4.6 Faireachán CSRBB

Ba cheart d'institiúidí córais tomhais inmheánacha (IMSanna) stuama a chur chun feidhme a chuireann san áireamh gach comhpháirt agus foinse de CSRBB atá ábhartha do shamhail ghnó na hinstitiúide.

Ba cheart d'institiúidí faireachán a dhéanamh ar a neamhchosaint ar CSRBB i dtéarmaí athruithe poitéinsiúla ar bhearta difriúla CSRBB. Ba cheart d'institiúidí úsáid a bhaint as gnéithe comhlántacha cur chuige difriúil chun eolas a bhailiú maidir le castacht CSRBB thar thréimhsí ama gearrthéarmacha agus fadtéarmacha. Go háirithe, ba cheart d'institiúidí na nithe seo a leanas a thomhas agus faireachán a dhéanamh orthu (i) tionchar foriomlán na bpríomhthoimhdí samhaltaithe ar bhearta difriúla CSRBB, agus (ii) CSRBB díorthach ráta úis a leabhair baincéireachta sa chás go bhfuil a leithéid ábhartha don tsamhail ghnó.

4.6.2 Modhanna chun faireachán a dhéanamh ar CSRBB

Ba cheart d'institiúidí a dtoimhdí agus modhanna ríofa féin a fhorbairt agus a úsáid chun CSRBB a mheas. Ba cheart go mbeadh an mhodheolaíocht tomhais a roghnaítear oiriúnach do leibhéal castachta an bhainc.

Ba cheart go dtuigfeadh an institiúid na srianta a bhaineann le gach uirlis agus samhail chainníochtúil a úsáidtear, agus ba cheart na srianta seo a chur san áireamh i bpróiseas bainistíochta riosca CSRBB. Nuair a bhíonn CSRBB á mheas, ba cheart d'institiúidí cuntas a dhéanamh de na rioscaí a d'fhéadfadh teacht chun cinn mar thoradh ar chur chuige cuntasaíochta idirbheart sa leabhar neamhthrádála.

Mar eisceacht, i ndáil le cur chun feidhme praiticiúil mhír 120 agus chun críche comhréireachta, féadfaidh institiúidí comhpháirteanna neamhghnácha a bhaineann leis an raon difríochta creidmheasa a chur san áireamh chun faireachán a dhéanamh ar CSRBB, chomh fada is go n-áirithítear go mbeidh torthaí níos coimeádaí mar thoradh ar na bearta. 4.6.3 Toimhdí maidir le faireachán CSRBB

Nuair a bhíonn CSRBB á thomhas, ba cheart go mbeadh tuiscint iomlán ag institiúidí ar na príomhthoimhdí samhaltaithe agus go mbeidís á ndoiciméadú acu. Ba cheart go mbeadh na toimhdí seo ailínithe le straitéisí gnó agus á dtástáil go rialta.

Ba cheart d'institiúidí cuntas a dhéanamh d'impleachtaí na gcleachtas cuntasaíochta chun CSRBB a thomhas, go háirithe bearta maidir le glanioncam úis móide athruithe ar mhargadhluach.

Má tá iontaofacht agus cobhsaíocht toimhdí éagsúlaithe á mbailíochtú agus á ndoiciméadú go cuí; b'fhéidir go mbeadh éagsúlú idir CSRBB agus IRRBB indéanta. Faoin gcoinníoll céanna, b'fhéidir go bhféadfaí úsáid a bhaint as toimhdí éagsúlaithe idir CSRBB agus rioscaí eile. Ba cheart na héifeachtaí éagsúlaithe a mheas ar bhonn coimeádach ionas gur féidir glacadh leis go mbeidh siad sách cobhsaí fiú i rith cor chun donais gheilleagraigh agus i gcomhthéacs dálaí margaidh atá neamhfhabhrach do struchtúr gnó agus riosca na hinstitiúide. I gcás ar bith, ba cheart d'institiúidí measúnuithe aonair a dhéanamh ar CSRBB agus rioscaí eile (lena n-áirítear IRRBB).

De bhrí go n-athraíonn dálaí margaidh, timpeallachtaí iomaíocha agus straitéisí le himeacht ama, ba cheart d'institiúidí athbhreithniú a dhéanamh ar thoimhdí tomhais suntasacha uair sa bhliain ar a laghad, agus níos minice nuair a bhíonn dálaí margaidh ag athrú go tapa.

Chun críche CSRBB, ba cheart d'institiúidí doiciméid stuama a bhunú chun tacú le toimhdí agus nósanna imeachta a mbeartas, agus próiseas chun athbhreithniú leanúnach a dhéanamh orthu a bhunú. Ba cheart go dtuigfeadh institiúidí, chun críche CSRBB, tionchar na straitéisí infheistíochta a bhaineann le CSRBB atá roghnaithe.