6.2. Anailís athléimneachta

Ba cheart d’institiúidí a n - anailís athléimneachta a fhorbairt d’fhonn measúnú a dhéanamh ar a gcumas a dtreo straitéiseach agus a mbrabúsacht a chothú faoi dhálaí díobhálacha.

Mar thúsphointe don anailís athléimneachta, ba cheart d’institiúidí anailís chríochnúil a dhéanamh ar an timpeallacht ina n - oibríonn siad, agus ar an éabhlóid a mheastar a thiocfaidh uirthi thar thodhchaí intuartha.

Ar an mbonn sin, ba cheart d’institiúidí a gcás tagartha féin a shocrú, i.e. an cás lena léirítear an chonair chomhshaoil is dóchúla maidir le forbairtí amach anseo, de réir na hinstitiúide. Cuireann an cás tagartha inmheánach seo leis an gcás bunlíne a ús áidtear le haghaidh tástálacha struis ach leathnaíonn sé thar thréimhse fhadtéarmach agus d’fhéadfadh sé, mar thoradh air sin, imeacht go céimeanna éagsúla ó leanúint de threochtaí inbhraite.

Chomh maith leis an gcás tagartha, ba cheart d’institiúidí sraith cásanna malartacha ar leith a roghnú atá deartha chun raon leathan todhchaíochtaí sochreidte a chumhdach.

Agus anailís athléimneachta á déanamh acu, ba cheart d’institiúidí breithniú a dhéanamh ar na lúba aiseolais a eascraíonn as oiriúnú na hearnála airgeadais do rioscaí atá ag dul i méid (e.g. cumhdach árachais laghdaithe i réigiúin atá leochaileach ó thaobh na haeráide de lena n- íslítear luachanna sócmhainní agus acmhainneacht creidmheasa, rud a mhéadaíonn caillteanais airgeadais agus a chuireann teorainn le hinfheistíocht amach anseo) agus a rannchuidiú le riachtanais mhaoiniúcháin an gheilleagair. Chuige sin, ba cheart d’institiúidí faireachán a dhéanamh ar ghluaiseachtaí ath - leithdháilte caipitil agus ar éifeachtaí plódaithe féideartha in earnálacha nó i bhfo - earnálacha is mó a ndéanann iarrachtaí aistrithe difear dóibh (e.g. aistriú ó earnálacha atá dian ar charbón mar gheall ar thuiscint mhéadaithe ar riosca, nó fócas iomarcach infheisteoirí ar shócmhainní glasa as a dtagann praghsáil mhíchruinn agus infhaighteacht maoinithe laghdaithe d’earnálacha idirthréimhseacha nó do FBManna leochaileacha).

I gcomhthráth leis an anailís chríochnúil sin ar a dtimpeallacht, ba cheart d’institiúidí príomhghnéithe dá samhail ghnó reatha a shainaithint, lena n - áirítear brabúsacht fholuiteach, meascán sócmhainní agus dliteanas, sciar den mhargadh, struchtúr cistiúc háin, príomhspreagthaí ratha agus príomhspleáchais.

Agus an anailís seo ar fhoinsí brabúsachta a samhla gnó agus a gcás tagartha á gcur le chéile, ba cheart d’institiúidí réamh - mheastacháin a dhéanamh ar a mbrabúsacht riosca - choigeartaithe agus ar roinnt méadrachtaí fóinteacha eile (lena n áirítear méadrachtaí comhshaoil) dá ngníomhaíochtaí éagsúla thar thréimhse 10 mbliana ar a laghad. Chun - dúshlán a thabhairt d’athléimneacht a straitéise, ba cheart d’institiúidí na réamh - mheastacháin a rinneadh ar bhonn a gcáis tagartha a atáirgeadh leis an tacar de chásan na malartacha.

Ba cheart d’institiúidí an anailís a mhiondealú i roinnt tréimhsí ama, agus comhsheasmhacht idir na tréimhsí éagsúla á háirithiú ag an am céanna. Agus é sin á dhéanamh acu, ba cheart go mbeadh siad in ann réamh - mheastacháin níos beaichte a dhéanamh thar th réimhse ghearrthéarmach (e.g. faoi bhun cúig bliana). De réir mar a shíneann an tréimhse ama, féadfaidh institiúidí raonta a úsáid ar fheidhmíocht ionchasach a straitéise agus ar na príomh - mhéadrachtaí eile.

Ar mhaithe le hanailís athléimneachta, ba cheart d’institiúidí toimhde shrianta dinimiciúil punainne a úsáid lena dteorannófar na hathruithe laistigh dá bpríomhphunainn go dtí na hathruithe dá bhforáiltear ina straitéis reatha. Go sonrach, ba cheart d’institiúidí a áirithiú go bhfuil a réamh - mheastacháin ailínithe leis na spriocanna atá leagtha síos ina bplean i gcomhréir le hAirteagal 76(2) de Threoir 2013/36/AE. Mar chomhlánú air sin, féadfaidh institiúidí úsáid a bhaint as toimhde punainne dhinimiciúil i omlán ina n- ionchorpraítear éabhlóidí réamh - mheasta na dtosca comhshaoil agus an fhreagairt a bhfuiltear ag súil leo ar na héabhlóidí sin.

Le hanailís athléimneachta, ba cheart measúnú a sholáthar d’institiúidí ar inmharthanacht a samhla gnó agus ar inbhuanaitheacht a straitéise faoi gach ceann de na cásanna a tástáladh. Ba cheart d’institiúidí na torthaí ó raon iomlán na gcásanna a mheas agus ní hamháin díriú ar chásanna meánraoin (i.e. cásanna nach n - imíonn ach go measartha óna gcás tagartha). Mar thoradh air sin, ba cheart go dtacódh cur chun feidhme anailíse athléimneachta leis an institiúid measúnú a dhéanamh ar a straitéis (lena n -áiríte ar a plean aistrithe) agus, i gcás inar gá, í a choigeartú chun a hathléimneacht in aghaidh cásanna díobhálacha malartacha a áirithiú.