali u ma jeżaminawx id- dokument oriġinali, dawn għandhom jieħdu passi biex jiżguraw li r - riproduzzjoni tkun affidabbli. L - istituzzjonijiet ta’ kreditu u finanzjarji għandhom jistabbilixxu tal - inqas dan li ġej:

• a) jekk ir - riproduzzjoni tinkludi karatteristiċi ta’ sigurtà inkorporati fid - dokument oriġinali u jekk l - ispeċifikazzjonijiet tad - dokument oriġinali li jkunu qed jiġu riprodotti jkunu validi u aċċettabbli, b’mod partikolari, it - tip, id - daqs tal - karattri u l - istruttura tad - dokument, billi jitqabblu ma’ bażijiet tad - data uffiċjali, bħal PRADO⁷ ;
• b) jekk id - data personali tkunx ġiet mibdula jew inkella immanipulata jew, meta applikabbli, jekk l - istampa tal - klijent inkorporata fid - dokument tkunx ġiet sostitwita;
• c) jekk l - integrità tal - algoritmu użat biex jiġi ġġenerat in - numru ta’ identifikazzjoni uniku tad - dokument oriġinali, f’każ li d - dokument uffiċjali jkun inħareġ b’parti li tinqara minn magna (MRZ);
• d) jekk ir - riproduzzjoni pprovduta hijiex ta’ kwalità u definizzjoni suffiċjenti sabiex jiġi żgurat li l - informazzjoni rilevanti ma tkunx ambigwa;
• e) li r- riproduzzjoni pprovduta ma tkunx intweriet fuq skrin ibbażata fuq ritratt jew scan tad - dokument tal - identità oriġinali.

⁷ https://www.consilium.europa.eu/prado/en/prado - start - page.html

Meta l - istituzzjonijiet ta’ kreditu u finanzjarji jużaw karatteristiċi biex jaqraw awtomatikament l- informazzjoni mid - dokumenti, bħall - algoritmi tar - Rikonoxximent Ottiku tal - Karattri (OCR) jew il - verifiki tal - parti li tinqara minn magna (MRZ), dawn għandhom jieħdu l - passi meħtieġa biex jiżguraw li dawn l - għodod jiġbru l - informazzjoni b’mod preċiż u konsistenti.

F’sitwazzjonijiet li fihom l - apparat li l - klijenti jużaw biex jagħtu prova tal - identità tagħhom jippermetti l - ġbir tad - data rilevanti, pereżempju minħabba li d - data hija miżmuma fiċ - ċippa tal - karta tal - identità nazzjonali, u huwa teknikament fattibbli għall - istituzzjonijiet ta’ kreditu u finanzjarji li jaċċessaw din id - data , l - istituzzjonijiet ta’ kreditu u finanzjarji għandhom jikkunsidraw li jużaw din l - informazzjoni biex jivverifikaw il - konsistenza tagħha mal - informazzjoni miksuba permezz ta’ sorsi oħrajn, bħad - data sottomessa jew dokumenti oħrajn sottomessi mill - klijent.

Meta disponibbli, matul il - proċess ta’ verifika, l - istituzzjonijiet ta’ kreditu u finanzjarji għandhom jivverifikaw il - karatteristiċi ta’ sigurtà inkorporati fid - dokument uffiċjali, jekk ikun hemm, bħall - ologrammi, bħala prova tal - awtentiċità tagħhom.

L- istituzzjonijiet ta’ kreditu u finanzjarji għandhom jistabbilixxu fil - politiki u l - proċeduri tagħhom kif se jaġġustaw it - talbiet ta’ dokumentazzjoni tagħhom għall - iskopijiet tal - inklużjoni finanzjarja. Meta forom aktar dgħajfa jew mhux tradizzjonali ta’ dokumentazzjoni jiġu aċċettati bħala riżultat, l - istituzzjonijiet ta’ kreditu u finanzjarji għandhom iwettqu flimkien mal - miżuri kif stabbiliti fil - paragrafu 4.10 tal - Linji Gwida tal - EBA dwar il - Fatturi ta’ Riskju, kontrolli jew żieda fl - intervent mill - bniedem biex jissodisfaw lilhom infushom li jifhmu r - riskju tal - ML/TF assoċjat mar - relazzjoni kummerċjali.