Linji gwida tal-EBA dwar it-trasferiment tar-riskju tal-kreditu sinifikanti għat-tranżazzjonijiet ta’ titolizzazzjoni

Dan id-dokument fih linji gwida maħruġa skont l-Artikolu 16 tar-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u li jħassar id-Deċiżjoni tal-Kummissjoni 2009/78/KE ( “ir-Regolament EBA” ). Skont l-Artikolu 16(3) tar-Regolament EBA, l-awtoritajiet kompetenti u l-istituzzjonijiet finanzjarji jridu jagħmlu kull sforz sabiex jikkonformaw mal-linji gwida.

Il-Linji gwida jistabbilixxu l-fehma tal-EBA dwar prattiki superviżorji xierqa fis-Sistema Ewropea ta’ Superviżjoni Finanzjarja jew dwar kif il-liġi tal-Unjoni għandha tiġi applikata f’qasam partikolari. L-EBA għalhekk tistenna li l-awtoritajiet kompetenti u l-istituzzjonijiet finanzjarji kollha li lilhom huma indirizzati l-linji gwida, jikkonformaw ma’ dawn il-linji gwida. L-awtoritajiet kompetenti li għalihom japplikaw il-linji gwida għandhom jikkonformaw billi jinkorporawhom fil-prattiki superviżorji tagħhom kif xieraq (eż. billi jemendaw il-qafas legali tagħhom jew il-proċessi superviżorji tagħhom), inkluż fejn il-linji gwida huma diretti primarjament lejn l-istituzzjonijiet.

Skont l-Artikolu 16(3) tar-Regolament EBA, l-awtoritajiet kompetenti jridu jinnotifikaw lill-EBA jekk jikkonformawx diġà, jew jekk humiex biħsiebhom jikkonformaw, ma’ dawn il-Linji gwida, jew jinnotifikaw lill-EBA bir-raġunijiet tagħhom għan-nuqqas ta’ konformità, sas-07.09.2014. Jekk ma tirċievi l-ebda notifika sa din id-data ta’ skadenza, l-EBA se tqis li l-awtoritajiet kompetenti mhumiex konformi. In-notifiki għandhom jiġu sottomessi billi tintbagħat il-formola pprovduta fit-Taqsima 5 lil compliance@eba.europa.eu u tiġi kkwotata r-referenza “EBA/GL/2014/05”. In-notifiki għandhom jiġu sottomessi minn persuni b’awtorità xierqa biex jirrappurtaw il-konformità f’isem l-awtoritajiet kompetenti tagħhom.

In-notifiki se jiġu ppubblikati fuq il-websajt tal-EBA, f’konformità mal-Artikolu 16(3) tar-Regolament EBA.

Titolu I – Kamp ta’ applikazzjoni u prinċipji ġenerali

3. Il-kriterji li jiddeterminaw meta l-awtoritajiet kompetenti għandhom iwettqu analiżi komprensiva tal-SRT fil-każ tal-applikazzjoni tal-Artikolu 243(2) jew l-Artikolu 244(2) tar-Regolament (UE) Nru 575/2013

Titolu III - Rekwiżiti għall-awtoritajiet kompetenti fil-każ tal-applikazzjoni tal-Artikolu 243 (4) jew l-Artikolu 244 (4) tar-Regolament (UE) Nru 575/2013 u fil-każ tal-applikazzjoni tal-Artikolu 243(2) jew l-Artikolu 244(2) tar-Regolament (UE) Nru 575/2013 fejn tapplika kwalunkwe waħda miċ-ċirkostanzi skont it-Titolu II

Titolu IV - Rekwiżiti għall-istituzzjonijiet oriġinaturi

11. Rekwiżiti relatati mal-SRT

13. Ġestjoni tar-riskju u awtovalutazzjoni