6.3 Pleanáil maidir le haistriú

Ba cheart d’institiúidí a n íogaireacht i leith rioscaí ESG a thuiscint, go háirithe rioscaí aistrithe comhshaoil agus rioscaí fisiceacha, i gcásanna éagsúla, lena n áirítear iad siúd lena dtugtar le ‑ tuiscint leibhéil níos airde riosca fhisiciúil nó aistriú mí-ordúil. Ba cheart d’institiúidí a thuiscint ‑ conas a d’fhéadfadh cásanna éagsúla difear a dhéanamh dá n iarrachtaí pleanála um aistriú.

Chun críocha faireachán a dhéanamh ar na rioscaí a bhaineann ‑ go sonrach leis an gcomhshaol

a d’fhéadfadh eascairt as an bpróiseas coigeartaithe i leith cuspóirí rialála a bhaineann leis an aeráid agus leis an gcomhshaol sna dlínsí ina bhfeidhmíonn siad agus aghaidh a thabhairt orthu, ba cheart d’institiúidí cásanna a roghnú go cúramach trí na céimeanna seo a leanas a ghlacadh:

• a) measúnú a dhéanamh ar na himpleachtaí a d’fhéadfadh a bheith ag cuspóirí an Aontais, na mBallstát agus, i gcás inarb ábhartha, ag cuspóirí tríú tíortha maidir le conairí um aistriú, le haghaidh earnálacha roghnaithe arna gcinneadh ar bhonn an mheasúnaithe ábharthachta, ar a laghad. Sa phróiseas sin, ba cheart d’institiúidí na conairí dóchúla ón gComhaontú Glas don Eoraip, ó Dhlí Aeráide an Aontais, agus ó na tuarascálacha agus na bearta is déanaí arna bhforordú ag an mBord Comhairleach Eolaíochta Eorpach maidir leis an Athrú Aeráide a chur san áireamh;
• b) breithniú a dhéanamh ar chásanna eolaíochtbhunaithe agus nuashonraithe a thagann ó eagraíochtaí náisiúnta, AE nó idirnáisiúnta dá dtagraítear i mír 38;
• c) cuspóirí nó gealltanais dheonacha nó sainordaithe rialála na hinstitiúide maidir le maolú ar an athrú aeráide agus oiriúnú don athrú sin a chur san áireamh.

Ba cheart go mbeadh an tagairt gheografach agus an ghráinneacht, amhail i dtéarmaí miondealuithe réigiúnacha, de na cásanna agus na conairí a úsáideann institiúidí a bheith ábhartha dá samhail ghnó agus dá neamhchosaintí.

Ba cheart go mbeadh raon agus castacht na gcásanna a úsáideann institiúidí a bheith comhréireach lena méid agus lena gcastacht. Féadfaidh SNCInna agus institiúidí neamh-mhóra eile a bheith ag brath ar shraith shimplithe de phríomhpharaiméadair agus de phríomhbhoinn tuisceana, na rioscaí a cuireadh san áireamh, tréimhsí ama a breithníodh, agus miondealú réigiúnach ar thionchair. Ba cheart d’institiúidí móra a bpleananna (lena n áirítear spriocanna deiridh agus idirmheánacha) a thagarmharcáil i gcoinne cáis atá comhoiriúnach le teorannú an téamh domhanda go 1.5 °C i gcomhréir leis an gComhaontú ‑ Pháras agus leis an gcuspóir aeráidneodracht a bhaint amach faoi 2050 mar a bhunaítear le Dlí Aeráide an Aontais.

Ba cheart d’institiúidí a chinntiú go bhfuil cásanna agus conairí a úsáidtear mar chuid dá bpleananna comhsheasmhach ar fud na heagraíochta agus go mbreithnítear na tréimhsí ama, amhail nuair a bhíonn straitéisí gnó á bhforbairt agus spriocanna á leagan síos don ghearrthéarma, don mheántéarma agus don fhadtéarma. Ba cheart d’institiúidí doiciméadú a dhéanamh ar an bpróiseas chun cásanna a roghnú agus ar na cúiseanna le haon athrú nó úsáid dhifriúil. Ba cheart údar soiléir a bheith le cinntí chun cásanna éagsúla a úsáid chun críocha éagsúla chomh maith le cinntí chun cásanna a mhodhnú.

6.3.2. Tréimhsí ama agus garspriocanna

Ba cheart d’institiúidí sraith tréimhsí ama éagsúla a bhunú mar chuid dá bpleananna ar cheart go n áireofaí leo an tréimhse phleanála ghearrthéarmach, mheántéarmach agus fhadtéarmach de dheich mbliana ar a laghad. Ba cheart na prionsabail a leagtar amach i mír ‑ 19 a chur san áireamh sna socruithe arna bhforbairt chun faireachán a dhéanamh ar rioscaí ESG agus chun aghaidh a thabhairt orthu thar thréimhsí ama.

Ba cheart d’institiúidí garspriocanna a shocrú ag eatraimh ama rialta chun faireachán a dhéanamh ar rioscaí ESG a eascraíonn as cuspóirí rialála gearrthéarmacha, meántéarmacha agus fadtéarmacha atá ag na dlínsí ina bhfeidhmíonn siad agus chun aghaidh a thabhairt orthu. Áirítear leis sin cuspóirí an Aontais astaíochtaí gás ceaptha teasa a laghdú de 55 % faoi 2030 i gcomparáid le leibhéal 1990 agus astaíochtaí glan-nialasacha a bhaint amach faoi 2050, spriocanna aeráide idirmheánacha eile arna leagan síos ag an Aontas nó, i gcás inarb infheidhme, reachtaíocht náisiúnta, chomh maith le cuspóirí a bhaineann le tosca comhshaoil eile amhail athchóiriú dúlra¹⁹ nó dífhoraoisiú²⁰ a bhaint amach.

Ba cheart d’institiúidí a áirithiú go bhfuil idirghníomhú ann idir cuspóirí agus spriocanna gearrthéarmacha, meántéarmacha agus fadtéarmacha agus go gcuirtear in iúl go maith iad. Áirítear leis sin a áirithiú go mbeidh cuspóirí fadtéarmacha, amhail gealltanais chun glanastaíochtaí nialasacha GCT a bhaint amach, ina straitéisí meántéarmacha (e.g. beartais earnála mheántéarmacha nó spriocanna fáis do línte gnó) agus go mbeidh méadrachtaí nó spriocanna airgeadais gearrthéarmacha (e.g. táscairí brabúsachta, costas riosca, KPInna, KRInna, teorainneacha riosca, creataí praghsála) comhleanúnach agus comhsheasmhach leis na cuspóirí meántéarmacha agus fadtéarmacha.

6.3.3. Bonn an mheasúnaithe ábharthachta

Ba cheart go mbeadh sé d’aidhm ag próiseas pleanála aistrithe na n institiúidí rioscaí ábhartha ESG a bhainistiú, go háirithe rioscaí aistrithe comhshaoil agus rioscaí fisiceacha arna ‑ sainaithint ar bhonn measúnú ábharthachta láidir, agus arna nuashonrú go rialta ar rioscaí ESG arna dhéanamh i gcomhréir le Roinn 4.1. Ba cheart d’institiúidí gníomhartha tiomnaithe a leagan amach chun faireachán agus aghaidh a thabhairt ar rioscaí ábhartha ESG a eascraíonn as neamhchosaintí, as punanna, agus na gníomhaíochtaí eacnamaíocha agus as na hacmhainní táirgthe atá á maoiniú, a d’fhéadfadh a bheith an-leochaileach do phróiseas coigeartaithe an gheilleagair i dtreo na gcuspóirí dlíthiúla agus rialála is infheidhme a bhaineann le fachtóirí ESG.

6.3.4. Méadrachtaí

Ba cheart d’institiúidí raon méadrachta a úsáid lena n áirítear méadracht réamhbhreathnaitheach chun tacú le socrú spriocanna agus chun cur chun feidhme a ‑ bpleananna a bhrú chun cinn agus chun faireachán a dhéanamh ar a gcur chun feidhme.

Chun críocha spriocanna a leagan síos, ba cheart d’institiúidí sraith méadrachta agus táscairí a úsáid agus na cinn a áirítear i mír 81 á gcur san áireamh. Ba cheart d’institiúidí a

19 Rialachán (AE) 2024/1991 ó Pharlaimint na hEorpa agus ón gComhairle an 24 Meitheamh 2024 maidir le hathchóiriú an dúlra agus lena leasaítear Rialachán (AE) 2022/869 (IO L, 2024/1991, 29.7.2024). 20 Rialachán (AE) 2023/1115 ó Pharlaimint na hEorpa agus ón gComhairle an 31 Bealtaine 2023 maidir le tráchtearraí agus táirgí áirithe atá bainteach leis an dífhoraoisiú agus leis an díghrádú foraoisí a chur ar fáil ar mhargadh an Aontais agus a onnmhairiú ón Aontas agus lena n aisghairtear Rialachán (AE) Uimh. 995/2010 (IO L 150, 09/06/2023, lch. 20). 32 ‑ chinneadh, agus a straitéisí gnó agus a n inghlacthacht riosca á gcur san áireamh acu, cad iad na méadrachtaí agus na spriocanna rioscabhunaithe agus réamhbhreathnaitheacha eile a ‑ chuirfidh siad san áireamh ina bpleananna d’fhonn faireachán a dhéanamh ar rioscaí ESG agus aghaidh a thabhairt orthu. Áirítear leis sin méadracht a mheasúnú, a ríomh agus a úsáid chun meastóireacht a dhéanamh ar na himpleachtaí airgeadais a bhaineann le pleanáil um aistriú do phróifíl ghnó agus riosca na n institiúidí sa ghearrthéarma, sa mheántéarma agus san fhadtéarma, lena n áirítear trí thionchar na pleanála um aistriú ar fheidhmíocht airgeadais, ar ‑ fhoinsí ioncaim, ar bhrabúsacht agus ar leibhéal riosca na bpunann a thomhas. ‑

I gcás ina mbíonn na sonraí is gá chun méadracht a ríomh agus chun tacú le socrú spriocanna ar iarraidh, ba cheart d’institiúidí na céimeanna a leagtar amach i míreanna 26, 27 agus 29 a leanúint.

Féadfaidh SNCInna agus institiúidí neamh-mhóra eile a bheith ag brath ar raon níos lú táscairí chun méadracht a úsáid agus chun spriocanna a leagan síos agus cuspóirí cáilíochtúla a cheapadh a bheag nó a mhór.

Cé gur cheart d’institiúidí teaglaim de mhéadrachtaí a bhaineann le rioscaí a bhaineann leis an aeráid a úsáid ar a laghad, ba cheart dóibh bearta a ghlacadh chun méadrachtaí a chur san áireamh de réir a chéile, ar méadrachtaí a thacaíonn le measúnú riosca agus stiúradh straitéiseach a bhaineann le neamhchosaint institiúidí ar rioscaí comhshaoil, agus le bainistiú rioscaí comhshaoil, seachas rioscaí a bhaineann leis an aeráid, e.g. rioscaí a eascraíonn as díghrádú éiceachóras agus caillteanas na bithéagsúlachta agus an tionchar a d’fhéadfadh a bheith acu ar rioscaí a bhaineann leis an aeráid, chomh maith le rioscaí sóisialta agus rialachais.