4.3 Barántúlacht & sláine doiciméad

I gcás ina nglacann institiúidí creidmheasa agus airgeadais le hatáirgeadh de bhundoiciméad agus nach scrúdaíonn siad an bundoiciméad, ba cheart dóibh bearta a dhéanamh chun a chinntiú go bhfuil an atáirgeadh iontaofa. Ba cheart d’institiúidí creidmheasa agus airgeadais na nithe seo a leanas ar a laghad a fháil amach:

• a) má áirítear leis an atáirgeadh gnéithe slándála atá leabaithe sa bhundoiciméad agus má tá sonraíochtaí an bhundoiciméid atá á atáirgeadh bailí agus inghlactha, go háirithe cineál, méid na gcarachtar agus struchtúr an doiciméid, trí iad a chur i gcomparáid le bunachair shonraí oifigiúla, ar nós PRADO⁷ ;
• b) cibé ar athraíodh sonraí pearsanta nó ar cuireadh isteach orthu ar shlí eile nó, i gcás inarb infheidhme, cibé ar athsholáthraíodh an pictiúr den chliant a bhí leabaithe sa doiciméad;
• c) cibé an leor sláine an algartaim a úsáideadh chun uimhir aitheantais uathúil an bhundoiciméid a ghiniúint, i gcás inar eisíodh an doiciméad oifigiúil le crios meaisín-inléite (MRZ);
• d) cibé an leor cáilíocht agus sainiú an atáirgthe a sholáthraítear le cinntiú go bhfuil an fhaisnéis ábhartha gan débhrí;
• e) nár taispeánadh an atáirgeadh a soláthraíodh ar scáileán bunaithe ar ghrianghraf nó scanadh den bhundoiciméad aitheantais.

⁷ https://www.consilium.europa.eu/prado/en/prado-start-page.html

I gcás ina n-úsáideann institiúidí creidmheasa agus airgeadais gnéithe chun faisnéis ó dhoiciméid a léamh go huathoibríoch, amhail algartaim um Aithint Optúil Carachtair (OCR) nó fíoruithe Crios Inléite ag Meaisín (MRZ), ba cheart dóibh na bearta is gá a dhéanamh chun a chinntú go ngabhfaidh na huirlisí sin faisnéis ar bhealach cruinn agus comhsheasmhach.

I gcásanna ina gceadaíonn an ghléas a úsáideann na cliaint chun a n-aitheantas a chruthú bailiú sonraí ábhartha, mar shampla toisc go bhfuil na sonraí i slis cárta aitheantais náisiúnta, agus go bhfuil sé indéanta go teicniúil do na hinstitiúidí creidmheasa agus airgeadais rochtain a fháil ar na sonraí sin, ba cheart d’institiúidí creidmheasa agus airgeadais smaoineamh ar an bhfaisnéis seo a úsáid chun a comhsheasmhacht leis an bhfaisnéis a fhaightear trí fhoinsí eile a fhíorú, amhail na sonraí arna gcur isteach nó doiciméid eile arna gcur isteach ag an gcliant.

I gcás ina bhfuil siad ar fáil, le linn an phróisis fíorúcháin, ba cheart d’institiúidí creidmheasa agus airgeadais na gnéithe slándála atá leabaithe sa doiciméad oifigiúil, más ann dóibh, amhail holagramanna, a fhíorú mar chruthúnas ar a mbarántúlacht.

Ba cheart d’institiúidí creidmheasa agus airgeadais a leagan amach ina mbeartais agus a nósanna imeachta conas a dhéanfaidh siad a n-iarrataí ar dhoiciméadú a choigeartú chun críocha an chuimsithe airgeadais. I gcás ina nglactar le foirmeacha doiciméadaithe atá níos laige nó foirmeacha neamhthraidisiúnta mar thoradh air sin, ba cheart d’institiúidí creidmheasa agus airgeadais, i dteannta na mbearta a leagtar amach i mír 4.10 de Threoirlínte ÚBE um Fhachtóirí Riosca, rialuithe nó idirghabháil mhéadaithe dhaonna a dhéanamh chun iad féin a shásamh go dtuigeann siad an riosca ML/TF a bhaineann leis an gcaidreamh gnó.