5.6 Politiki u proċeduri għall - kategoriji tar - riski finanzjarji

L- istituzzjonijiet għandhom jifhmu u jimmaniġġjaw l - impatt attwali u futur potenzjali tar - riskji tal - ESG fuq l - iskoperturi tagħhom għal riskju ta’ kreditu, fuq il - valwazzjoni tal - pożizzjonijiet tagħhom soġġetti għal riskju tas - suq, b’mod partikolari għal finijiet ta’ valwazzjoni prudenti, fuq il - profil tar - riskju tal - likwidità tagħhom u tal - buffers, fuq ir - riskji operattivi (inkluża l - litigazzjoni) tagħhom, u fuq ir - riskji reputazzjonali, inkluż permezz tal - użu ta’ analiżijiet li jħarsu ’l quddiem. 5.6.1. Riskju ta’ kreditu

Għall - finijiet tal - integrazzjoni tar - riskji tal - ESG fil - politiki u l - proċeduri tar - riskju ta’ kreditu kif stabbilit fil - paragrafu 56 tal - Linji Gwida tal -EBA dwar l- oriġinazzjoni u l - monitoraġġ tas - self, l - istituzzjonijiet għandhom jiżguraw li l - politiki settorjali tal - kreditu tagħhom, li jirriflettu r - riskji tal - ESG, jiġu msaħħa u tradotti fi kriterji ċari ta’ oriġinazzjoni disponibbli għall - persunal tal - linji tan - negozju u għal dawk li jieħdu d - deċiżjonijiet dwar il - kreditu, u għandhom jiżguraw li r- riskji tal - ESG jiġu inkorporati fil - qafas ta’ monitoraġġ tar - riskju ta’ kreditu.

Fir- rigward tar - riskji ambjentali, l - istituzzjonijiet għandhom jinkludu fil - politiki u l - proċeduri tagħhom taħlita ta’ aspetti kwalitattivi u kwantitattivi. Abbażi tal - valutazzjoni tal - materjalità tagħhom u l - aptit għar - riskju tagħhom, l - istituzzjonijiet għandhom jistabbilixxu metriċi kwantitattivi tar - riskju ta’ kreditu li jkopru s - segmenti tal - klijenti, it - tipi ta’ kollateral u l - istrumenti ta’ mitigazzjoni tar - riskji l - aktar sinifikanti.

5.6.2. Riskju tas - suq

Fir- rigward tar - riskju tas - suq, l - istituzzjonijiet għandhom jikkunsidraw kif ir - riskji tal -ESG jistgħu jaffettwaw il - valur tal - istrumenti finanzjarji fil - portafoll tagħhom, jevalwaw ir - riskju potenzjali ta’ telf fuq il - portafoll tagħhom u l - volatilità akbar fil - valur tal - portafoll tagħhom, u jistabbilixxu proċessi effettivi biex jikkontrollaw jew jimmitigaw l - impatti assoċjati bħala parti mill- qafas ta’ ġestjoni tar - riskji tas - suq tagħhom inkluż fejn meħtieġ ir - rieżami tal - aptit għar - riskju tal - portafoll ta n- negozjar u l - istabbiliment ta’ limiti interni għal pożizzjonijiet jew skoperturi tal - klijenti.

5.6.3. Riskju ta’ likwidità u ta’ finanzjament

Fir- rigward tar - riskju ta’ likwidità u ta’ finanzjament, l - istituzzjonijiet għandhom tal - anqas jikkunsidraw kif ir - riskji tal - ESG jistgħu jaffettwaw il - ħruġ nett ta’ flus (eż. iż - żieda fil - ġbid ta’ linji ta’ kreditu) jew il - valur tal - assi li jikkostitwixxu l- buffers tal - likwidità tagħhom u, fejn xieraq, jinkorporaw dawn l - impatti fil - kalibrazzjoni tal - buffers tal - likwidità tagħhom jew fil - qafas tal - ġestjoni tar - riskji tal - likwidità tagħhom.

Barra minn hekk, fir - rigward tar - riskji ambjentali, l - istituzzjonijiet għandhom jikkunsidraw kif dawn ir- riskji jistgħu jaffettwaw id - disponibbiltà u/jew l - istabbiltà tas - sorsi ta’ finanzjament tagħhom u jikkunsidrawhom fil - ġestjoni tagħhom tar - riskju ta’ finanzjament. Għal dan l - għan, l- istituzzjonijiet għandhom jikkunsidraw perjodi ta’ żmien differenti u kundizzjonijiet kemm normali kif ukoll avversi, li għandhom jirriflettu fost l - oħrajn l - impatti potenzjali tar - riskji ambjentali fuq ir - riskji reputazzjonali, sitwazzjoni ta’ aċċess imfixkel jew ogħla għall - finanzjament tas - suq u/jew l - irtirar aċċellerat tad - depożiti.

5.6.4. Riskji operattivi u reputazzjonali

Fir- rigward tar - riskju operattiv, l - istituzzjonijiet għandhom jikkunsidraw kif ir - riskji tal -ESG jistgħu jaffettwaw it - tipi differenti ta’ avvenimenti ta’ riskji operattivi regolatorji msemmija fl - Artikolu 324 tar - Regolament (UE) Nru 575/2013 u l - kapaċità tagħhom li jkomplu jipprovdu operazzjonijiet kritiċi u għandhom jinkorporaw riskji tal - ESG materjali fil - qafas tal - ġestjoni tar - riskji operattivi tagħhom.

Fir- rigward tar - riskji ambjentali, l - istituzzjonijiet għandhom:

• a) jidentifikaw u jittikkettaw it - telf relatat mar - riskji ambjentali fir - reġistri tat - telf operattiv tagħhom, f’konformità mat - tassonomija tar - riskju u l - metodoloġija biex jikklassifikaw l - avvenimenti ta’ telf stabbiliti mill - istandards tekniċi regolatorji adottati mill- Kummissjoni skont l - Artikolu 317(9) tar - Regolament (UE) Nru 575/2013;
• b) jiżviluppaw proċessi għall - valutazzjoni u l - immaniġġjar tal - probabbiltà u l - impatt tar - riskji ta’ litigazzjoni relatati mal - ambjent;
• c) jużaw analiżi tax - xenarji biex jiddeterminaw kif il - motivaturi tar - riskju fiżiku jista’ jkollhom impatt fuq il - kontinwità tal - operat tagħhom; u
• d) iqisu r - riskji ambjentali materjali meta jiżviluppaw pjanijiet ta’ kontinwità tal - operat.

Fir- rigward tar - riskji reputazzjonali, l - istituzzjonijiet għandhom jikkunsidraw u jimmaniġġjaw l- impatt tar - riskji tal - ESG fuq ir - reputazzjoni tagħhom, inkluż billi jikkunsidraw riskji potenzjali assoċjati mas - self lil negozji u l - investiment fihom li jistgħu jkunu suxxettibbli għal kontroversji relatati mal - ESG, bħal ksur tad - drittijiet soċjali jew tad - drittijiet bniedem. L - istituzzjonijiet għandhom jikkunsidraw ukoll, fejn applikabbli, ir - riskji reputazzjonali assoċjati man - nuqqas ta’ twettiq tal - impenji ta’ sostenibbiltà jew tal - pjanijiet ta’ tranżizzjoni tagħhom, jew man - nuqqas (perċepit) ta’ kredibbiltà ta’ tali impenji u pjanijiet.

Bħala parti mill - ġestjoni tagħhom tar - riskji tal - kondotta, tal - litigazzjoni u reputazzjonali, l - istituzzjonijiet għandu jkollhom fis - seħħ proċessi sodi sabiex jidentifikaw, jipprevjenu u jimmaniġġjaw ir - riskji li jirriżultaw minn prattiki ta’ greenwashing jew ta’ prattiki perċepiti ta’ greenwashing filwaqt li jqisu l - prinċipji ta’ livell għoli tal - ASE stabbiliti fit - Taqsima 2.1 tar - Rapport Finali tal -EBA dwar il- monitoraġġ u s - superviżjoni tal - greenwashing¹⁶ . Għal dan l - għan, l - istituzzjonijiet għandhom jieħdu l - passi kollha meħtieġa biex jiżguraw li l - komunikazzjoni relatata mas - sostenibbiltà tkun ġusta, ċara u mhux qarrieqa, u li l - asserzjonijiet dwar is - sostenibbiltà jkunu preċiżi, sostanzjati, aġġornati, jipprovdu rappreżentazzjoni ġusta tal - profil ġenerali tal - istituzzjoni jew tal - profil tal - prodott, u jiġu ppreżentati b’mod li jinftiehem. Dan għandu jsir kemm fil - livell tal - istituzzjoni (eż. fir -rigward tal - impenji ta’ sostenibbiltà inklużi miri li jħarsu ’l quddiem) kif ukoll fil - livell tal - prodott jew tal - attività (eż. fir - rigward ta’ prodotti u attivitajiet kummerċjalizzati bħala sostenibbli), inkluż billi jiġu mmonitorjati l - iżviluppi legali, il - prattiki tas - suq, u l - kontroversji dwar l - allegati prattiki ta’ greenwashing. 5.6.5. Riskju tal - konċentrazzjoni

¹⁶ Rapport finali tal -EBA dwar il- monitoraġġ u s - superviżjoni tal - greenwashing (EBA/REP/2024/09)

Fir- rigward tar - riskju tal - konċentrazzjoni, l - istituzzjonijiet għandhom jikkunsidraw u jimmaniġġjaw ir - riskji ppreżentati mill - konċentrazzjonijiet ta’ skoperturi jew ta’ kollateral f’kontropartijiet uniċi, kontropartijiet interdipendenti jew f’ċerti industriji, setturi ekonomiċi, jew reġjuni ġeografiċi li jistgħu jippreżentaw grad ogħla ta’ vulnerabbiltà għar - riskji tal -ESG. Sabiex jidentifikaw ir - riskji ta’ konċentrazzjoni relatati mal - ESG, l - istituzzjonijiet għandhom jikkunsidraw id - daqs u/jew l - ishma tal - iskoperturi tagħhom li jistgħu jiġu affettwati mir - riskji tal - ESG relattivi għall - iskoperturi totali u bħala proporzjon tal - kapital tal -Grad 1. L-istituzzjonijiet għandhom iqisu diversi fatturi tal - ESG li fosthom hemm l - emissjonijiet ta’ gassijiet b’effett ta’ serra, il - karatteristiċi settorjali, il - vulnerabbiltà ta’ żoni ġeografiċi għal riskji fiżiċi, u nuqqasijiet jew kontroversji soċjali jew ta’ governanza identifikati f’ġuriżdizzjonijiet fejn jinsabu l - iskoperturi jew il - kollateral, kif ukoll id - disponibbiltà ta’ fatturi ta’ mitigazzjoni tar - riskju. L - istituzzjonijiet għandhom jivvalutaw jekk u kif ir - riskju tal - konċentrazzjoni relatat mal - ESG jaggrava l - vulnerabbiltà finanzjarja preċedenti tal - iskoperturi.