▼M2 RIALACHÁN (AE) 2015/757 Ó PHARLAIMINT NA hEORPA AGUS ÓN gCOMHAIRLE an 29 Aibreán 2015 maidir le faireachán, tuairisciú agus fíorú a dhéanamh ar astaíochtaí gás ceaptha teasa ó mhuiriompar, agus lena leasaítear Treoir 2009/16/CE ▼B (Téacs atá ábhartha maidir le LEE)

IARSCRÍBHINN I

Modhanna chun faireachán a dhéanamh ar astaíochtaí gás ceaptha teasa

A.   ASTAÍOCHTAÍ GÁS CEAPTHA TEASA A RÍOMH (AIRTEAGAL 9)

1.    Foirmlí chun astaíochtaí gás ceaptha teasa a ríomh

Chun críocha astaíochtaí gás ceaptha teasa a ríomh, cuirfidh cuideachtaí an fhoirmle seo a leanas i bhfeidhm:

Déanfaidh cuideachtaí astaíochtaí CO2 a ríomh trí astaíochtaí CO2 na mbreoslaí uile i a úsáidtear a chur isteach, agus an fhoirmle seo a leanas á cur i bhfeidhm:

Déanfaidh cuideachtaí astaíochtaí CH4 a ríomh trí na hastaíochtaí CH4 a eascraíonn as dóchán na mbreoslaí uile i a úsáidtear in éineacht leis na hastaíochtaí arb é sciorradh CH44 is cúis leo a chur isteach, agus an fhoirmle seo a leanas á cur i bhfeidhm:

Déanfaidh cuideachtaí astaíochtaí N2O a ríomh trí astaíochtaí N2O na mbreoslaí uile a úsáidtear a chur isteach, agus an fhoirmle seo a leanas á cur i bhfeidhm:

Ríomhfar ídiú breosla ar leithligh i gcás astaíochtaí ó mhuiraistir idir calafoirt atá faoi dhlínse Ballstáit, ó mhuiraistir a d’imigh ó chalafoirt atá faoi dhlínse Ballstáit, ó mhuiraistir go calafoirt atá faoi dhlínse Ballstáit, agus d’astaíochtaí laistigh de chalafoirt atá faoi dhlínse Ballstáit. Ríomhfar ídiú breosla laistigh de chalafoirt atá faoi dhlínse Ballstáit atá i mbeart ar leithligh.

2.    Fachtóirí astaíochta réamhshocraithe

Sa tábla seo a leanas:

Luachanna réamhshocraithe na bhfachtóirí astaíochta le haghaidh breoslaí agus na bhfoinsí astaíochtaí a úsáidtear ar bord na loinge, mar atá sa tábla thíos, cuirfear i bhfeidhm iad chun críche an Rialacháin seo.

I gcás ina léiríonn cill LT nó N/I, úsáidfear an luach réamhshocraithe is airde den aicme breosla sa cholún céanna. I gcás aicme breosla ar leith, i gcás ina léiríonn gach ceall sa cholún céanna LT nó N/I, úsáidfear luach réamhshocraithe an chineáil breosla iontaise is lú fabhar. Níl feidhm ag an riail seo maidir le colún 6 i gcás ina dtagraíonn LT nó N/I do luachanna nach bhfuil ar fáil le haghaidh na foinse astaíochtaí. I gcás nach bhfuil aon luach réamhshocraithe le haghaidh Cj, úsáidfear luach deimhnithe i gcomhréir le hAirteagal 10(6) de Rialachán (AE) 2023/1805 ó Pharlaimint na hEorpa agus ón gComhairle*.

Féadfaidh cuideachtaí imeacht ó na luachanna réamhshocraithe le haghaidh na bhfachtóirí astaíochta a liostaítear sa tábla thíos, tar éis, de réir mar is infheidhme, cur i bhfeidhm na gcoinníollacha agus na srianta dá bhforáiltear in Airteagal 10(5) agus (6) de Rialachán (AE) 2023/1805.

Maidir le breoslaí neamh-iontaise nach liostaítear sa tábla thíos, cinnfidh an chuideachta na fachtóirí astaíochta i gcomhréir le hAirteagail 32 go 35 de Rialachán Cur Chun Feidhme (AE) 2018/2066 ón gCoimisiún**.

I gcás ina mbeidh cumasc breosla ann, déanfar gach breosla a mheas ar leithligh.

I gColún 1 sainaithnítear aicme na mbreoslaí.

Sainaithnítear i gcolún 2 ainm na gcineálacha ábhartha breosla le haghaidh gach aicme.

I gColún 3 tá an fachtóir astaíochta le haghaidh dé-ocsaíde carbóin arna léiriú ina gCO2/gfuel.

I gColún 4 tá an fachtóir astaíochta le haghaidh meatáin arna léiriú ina gCH4/gfuel.

I gColún 5 tá an fachtóir astaíochta le haghaidh ocsaíd nítriúil arna léiriú ina gN2O/gfuel.

I gColún 6 sainaithnítear an chuid den bhreosla a chailltear mar astaíochtaí idirleata agus sceite (Cj) arna léiriú mar % de mhais an bhreosla a úsáideann an fhoinse astaíochtaí shonrach. I gcás breoslaí amhail GNL, a bhfuil na hastaíochtaí idirleata agus sceite ann ina leith, sloinntear méid na n-astaíochtaí idirleata agus sceite mar a leagtar amach i dTábla 1, mar % de mhais an bhreosla a úsáidtear. Ríomhtar na luachanna Cj sa tábla ag 50 % d’ualach an innill.

▼M4

AA.   ASTAÍOCHTAÍ GÁS CEAPTHA TEASA Ó LONGA AMACH ÓN gCÓSTA

Cumhdófar le hastaíochtaí gás ceaptha teasa ó longa amach ón gcósta astaíochtaí gás ceaptha teasa a sceitear le linn muiraistear ón gcalafort cuarda deireanach go dtí calafort cuarda atá faoi dhlínse Ballstáit agus ó chalafort cuarda atá faoi dhlínse Ballstáit go dtí an chéad chalafort cuarda eile, chomh maith le muiraistir a dhéanann na longa seo a leanas laistigh de chalafoirt chuarda atá faoi dhlínse Ballstáit, ar longa iad atá deartha chun gníomhaíochtaí seirbhíse a dhéanamh amach ón gcósta nó ag suiteálacha amach ón gcósta nó a bhfuil deimhniú acu chun an méid sin a dhéanamh, cé is moite de bhristeoirí oighir:

▼M3

B.   MODHANNA CHUN ASTAÍOCHTAÍ GÁS CEAPTHA TEASA A CHINNEADH

Léireoidh an chuideachta sa phlean faireacháin cén modh faireacháin atá le húsáid chun na hastaíochtaí gás ceaptha teasa i gcás gach long atá faoina freagracht a ríomh agus áiritheoidh an chuideachta go gcuirfear i bhfeidhm ar bhonn comhsheasmhach í a luaithe a bheidh modh roghnaithe.

Is féidir na modhanna seo a leanas A, B, C agus D a úsáid ar bhonn an chur chuige ríomha nó an chur chuige tomhais.

Faoin gcur chuige ríomha (modhanna A, B agus C), ríomhfar astaíochtaí trí úsáid a bhaint as na foirmlí a leagtar amach i gCuid A. Chun na críche sin, déanfar an t-ídiú breosla iarbhír i gcás gach muiraistear a chinneadh trí úsáid a bhaint as aon cheann de na modhanna A, B nó C a thuairiscítear anseo feasta agus a úsáidtear chun críche an ríomha. Cuirfear foinsí neamhchinnteachta agus leibhéil neamhchinnteachta a bhaineann leo san áireamh agus aon cheann de na modhanna A, B nó C á roghnú. Déanfaidh an chuideachta gníomhaíochtaí rialaithe oiriúnacha go rialta, lena n-áirítear cros-seiceálacha idir an chainníocht buncaeireachta dá bhforáiltear sa Nóta Seachadta Buncair le haghaidh Breosla (BDN) agus an chainníocht buncaeireachta a léirítear trí thomhas ar bord, agus déanfaidh sí gníomh ceartaitheach má fheictear diallais shuntasacha.

Faoin gcur chuige tomhais (modh D), úsáidtear tomhais na n-astaíochtaí gás ceaptha teasa díreacha.

Maidir le haon chomhcheangal de na modhanna A, B, C, agus D, a luaithe a dhéanfaidh an fíoraitheoir measúnú air, féadfar é a úsáid má fheabhsaítear cruinneas foriomlán an tomhais leis.

1.    Modh A: BDNanna agus stocáirimh thréimhsiúla ar thancanna breosla

Tá an modh seo bunaithe ar an gcainníocht agus ar an gcineál breosla mar atá léirithe ar an BDN i dteannta le stocáirimh thréimhsiúla ar thancanna breosla bunaithe ar léamha tanc. Is éard atá i gceist leis an mbreosla ídithe i rith na tréimhse ná an breosla a bhí ann ag tús na tréimhse, móide seachadtaí, lúide an breosla a bhí ar fáil ag deireadh na tréimhse agus breosla dí-lastáilte umair idir tús na tréimhse agus deireadh na tréimhse.

Ciallaíonn an tréimhse seo an méid ama a chaitear ar muir idir dhá chalafort agus laistigh de chalafort. I ndáil leis an mbreosla a úsáidtear i rith tréimhse, is gá an cineál breosla agus an méid sulfair a shonrú.

Ní úsáidfear an modh seo nuair nach bhfuil BDNanna ar fáil ar bord long, go háirithe nuair a bhíonn lastas in úsáid mar bhreosla, mar shampla ábhar bruite um ghás nádúrtha leachtaithe (LNG).

Faoi rialacháin Iarscríbhinn VI MARPOL atá ann cheana, tá an BDN sainordaitheach, agus tá sé le coinneáil ar bord ar feadh 3 bliana i ndiaidh sheachadadh an bhreosla umair agus tá sé le bheith ar fáil go héasca. Tá an stocáireamh tréimhsiúil ar thancanna breosla ar bord bunaithe ar léamha tancanna breosla. Úsáidtear leis táblaí tanc atá ábhartha do gach tanc breosla chun cinneadh a dhéanamh maidir le toirt tráth léamh an tanc breosla. Sonrófar an neamhchinnteacht a bhaineann leis an BDN sa phlean faireacháin. Déanfar léamhanna tancanna breosla ar mhodhanna oiriúnacha amhail córais uathoibríocha, sondáil agus tum-théipeanna. Sonrófar an modh do shondáil tanc agus an neamhchinnteacht a bhaineann leis sa phlean faireacháin.

I gcás go bhfuil méid an bhreosla a chuirtear ar bord nó méid an bhreosla atá fágtha sna tancanna á chinneadh in aonaid toirte, á sloinneadh i méadair chiúbacha, tiontóidh an chuideachta an méid ó thoirt go dtí mais trí úsáid a bhaint as na luachanna iarbhír dlúis. Cinnfidh an chuideachta an dlús iarbhír trí cheann amháin de na modhanna seo a leanas a úsáid:

Déanfar an dlús iarbhír a shloinneadh in kg/l agus déanfar é a chinneadh le haghaidh an teochta infheidhme le haghaidh an tomhais shonraigh. Sna cásanna sin nach bhfuil luachanna iarbhír dlúis ar fáil ina leith, cuirfear fachtóir caighdeánach dlúis i bhfeidhm don chineál breosla ábhartha a luaithe a dhéanfaidh an fíoraitheoir measúnú air.

2.    Modh B: Faireachán ar thanc breosla umair ar bord

Tá an modh seo bunaithe ar léamha tanc breosla do gach tanc breosla ar bord. Déanfar na léamha tanc gach lá nuair a bheidh an long ar muir agus gach uair a bheidh an long ag lastáil nó ag dí-lastáil umair.

Is éard atá i gceist leis an mbreosla ídithe i rith na tréimhse ná na héagsúlachtaí carnacha idir leibhéal an tanc breosla idir an dá léamh.

Ciallaíonn an tréimhse seo an méid ama a chaitear ar muir idir dhá chalafort agus laistigh de chalafort. I ndáil leis an mbreosla a úsáidtear i rith tréimhse, is gá an cineál breosla agus an méid sulfair a shonrú.

Déanfar léamhanna tancanna breosla ar mhodhanna oiriúnacha amhail córais uathoibríocha, sondáil agus tum-théipeanna. Sonrófar an modh do shondáil tanc agus an neamhchinnteacht a bhaineann leis sa phlean faireacháin.

I gcás go bhfuil méid an bhreosla a chuirtear ar bord nó méid an bhreosla atá fágtha sna tancanna á chinneadh in aonaid toirte, á sloinneadh i méadair chiúbacha, tiontóidh an chuideachta an méid ó thoirt go dtí mais trí úsáid a bhaint as na luachanna iarbhír dlúis. Cinnfidh an chuideachta an dlús iarbhír trí cheann amháin de na modhanna seo a leanas a úsáid:

Déanfar an dlús iarbhír a shloinneadh in kg/l agus déanfar é a chinneadh le haghaidh an teochta infheidhme le haghaidh an tomhais shonraigh. Sna cásanna sin nach bhfuil luachanna iarbhír dlúis ar fáil ina leith, cuirfear fachtóir caighdeánach dlúis i bhfeidhm don chineál breosla ábhartha a luaithe a dhéanfaidh an fíoraitheoir measúnú air.

3.    Modh C: Sreabhmhéadair do phróisis infheidhme dócháin

Tá an modh seo bunaithe ar shreabha breosla tomhaiste ar bord. Cuirfear na sonraí ó na sreabhmhéadair ar fad atá nasctha le foinsí ábhartha astaíochtaí gás ceaptha teasa le chéile chun cinneadh a dhéanamh maidir le hídiú breosla le haghaidh tréimhse shonrach.

Ciallaíonn an tréimhse seo an méid ama a chaitear ar muir idir dhá chalafort agus laistigh de chalafort. I ndáil leis an mbreosla a úsáidtear i rith tréimhse, is gá faireachán a dhéanamh ar an gcineál breosla agus an méid sulfair.

Sonrófar na modhanna calabraithe atá á gcur i bhfeidhm agus an neamhchinnteacht a bhaineann le sreabhmhéadair sa phlean faireacháin.

I gcás ina bhfuil an méid breosla ídithe á chinneadh in aonaid toirte, á sloinneadh i méadair chiúbacha, tiontóidh an chuideachta an méid ó thoirt go dtí mais trí úsáid a bhaint as na luachanna iarbhír dlúis. Cinnfidh an chuideachta an dlús iarbhír trí cheann amháin de na modhanna seo a leanas a úsáid:

Déanfar an dlús iarbhír a shloinneadh in kg/l agus déanfar é a chinneadh le haghaidh an teochta infheidhme le haghaidh an tomhais shonraigh. Sna cásanna sin nach bhfuil luachanna iarbhír dlúis ar fáil ina leith, cuirfear fachtóir caighdeánach dlúis i bhfeidhm don chineál breosla ábhartha a luaithe a dhéanfaidh an fíoraitheoir measúnú air.

4.    Modh D: Astaíochtaí gás ceaptha teasa díreacha a thomhas

Féadfar tomhais na n-astaíochtaí gás ceaptha teasa díreacha a úsáid le haghaidh muiraistir agus astaíochtaí ceaptha teasa a tharlaíonn i gcalafoirt atá lonnaithe i ndlínse Ballstáit. I gcás longa a bhfuil an tuairisciú CO2 ina leith bunaithe ar an modh seo, ríomhfar an t-ídiú breosla trí úsáid a bhaint as na hastaíochtaí CO2 tomhaiste agus as fachtóir infheidhme astaíochtaí na mbreoslaí ábhartha.

Tá an modh seo bunaithe ar chinneadh sreafaí astaíochtaí gás ceaptha teasa i múcháin (tonnadóirí) gás sceite trí thiúchana gás ceaptha teasa an gháis sceite a mhéadú faoi shreabhadh an gháis sceite.

Ní chuirfidh cur i bhfeidhm an mhodha seo chun astaíochtaí gás ceaptha teasa a chinneadh cosc ar chuideachtaí aon cheann eile de na modhanna a thuairiscítear faoin gCuid seo a chur i bhfeidhm maidir le haon ghás ceaptha teasa eile.

Sonrófar na modhanna calabraithe atá á gcur i bhfeidhm agus an neamhchinnteacht a bhaineann leis na gléasanna atá in úsáid sa phlean faireacháin.

C.   BAINISTIÚ SONRAÍ AGUS RIALÚ

1.    Córas rialaithe

Cuirfidh an chuideachta an measúnú riosca dá dtagraítear sa chéad mhír ar fáil don údarás riaracháin atá freagrach arna iarraidh sin. Cuirfidh an chuideachta ar fáil í freisin chun críocha fíorúcháin.

I gcás nach féidir comhpháirteanna na gcóras tomhais a chalabrú, sainaithneoidh an chuideachta na comhpháirteanna sin sa phlean faireacháin agus molfaidh sí gníomhaíochtaí rialaithe malartacha.

I gcás ina bhfaighfear amach nach gcomhlíonann an trealamh na ceanglais feidhmíochta, déanfaidh an chuideachta an gníomh ceartaitheach is gá go pras.

Áireofar an méid seo a leanas san athbhreithniú agus sa bhailíochtú sin ar shonraí:

I gcás ina gcinnfidh an chuideachta nach bhfuil an córas rialaithe éifeachtach nó nach bhfuil sé i gcomhréir leis na rioscaí a sainaithníodh, féachfaidh sí leis an gcóras rialaithe a fheabhsú agus an plean faireacháin nó na nósanna imeachta bunúsacha i scríbhinn maidir le gníomhaíochtaí sreafa sonraí, measúnuithe riosca agus gníomhaíochtaí rialaithe a thabhairt cothrom le dáta, de réir mar is iomchuí.

2.    Bearnaí sonraí

I gcás ina bhfuil na sonraí atá ábhartha chun astaíochtaí gás ceaptha teasa loinge a chinneadh le haghaidh muiraistear amháin nó níos mó in easnamh, agus nach liostaítear sa phlean faireacháin modhanna faireacháin malartacha nó foinsí sonraí malartacha chun sonraí a chomhthacú nó chun an bhearna sonraí a dhúnadh, úsáidfidh an chuideachta modh meastacháin iomchuí chun sonraí coimeádacha ionadacha le haghaidh na tréimhse ama sin agus an pharaiméadair atá in easnamh a chinneadh.

Déanfaidh an chuideachta gach beart is gá chun an plean faireacháin a chur i bhfeidhm go pras.

IARSCRÍBHINN II

Faireachán ar fhaisnéis ábhartha eile

A.   FAIREACHÁN IN AGHAIDH AN MHUIRAISTIR (AIRTEAGAL 9)

Glacfar na gníomhartha cur chun feidhme sin tráth nach déanaí ná an 31 Nollaig 2016 i gcomhréir leis an nós imeachta scrúdúcháin dá dtagraítear in Airteagal 24(2).

Féadfaidh an Coimisiún, trí bhíthin gníomhartha cur chun feidhme, athbhreithniú a dhéanamh, i gcás inarb iomchuí, ar na paraiméadair is infheidhme dá dtagraítear i b ►M3  pointe 1(g) ◄ . I gcás inarb ábhartha, déanfaidh an Coimisiún athbhreithniú ar na paraiméadair sin chun na leasuithe ar an Iarscríbhinn seo a chur san áireamh de bhun Airteagal 5(2). Glacfar na gníomhartha cur chun feidhme sin i gcomhréir leis an nós imeachta scrúdúcháin dá dtagraítear in Airteagal 24(2).

▼M3

B.   FAIREACHÁN AR BHONN BLIANTÚIL (AIRTEAGAL 10)

Chun críocha faireachán a dhéanamh ar fhaisnéis ábhartha eile ar bhonn bliantúil, tabharfaidh cuideachtaí aird ar na rialacha seo a leanas:

Déanfar na luachanna a bhfuil faireachán le déanamh orthu faoi Airteagal 10 a chinneadh trí chomhiomlánú na sonraí a bhaineann leis an muiraistear faoi seach.

Déanfar faireachán ar an meán-éifeachtúlacht fuinnimh trí úsáid a bhaint as ceithre tháscaire ar a laghad: ídiú breosla de réir achair, ídiú breosla de réir oibre iompair, astaíochtaí gás ceaptha teasa in aghaidh an fhaid agus astaíochtaí gás ceaptha teasa in aghaidh na hoibre iompair, ar nithe iad a ríomhfar mar seo a leanas:

Ídiú breosla bunaithe ar an bhfad a thaistealaítear = iomlán an ídithe breosla in aghaidh na bliana/iomlán an fhaid a thaistealaítear

Ídiú breosla bunaithe ar obair iompair = iomlán an ídithe breosla in aghaidh na bliana/iomlán na hoibre iompair

Astaíochtaí gás ceaptha teasa bunaithe ar an bhfad a thaistealaítear = iomlán na n-astaíochtaí gás ceaptha teasa in aghaidh na bliana/iomlán an fhaid a thaistealaítear

Astaíochtaí gás ceaptha teasa bunaithe ar obair iompair = iomlán na n-astaíochtaí gás ceaptha teasa in aghaidh na bliana/iomlán na hoibre iompair.

Ina theannta sin, i gcás inarb ábhartha, féadfaidh longa faireachán a dhéanamh ar an meán-éifeachtúlacht fuinnimh trí úsáid a bhaint as an dá tháscaire éifeachtúlachta fuinnimh seo a leanas: ídiú breosla bunaithe ar an am a chaitear ar muir agus astaíochtaí gás ceaptha teasa bunaithe ar an am a chaitear ar muir, ar nithe iad a ríomhfar mar seo a leanas:

Ídiú breosla bunaithe ar an am a chaitear ar muir = iomlán an ídithe breosla in aghaidh na bliana/iomlán an ama a chaitear ar muir

Astaíochtaí gás ceaptha teasa in aghaidh an ama a chaitear ar muir = iomlán na n-astaíochtaí gás ceaptha teasa in aghaidh na bliana/iomlán an ama a chaitear ar muir

Agus iad ag comhlíonadh na rialacha seo, féadfaidh cuideachtaí rogha a dhéanamh freisin chun faisnéis shonrach a bhaineann le haicme oighir na loinge agus le loingseoireachta trí leac oighir a áireamh, mar aon le faisnéis ar bith eile a bhaineann leis an mbreosla a ídítear agus le astaíochtaí gás ceaptha teasa a astaítear, agus idirdhealú á dhéanamh ar bhonn critéir eile a léirítear sa phlean faireacháin.

▼M3

C.   FAIREACHÁN AR IOMLÁN NA nASTAÍOCHTAÍ GÁS CEAPTHA TEASA A CHUMHDAÍTEAR LE TREOIR 2003/87/CE I nDÁIL LE GNÍOMHAÍOCHTAÍ MUIRIOMPAIR AGUS AR AN bhFAISNÉIS CHUN ÚDAR A THABHAIRT LE MAOLUITHE AR AIRTEAGAL 12(3) DEN TREOIR SIN (AIRTEAGAL 10, POINTE (K))

1.    Rialacha chun faireachán a dhéanamh ar bhonn bliantúil ar iomlán astaíochtaí gás ceaptha teasa loinge a chumhdaítear le Treoir 2003/87/CE i ndáil le gníomhaíochtaí muiriompair a liostaítear in Iarscríbhinn I a ghabhann leis an Treoir sin agus atá le tuairisciú faoin Treoir sin

Déanfaidh cuideachtaí na méideanna ábhartha de gach gás ceaptha teasa a chinneadh ar leithligh agus déanfaidh siad iomlán na méideanna sin arna sloinneadh i gcoibhéisí CO2 a chinneadh.

Breithneoidh cuideachtaí na méideanna de gach cineál breosla a ídítear le haghaidh gníomhaíochtaí muiriompair a thagann faoi raon feidhme Threoir 2003/87/CE i ndáil leis an tréimhse ar lena linn a bhí an long faoina bhfreagracht a mhéid a bhaineann leis na hoibleagáidí a leagtar amach sa Treoir sin.

Déanfaidh cuideachtaí, nuair is infheidhme, na ríomhanna a leagtar amach i bpointí 1.1. go 1.7 san ord a leagtar síos thíos.

1.1.    An prionsabal ginearálta

Chun críche faireachán a dhéanamh ar iomlán astaíochtaí gás ceaptha teasa comhiomlánaithe na loinge atá le tuairisciú faoi Threoir 2003/87/CE, cuirfidh cuideachtaí na foirmlí a bhunaítear i gCuid A d’Iarscríbhinn I a ghabhann leis an Rialachán seo i bhfeidhm, agus na cineálacha astaíochtaí gás ceaptha teasa a chumhdaítear le Treoir 2003/87/CE á gcur san áireamh.

1.2.    Maolú ar an bprionsabal ginearálta agus úsáid na bhfachtóirí astaíochta de bhun Airteagal 14 de Threoir 2003/87/CE

De mhaolú ar phointe 1.1, ní chuirfidh cuideachtaí na rialacha a leagtar síos i gCuid A d’Iarscríbhinn I a ghabhann leis an Rialachán seo i bhfeidhm a mhéid a bhaineann le fachtóirí astaíochtaí CO2 a chinneadh i gcás ina n-úsáideann an chuideachta breosla a chomhlíonann na critéir inbhuanaitheachta agus na critéir maidir le laghdú ar astaíochtaí gás ceaptha teasa le haghaidh úsáid na bithmhaise arna bunú le Treoir (AE) 2018/2001 ó Pharlaimint na hEorpa agus ón gComhairle ( 5 ), agus aon choigeartú is gá lena chur i bhfeidhm mar a leagtar amach i Rialachán Cur Chun Feidhme (AE) 2018/2066. Sna cásanna sin, nialas a bheidh i bhfachtóir astaíochta CO2 chodán bithmhaise an bhreosla.

▼M4

De mhaolú ar phointe 1.1, ní chuirfidh cuideachtaí na rialacha a leagtar síos i gCuid A d’Iarscríbhinn I a ghabhann leis an Rialachán seo i bhfeidhm a mhéid a bhaineann le fachtóirí astaíochta CO2 a chinneadh i gcás ina n-úsáideann an chuideachta Breoslaí In-Athnuaite de Thionscnamh Neamhbhitheolaíoch, Breosla Carbóin Athchúrsáilte nó breosla sintéiseach ísealcharbóin. Sna cásanna sin, cinnfear an fachtóir astaíochta CO2 i gcomhréir le Rialachán Cur Chun Feidhme (AE) 2018/2066.

▼M3

1.3.    Maolú ar an bprionsabal ginearálta i gcás turas idir calafort atá faoi dhlínse Ballstáit agus calafort atá lasmuigh de dhlínse Ballstáit

I gcomhréir leis an raon feidhme geografach dá dtagraítear in Airteagal 3ga de Threoir 2003/87/CE, déanfar na méideanna arna ríomh i gcomhréir le pointe 1.1 agus pointe 1.2 den Chuid seo a iolrú faoi 50 % i gcás ina scaoileann long astaíochtaí gás ceaptha teasa, ar long é a thugann faoi mhuiraistear ó chalafort cuarda atá faoi dhlínse Ballstáit agus a thagann isteach i gcalafort cuarda atá lasmuigh de dhlínse Ballstáit, nó faoi mhuiraistear a imíonn ó chalafort cuarda atá lasmuigh de dhlínse Ballstáit agus a thagann isteach i gcalafort cuarda atá faoi dhlínse Ballstáit.

1.4.    Maolú ar an bprionsabal ginearálta i gcás astaíochtaí CO2 dá dtagraítear in Airteagal 12(3a) agus (3b) de Threoir 2003/87/CE

De mhaolú ar phointe 1.1, i gcás ina dtagann astaíochtaí CO2 faoi raon feidhme Airteagal 12(3a) nó (3b) de Threoir 2003/87/CE, déanfar méideanna na n-astaíochtaí sin arna ríomh i gcomhréir le pointí 1.1, 1.2 agus 1.3 den Chuid seo a iolrú faoi nialas.

1.5.    Maolú ar an bprionsabal ginearálta i gcás astaíochtaí gás ceaptha teasa ó mhuiraistear nó ó ghníomhaíochtaí dá dtagraítear in Airteagal 12(3-d), (3-c) nó (3-b) de Threoir 2003/87/CE

De mhaolú ar phointe 1.1, i gcás ina dtagann na hastaíochtaí gás ceaptha teasa faoi raon feidhme Airteagal 12(3-d), (3-c), nó (3-b) de Threoir 2003/87/CE, déanfar na méideanna a ríomhtar i gcomhréir le pointí 1.1 go 1.4 den Chuid seo a iolrú faoi nialas.

1.6.    Ríomh iomlán astaíochtaí gás ceaptha teasa na loinge le tuairisciú faoi Threoir 2003/87/CE i gcás inar mian leis an gcuideachta tairbhe a bhaint as an maolú dá bhforáiltear in Airteagal 12(3-e) den Treoir sin

Cuideachtaí ar mian leo leas a bhaint as an maolú le haghaidh longa d’aicme oighir dá bhforáiltear in Airteagal 12(3-e) de Threoir 2003/87/CE, déanfaidh siad 5 % de na méideanna a ríomhtar i gcomhréir le pointí 1.1 go 1.5 den Chuid seo, de réir mar is infheidhme.

1.7.    Ríomh iomlán astaíochtaí gás ceaptha teasa na loinge le tuairisciú faoi Threoir 2003/87/CE, agus Airteagal 3gb den Treoir sin á chur san áireamh

I leith na n-astaíochtaí le haghaidh na mblianta tuairiscithe 2024 agus 2025, cuirfidh cuideachtaí na céatadáin chéimnithe isteach dá bhforáiltear in Airteagal 3gb de Threoir 2003/87/CE i bhfeidhm ar na méideanna a ríomhtar i gcomhréir le pointí 1.1 go 1.6 den Chuid seo, de réir mar is infheidhme. Déanfaidh cuideachtaí méideanna gach gáis a chomhiomlánú chun iomlán astaíochtaí gás ceaptha teasa na loinge atá le tuairisciú faoi Threoir 2003/87/CE a ríomh.

2.    Faireachán ar an bhfaisnéis is gá chun údar cuí a thabhairt le haon mhaolú ábhartha ar Airteagal 12(3) de Threoir 2003/87/CE a chur i bhfeidhm

▼B

IARSCRÍBHINN III

Eilimintí atá le cur san áireamh le haghaidh na ngníomhartha tarmligthe dá bhforáiltear in Airteagal 15 agus in Airteagal 16

A.   NÓSANNA IMEACHTA FÍORAITHE

B.   CREIDIÚNÚ NA bhFÍORAITHEOIRÍ