2.2 Scóráil in SREP

Ba cheart d'údaráis inniúla scóir riosca agus inmharthanachta a shannadh chun achoimre a dhéanamh ar thorthaí an mheasúnaithe ar chatagóirí agus ar ghnéithe riosca éagsúla i gcreat SREP.

Nuair a bheidh na catagóirí riosca aonair agus gnéithe SREP á meas, ba cheart go n-úsáidfeadh údaráis inniúla raon scór – 1 (riosca íseal), 2 (riosca meánach-íseal), 3 (riosca meánach-ard) agus 4 (riosca ard) – fianaise ar an dearcadh maoirseachta bunaithe ar na táblaí scórála ábhartha i ngach teideal gné-shonrach. Ba cheart d’údaráis inniúla na ‘breithniúcháin’ tionlacain atá le fáil sna táblaí seo a úsáid mar threoir chun tacú leis an mbreithiúnas maoirseachta (i.e. ní gá go gcomhlíonfadh an ghnólacht infheistíochta na ‘breithniúcháin’ go léir atá nasctha le scór ‘1’ chun scór ‘1’ a bhaint amach'), agus/nó iad a fhorbairt tuilleadh nó breithniúcháin bhreise a chur leis. Ba cheart d’údaráis inniúla scór ‘4’ a shannadh chun an measúnú is measa is féidir a léiriú (i.e. fiú má tá staid an ghnólachta infheistíochta níos measa ná mar a shamhlaítear sna ‘breithniúcháin’ do scór ‘4’, ba cheart scór ‘4’ a shannadh fós).

Nuair a bheidh na treoirlínte á gcur chun feidhme acu, féadfaidh údaráis inniúla scóráil níos gráinní a úsáid le haghaidh cuspóirí inmheánacha, cosúil le pleanáil acmhainní, ar an gcoinníoll go n-urramófar an creat scórála foriomlán a leagtar amach sna treoirlínte seo.

Ba cheart d’údaráis inniúla a áirithiú go ndéantar athbhreithniú rialta ar gach scór, ar a laghad de réir na minicíochta atá sainmhínithe i Rannóg 2.4 agus gan aon mhoill mhíchuí bunaithe ar thorthaí nó forbairtí ábhartha nua.

2.2.1 Scóir riosca

Ba cheart d’údaráis inniúla scóir riosca a shannadh do rioscaí aonair do chaipiteal de réir na gcritéar atá sonraithe i dTeideal 6, agus scóir do rioscaí do leachtacht agus do mhaoiniú de réir

11 na gcritéar atá sonraithe i dTeideal 8. Is ionann na scóir seo agus an dóchúlacht go mbeidh tionchar suntasach stuamachta ag riosca ar an ngnólacht infheistíochta, tar éis breithniú a dhéanamh ar cháilíocht na rialuithe riosca chun an tionchar sin a mhaolú (i.e. riosca iarmharach), ach sula mbreithneofar cumas an ghnólachta infheistíochta an riosca a mhaolú trí acmhainní caipitil nó leachtachta atá ar fáil.

Ba cheart d’údaráis inniúla an scór riosca a chinneadh go príomha trí mheasúnú a dhéanamh ar an riosca bunúsach, ach ba cheart go mbeadh breithniúcháin maidir le bainistíocht agus rialuithe riosca á léiriú freisin. Go háirithe, d’fhéadfadh leorgacht na bainistíochta agus na rialuithe an riosca a bhaineann le tionchar suntasach stuamachta a laghdú nó – i gcásanna áirithe – a mhéadú (i.e. d’fhéadfadh breithniúcháin a bhaineann le riosca bunúsach gannmheastacháin nó ró-mheastachán a dhéanamh ar an leibhéal riosca ag brath ar leordhóthanacht na bainistíochta agus na rialuithe).

Nuair a bheidh na treoirlínte seo á gcur chun feidhme, d'fhéadfadh údaráis inniúla measúnú a dhéanamh ar leibhéil an riosca bhunúsaigh agus caighdeán na bainistíochta agus na rialuithe riosca ina n-aonar (a bheidh mar bhonn le scóir idirmheánacha agus ghlana) nó scóir chomhiomlána (nach mbeidh ach glanscóir riosca dá mbarr). Féadfaidh údaráis inniúla modheolaíochtaí comhiomlánaithe a bhunú freisin chun rioscaí aonair a chomhiomlánú do scóir chaipitil agus leachtachta agus mhaoinithe.

2.2.2 Scóir inmharthanachta

Ba cheart d’údaráis inniúla scóir ar leith a shannadh chun achoimre a dhéanamh ar an leibhéal riosca a bhaineann le hinmharthanacht an ghnólachta infheistíochta bunaithe ar thorthaí an mheasúnaithe ar na ceithre ghné SREP:

• a. samhail agus straitéis ghnó, de réir na gcritéar a shonraítear i dTeideal 4;
• b. rialachas inmheánach agus rialuithe ar fud an ghnólachta, de réir na gcritéar atá sonraithe i dTeideal 5;
• c. leordhóthanacht chaipitil, de réir na gcritéar atá sonraithe i dTeideal 7; agus
• d. leordhóthanacht leachtachta, de réir na gcritéar atá sonraithe i dTeideal 9.

Maidir le leordhóthanacht chaipitil agus leordhóthanacht leachtachta, is ionann na scóir seo agus tuairim mhaoirseachta ar chumas acmhainní caipitil agus leachtachta an ghnólachta infheistíochta rioscaí aonair do chaipiteal agus leachtacht a mhaolú/a chlúdach, mar atá sonraithe i dTeideal 6 agus i dTeideal 8.

Ba cheart d’údaráis inniúla scór foriomlán SREP a shannadh freisin de réir na gcritéar atá sonraithe i dTeideal 10. Ba cheart an scór seo a shannadh bunaithe ar bhreithiúnas maoirseachta agus ba cheart go léireodh sé an dearcadh maoirseachta ar inmharthanacht fhoriomlán an ghnólachta infheistíochta.

Ba cheart do na húdaráis inniúla a áirithiú go mbaintear na cuspóirí seo a leanas amach trí scóráil na samhla gnó, an rialachas inmheánach agus na rialuithe, leordhóthanacht chaipitil, leordhóthanacht leachtachta agus scór foriomlán SREP:

12

• a. léirítear an dóchúlacht go bhféadfadh gá a bheith le bearta maoirseachta chun aghaidh a thabhairt ar ábhair imní de réir na gcritéar atá sonraithe i dTeideal 10;
• b. feidhmítear mar thruicear don chinneadh maidir le cibé an bhfuil nó nach bhfuil bearta luath-idirghabhála le cur i bhfeidhm de réir Threoirlínte an ÚBE maidir le truicir chun bearta luath-idirghabhála a úsáid; agus
• c. cabhrú le beartú tosaíochta agus pleanáil acmhainní maoirseachta agus tosaíochtaí a shonrú.

Ba cheart d'údaráis inniúla a áirithiú go soláthraíonn an scór foriomlán SREP a sannadh bunaithe ar thuairim chomhiomlán na mbagairtí ó ghnéithe SREP léargas ar inmharthanacht fhoriomlán an ghnólachta infheistíochta, lena n-áirítear cibé acu an bhfuil nó nach bhfuil an ghnólacht infheistíochta ‘ag teip nó an dócha go dteipfidh uirthi’;

Sa chás go dtugann toradh an mheasúnaithe fhoriomláin SREP le fios gur féidir glacadh leis go bhfuil gnólacht infheistíochta ‘ag teip nó gur dócha go dteipfidh uirthi’, ba cheart d'údaráis inniúla an scór ‘F’ a úsáid agus, más cuí, leanúint leis an bpróiseas a bhaineann le cúrsaí a phlé le húdaráis réitigh mar atá sonraithe in Airteagal 32 de Threoir 2014/59/AE.