3 Il - kriterji ta’ għarfien u esperjenza adegwati tal - membri individwali

Meta jivvaluta l - għarfien u l - esperjenza adegwati tal - korp maniġerjali, b’mod kumplessiv, is - servizzjant tal - kreditu jenħtieġ li jivvaluta l - membri individwali kollha tal - organu biex jistabbilixxi li flimkien għandhom għarfien u esperjenza adegwati biex jiżguraw il - funzjonament effettiv tal - organu, inkluż li kull membru jkollu l - kapaċità li jippreżenta l - fehmiet tiegħu u jiddiskuti l - istrateġiji u l - objettivi tan - negozju, u li l - proċessi ta’ teħid ta’ deċiżjonijiet kollettivi jinvolvu diskussjoni, sfida u sorveljanza xierqa. Għal dak l - iskop, għandu jkun hemm għadd suffiċjenti ta’ membri b’għarfien f’kull qasam sabiex tkun tista’ ssir diskussjoni tad - deċiżjonijiet li jridu jittieħdu.

Il - membri tal - organu maniġerjali jew amministrattiv għandu jkollhom fehim aġġornat tan - negozju tas - servizzjant tal - kreditu u tar - riskji kollha tiegħu, f’livell adattat għar - responsabbiltajiet tagħhom. Dan jinkludi fehim xieraq ta’ dawk l - oqsma li għalihom membru individwali mhuwiex direttament responsabbli iżda huwa kollettivament responsabbli flimkien mal - membri l - oħrajn tal - organu maniġerjali jew amministrattiv. Għarfien aġġornat jista’ jinkiseb permezz ta’ taħriġ, esperjenza professjonali u impenji.

Il - membri tal - organu maniġerjali jew amministrattiv għandu jkollhom fehim ċar tal - arranġamenti ta’ governanza tas - servizzjant tal - kreditu, ir - rwol u r - responsabbiltajiet rispettivi tagħhom u, fejn applikabbli, l - istruttura tal - grupp u kwalunkwe kunflitt ta ’ interess possibbli li jista’ jirriżulta minnhom.

Il - membri tal - organu maniġerjali jew amministrattiv għandhom ikunu jistgħu jikkontribwixxu għall - implimentazzjoni ta’ kultura korporattiva u tar - riskju, valuri u mġiba korporattivi fi ħdan l - organu maniġerjali jew amministrattiv biex in - negozju jitwettaq b’mod kompetenti u responsabbli.

Il - valutazzjoni tal - għarfien u l - esperjenza adegwati għandha tikkunsidra:

• a. ir - rwol u l - kompiti tal - pożizzjoni u l - kapaċitajiet meħtieġa;
• b. l - għarfien miksub mill - edukazzjoni, it - taħriġ u l - prattika;
• c. l - esperjenza prattika u professjonali miksuba minn pożizzjonijiet preċedenti u pożizzjonijiet oħra attwali ta’ direttur; u
• d. l - għarfien u l - esperjenza miksuba u murija mill - kondotta professjonali tal - membru.

Għandhom jitqiesu l - livell u l - profil tal - edukazzjoni tal - membru u jekk din hijiex marbuta jew le mas - servizzi bankarji u finanzjarji jew oqsma rilevanti oħrajn. B’mod partikolari, l - edukazzjoni fl - oqsma bankarji u finanzjarji, fl - ekonomija, fil - liġi, fil - kontabbiltà, fl - awditjar, fl - amministrazzjoni, fir - regolamentazzjoni finanzjarja, fit - teknoloġija tal - informazzjoni u f’metodi kwantitattivi tista’ titqies b’mod ġenerali li hija rilevanti għas - settur tas - servizzi finanzjarji.

Il - valutazzjoni jenħtieġ li ma tkunx limitata għall - grad ta’ edukazzjoni tal - membru jew prova ta’ ċertu perjodu ta’ servizz f’servizzjant tal - kreditu jew ditti oħra f’oqsma responsabbli għall - ġestjoni ta’ krediti u self improduttiv. Għandha titwettaq analiżi aktar dettaljata tal - esperjenza prattika tal - membru fir - rigward tal - attivitajiet tas - servizzjant tal - kreditu, peress li l - għarfien u l - ħiliet miksuba minn xogħlijiet preċedenti jiddependu min - natura, mill - iskala u mill - kumplessità tan - negozju kif ukoll mill - funzjoni li l - membru wettaq fi ħdanu.

Meta jiġu vvalutati l - għarfien u l - esperjenza adegwati ta’ membru, għandha tingħata kunsiderazzjoni lill - esperjenza teoretika u prattika relatata mal - attività ta’ servizzjar tal - kreditu, inkluż b’mod partikolari:

• a. ir - rekwiżiti legali u regolatorji rilevanti, inklużi rekwiżiti nazzjonali għas - servizzjar tal - kreditu u l - ġbir tad - dejn;
• b. il - proċeduri ta’ sekwestru, insolvenza u falliment;
• c. il - protezzjoni tal - konsumatur u tal - mutwatarju;
• d. ir - rekwiżiti tal - protezzjoni tad - data; u
• e. l - obbligi tal - ġlieda kontra l - ħasil tal - flus u kontra l - finanzjament tat - terroriżmu, fejn is - servizzjanti tal - kreditu jiġu deżinjati bħala entitajiet obbligati għall - fini tal - prevenzjoni u l - ġlieda kontra l - ħasil tal - flus u l - finanzjament tat - terroriżmu skont id - dispożizzjonijiet tal - liġi nazzjonali li jittrasponu d - Direttiva (UE) 2015/849.

Meta jiġu vvalutati l - għarfien u l - esperjenza adegwati ta’ membru, għandhom jiġu kkunsidrati wkoll oqsma ta’ għarfien fejn ikun meħtieġ fehim ġenerali għall - fini tal - ġestjoni ta’ kuljum tas - servizzjant tal - kreditu, inkluż:

• a. il - valutazzjoni tal - effettività tal - governanza, tas - sorveljanza u tal - kontrolli interni tas - servizzjant tal - kreditu;
• b. l - attivitajiet bankarji u finanzjarji;
• c. il - liġi kuntrattwali;
• d. il - kontabbiltà u l - awditjar;
• e. l - interpretazzjoni tal - informazzjoni finanzjarja, l - identifikazzjoni tal - kwistjonijiet ewlenin fuq il - bażi ta’ din l - informazzjoni, u kontrolli u miżuri xierqa; u
• f. għarfien maniġerjali.

Meta tiġi vvalutata l - esperjenza prattika u professjonali miksuba minn pożizzjonijiet preċedenti, għandhom jitqiesu b’mod partikolari:

• a. in- natura tal - pożizzjoni miżmuma u l - livell ġerarkiku tagħha;
• b. it- tul tas - servizz;
• c. in- natura u l - kumplessità tan - negozju fejn kien inkarigat il - membru, inkluża l - istruttura organizzazzjonali tiegħu;
• d. il - kamp ta’ applikazzjoni tal - kompetenzi, is - setgħat tat - teħid tad - deċiżjonijiet, u r - responsabbiltajiet tal - membru;
• e. l - għarfien tekniku rilevanti miksub mill - pożizzjoni;
• f. l - għadd ta’ subordinati; u
• g. għarfien addizzjonali miksub minn attivitajiet akkademiċi.

Fejn applikabbli, il - membri tal - organu maniġerjali jew amministrattiv fil - funzjoni superviżorja tiegħu għandhom ikunu kapaċi jisfidaw u jimmonitorjaw b’mod effettiv deċiżjonijiet li jkunu ttieħdu mill - organu maniġerjali jew amministrattiv fil - funzjoni maniġerjali tiegħu.