4. Definizzjoni tal-perimetru tat-trasferiment

L- awtoritajiet ta’ riżoluzzjoni jenħtieġ li jispeċifikaw metodoloġija għad -definizzjoni tal-entità jew entitajiet, linji ta’ negozju jew portafolli ta’ assi, drittijiet u/jew obbligazzjonijiet li għandhom jiġu tt rasferiti (“perimetru tat- trasferiment”), peress li tibqa’ r -responsabbiltà tal-awtoritajiet ta’ riżoluzzjoni fil - punt ta’ riżoluzzjoni.

Fil- fażi tal - ippjanar ta’ riżoluzzjoni, l - istituzzjonijiet jenħtieġ li jkunu jistgħu jipproponu perimetru tat-trasferiment, kif definit fil-paragrafu 10 . Għal dan il - għan, l -istituzzjonijiet jenħtieġ li jidentifikaw kull limitazzjoni u jipproponu titjib potenzjali, u jkunu jistgħu jipproponu perimetru tat- trasferiment alternattiv jew emendi għalih, bil - għan li jtejbu l -kredibbiltà u l-fattibbiltà tal- istrateġija jew l - għodda ta’ trasferiment, kif deskritt fil- pjan ta’ riżoluzzjoni.

Fuq talba mill - awtorità ta’ riżoluzzjoni l - istituzzjonijiet jenħtieġ li jkunu jistgħu:

• a) jidentifikaw u jiżolaw il -komponenti tal-perimetru tat- trasferiment, kif definit minn u taħt il - gwida tal- awtoritajiet ta’ riżol uzzjoni f’konformità mal-Artikolu 11 tad-Direttiva 2014/59/UE; u
• b) jittestjaw l-applikabbiltà tal-perimetru tat-trasferiment f’xenarji differenti kif ikkomunikati mill- awtoritajiet ta’ riżoluzzjoni skont l -Artikoli 10.3., 10.7., punt (j), u 12.3 tad-Direttiva 2014/59/UE.

Filwaqt li jistabbilixxu l - metodoloġija għad -definizzjoni tal-perimetru tat-trasferiment fil-pjanijiet ta’ riżoluzzjoni, skont l -Artikoli 10.1, 10.7., punt (j), u 12.3, punt (b), tad-Direttiva 2014/59/UE, l- awtoritajiet ta’ riżoluzzjoni jenħtieġ li jqisu:

• a. l- għanijiet tal - għodod (skont l - istrateġija ta’ riżoluzzjoni definita għall -istituzzjoni) u l-attivitajiet tal-istituzzjonijiet. Finalment, il-perimetru ewlieni tat- trasferiment jenħtieġ li jkun magħmul minn assi, drittijiet u/jew obbligazzjonijiet li huma essenzjali jew kritiċi biex jiġu trasferiti biex ikunu konformi mal - għanijiet ta’ riżoluzzjoni, l - obbligi regolatorji (inklużi l-obbligazzjonijiet protetti skont l-Artikolu 44 tad-Direttiva 2014/59/UE jew l-obbligi skont l-Artikolu 73 tad-Direttiva 2014/59/UE) u l- għanijiet tal - għodda (“l -ewwel saff tal-perimetru tat-trasferiment”) u d- determinazzjoni tiegħu jenħtieġ li jikkorrispondi ma’ lista ta’ kriterji rfinati aktar fit- taqsima 4.1 . hawn taħt;
• b. l- interkonnessjonijiet fi ħdan l - istituzzjoni. Soġġett għas - subparagrafu preċedenti (a), l - interkonnessjonijiet li ma jistgħux jitneħħew mingħajr sforzi li jieħdu ħafna ħin u jiswew ħafna flus jew minħabba restrizzjonijiet legali (inklużi dawk rigward is -salvagwardji stipulati fl-Artikolu 76 sa l-Artikolu 80 tad-Direttiva 2014/59/UE) jenħtieġ li jkunu integrati fil - perimetru tat-trasferiment (“it-tieni saff tal-perimetru tat-trasferiment”) f’konformità mat-taqsima 4.2 hawn taħt.

L- istituzzjonijiet jenħtieġ li jindikaw il -limitazzjonijiet tat-trasferibbiltà lill-awtoritajiet ta’ riżoluzzjoni filwaqt li japplikaw id -definizzjoni tal-perimetru tat- trasferiment għall -assi, id-drittijiet u/jew l- obbligazzjonijiet tagħhom u jipproponu mitiganti u soluzzjonijiet potenzjali. L - istituzzjonijiet jenħtieġ li jaħdmu biex inaqqsu maż - żmien dawn il -limitazzjonijiet. Il-valutazzjoni tal- limitazzjonijiet għat - trasferiment jenħtieġ li tagħti attenzjoni speċjali lill -kwistjonijiet transfruntieri f’konformità mat- taqsima 4.3.

Filwaqt li jistabbilixxu l - metodoloġija għad -definizzjoni tal-perimetru tat-trasferiment u bil-għan li tiġi żviluppata strateġija ta’ riżoluzzjoni li tilħaq l - għanijiet ta’ riżoluzzjoni bl - aħjar mod, l- awtoritajiet ta’ riżoluzzjoni jenħtieġ li jqisu l - possibbiltà li jaqsmu l -perimetru f’unitajiet differenti sabiex jipprepara w għal xenarji differenti, jaħsbu għal taħlita ta’ għodod tat - trasferiment, jippermettu trasferimenti u kombinazzjonijiet suċċessivi differenti taħt l -istess għodda ta’ riżoluzzjoni jew lil riċevituri multipli, li jistgħu jkunu meħtieġa.

4.1.1 Bejgħ ta’ Negozju

4.2 Valutazzjoni tal-interkonnessjonijiet

4.3 Valutazzjoni ta’ aspetti transfruntieri